كنت اتوقع الزواج شي وطلع شي ثاني......
كنت اتوقع الزواج شي وطلع شي ثاني......
قبل ما اتزوج وأجرب الحياه الزوجيه كنت اتوقع إن الزواج كلام حلو وخرجات وسفرات ودلع و وناسه....
لكن توقعي ماكان صحيح مع العلم اني كنت أقرأ كثير عن الحياه الزوجيه وانها مسؤليه كبيره....
بس أبدا مايجي في بالي عن الزواج غير الحب والرومنسيه والدلع....
هذا كان توقعي في البدايه بس إيش اللي حصل لي بعد الزواج؟؟؟؟؟؟؟؟؟؟؟
7
7
7
7
7
7
7
7
7
7
7
7
بعد ماتملكت عشت أروع أيام حياتي ماذقت مثل حلاوتها أبدا....
كلام حب وزيارات وجلسات رومانسيه وهدايا وسعاده ماكنت أتخيلها في حياتي....
بعد الزواج شهر كامل وانا اتدلل واتدلع وما اسمع غير سمي يابعد عمري....
انتهت إجازة زوجي وبدأ الدوام صرت أشتاق له كثير ماني متعوده يبعد عني كل هالساعات...
يرجع من الدوام تعبان يبغى غداه يتغدى ويريح شوي بعدين يروح ينام وأنا أقعد لحالي....
يقوم المغرب يصلي ويجي يجلس معاي الى صلاة العشاء يصلي ويروح عند أصحابه ولا يجي إلا الساعه 11 بالليل يجي والعشا جاهز يتعشى ويسولف معاي الى 12 وبعدها يروح ينام....
بديت أحس بالفرق وبدى يجيني القلق....
كلام الحب مازال موجود ولكن خف عن أول أيام الزواج....
الدلع موجود ولكن بحدود لأن زوجي أصبح مشغول والواجب اني أراعي شعوره وأخفف من الدلع شوي....
فعلا بديت أقلق كنت أحسب إن زوجي خلاص ماعاد يحبني زي أول....
كان تفكيري غلط.....
الزواج ماهو رومانسيه ودلع وشهر عسل على طول...
الزواج مهمه عظيمه ومسؤليه كبيره وتحتاج لتعاون من الزوج والزوجه علشان تنجح الحياه وتستمر....
والعروس المدلعه مازالت قلقه وتفكر على طول بالرومنسيه والحب وتنتظر حبيبها يرجع مثل أول.....
مافهمت العروس الحياه زين....
لانستغني عن الحب والكلام العسل والرومانسيه هي اللي تنعش الحياه الزوجيه لكن تكون بحدود وليست بشكل ممل....
تصدقون اكتشفت ان الكلام الحلو والرومانسيه لو استمرت مثل أيام العسل على طول تصبح ممله بشكل كبير....
لكن اذا اختفت فتره ثم عادت من جديد تنتعش الحياه وتحسين بتغير حلو في حياتك....
كنت العروس المدلعه اللي لسى مافهمت هذا الكلام ولا فهمت الغايه الكبرى من الزواج....
بديت اتذمر واشكي من الوضع وكالعاده اقول انت اكيد ماعاد تحبني انت تغيرت عن اول....
كان زوجي واعي وفاهم بما فيه الكفايه....
وقال بقولك كلام واسمعيني زين:
الحياه الزوجية قصر أنا وانتي شركاء فيه وأعمدة هذا القصر الحب والحنان والتفاهم والأخلاق....
انا بنيت لك داخل قلبي حب ماراح ينهدم مع الأيام....
مع مسؤليات الحياه بيخف كلام الحب والرومانسيه بس لاتزال موجوده بين فتره وفتره.....
لكن الحب مايخف ابدا وبالعكس بيزيد مع الأيام ومع العشره مع بعض....
لاتتوقعين ان الحب لازم يظهره الرجل بالكلام والا بالرومانسيه الحب ياعمري عند الرجل افعال اقولك كيف....
لما اشتغل الليل والنهار واتعب فهذا علشان اعيشك في نعيم لأني احبك....
لما ادخل البيت واحس بالراحه معاك وآكل من يدك وانام جنبك على سرير واحد فهذا لأني أحبك....
لما اجيب لك اللي تطلبينه وانفذ أوامرك فهذا لأني أحبك....
لما احترمك واحترم اهلك واحب اللي تحبونه فهذا لأني احبك...
الحب ياعمري افعال ماهو مظاهر وأقوال
شكرا يازوجي العزيز الآن بس فهمت ان الحياه الزوجيه مهمه عظيمه ومسؤليه كبيره ومهما صار بيني وبينك ماراح يخف الحب اللي في قلبي لك ولا راح يخف الحب اللي في قلبك لي....
والمشاكل لابد تحدث بين أي زوجين وهي مثل مايقولون ملح الحياة....
والزوج والزوجه إذا كانوا واعين وفاهمين بما فيه الكفايه راح يقدرون يحلون مشاكلهم بسهوله وبدون ماتكبر وتصير الحياه صعبه....
لازم كل عروس تقبل على الزواج تكون عارفه وفاهمه انه ماراح تكون الحياه لعب و وناسه ودلع على طول لازم تكون عارفه ان كل شي له وقته واللي يفهم الغايه من الزواج راح يفهم الحياة بشكلها الحقيقي.....
ومهما مرت السنين شمس الحب لابد أن تضل مشرقه للأبد.....
منقووول
رد مع اقتباس
سبحان الله وبحمده عدد خلقه ورضا نفسه وزنة عرشه ومداد كلماته 
مواقع النشر