مايملاعينه الا .................................

[meme110]

بسم الله الرحمن الرحيم
اللهم صل على محمد وعلى آله وصحبه أجمعين
يابنات حواء ياغاليات تكلمنا كثيروبحثناعن الحلول للمشاكل الزوجيه وكل ادلى بدلوة والله يجزى الجميع كل خير بس والله يابنات فيه رجال مايبين فيهم المعروف تعطينه عيونك وعند اتفه مشكله يجلس يجرحك بالكلام لدرجة انه يسمعك كلام وينسب لك اشياء انت ماتسوينها علشان بس يقهرك ويشوفك تتنرفزين وتبكين والله من تجربة انسانه اعرفها تمام المعرفه دايم يخاصمها ويجرحها تقول والله بس نصحته لوجه الله سوى سالفه طويله عريضه ماني عارفه كيف اتفاهم معاه الفاظ سيئة كلام جارح واليوم اتخاصمت معاه وكلمه مني وكلمه منه لدرجه اني اتلفظت عليه وطولت لساني واخذت حقي منه بلساني بدون مااظلمه في شي وهوه هات ياظلم ويابهتان الين طلع اللي بقلبه كله واناطلعت اللي بقلبي كله وقال يالله البسي عباتك وعلى بيت ابوك<<<<<<<<<<<<<
طبعا مااعطته وجه وطنشته انحرج وقال انا آآآآآآآآآآآسف ......
الاخ قلبه مررررررررررررة طيب بس بعدايش
وهيه مسكينه الضغط فوووووول
كيف تتصرفين ساعتها وشرايك بصراحه في هذه النوعيه من الرجال؟؟؟؟؟؟؟؟؟؟؟
اتا عن نفسي اقول(اذا نطق السفيه فلا تجبه فخير من اجابته السكوت )والله يكون بعونها هي اللي طلبت مني اكتب عن مشكلتها................

[رضاك يازوجي]

والله ياحياتي ما ادري وش نقول بهالرجال
بس الله يكون بعون صديقت
وصراحه الكذب والأفتراء عند الرجال مثل السلام عليكم ((سبحان الله ))
انا والله اخس شوي من صديقتك زوجي ملتزم وفيه دين الحدلله وكل شي باين فيه
ألا معي أنا الله يصبرني عليه _دائما خياله وسيع ويحب يكذب على لساني وقدامي بعد
لا ويقول لأمي عن كل صغيره وكبيره وكل شي ولولا الحياء عطاها قصصنا الخاصه
والله يصبرني عليه

[تخفي غلآهآ ..!!]

الله يكوون في عوونهاااا

إذا شااافته معصب تبتعد عنه وتطنشه وتروووح مكان ثاااني

وإذا جرررح فيهااا لا ترررد عليه وهو بينقهررر وهي خليها تسوي نفسها مشغوولة في أي شئ

والله يرررجع لها ويهدئ وهو الخسراااااااان ,,

[هتاف المجد]

هذي مشكلة الحريم ... تهتم بزوجها فوق العادة .. وحضرته لو مرة وحده غلطت .. ماخلى شيء وماجاب سيرته .. يطلع الأول والتالي ..


أول شيء .. نصيييييييحة لكل زوجة ... اهتمي بنفسك أول .. وأستخدمي زوجك لسعادتك .. وهذا ما يمنع إنك تتحببين له .. وتتعاملين معاه بأسلوب حلو ..

لكن حطي له خطوط حمراء ما يتعداها ... لو مرة رفع صوته .. خذي معاه موقف حازم .. اني ما أرضى ترفع صوتك .. عندك شيء تعال نتفاهم بهدوء ..

وأنتي ما ترفعي صوتك .. وإذا عصب.. أتركيه وأطلعي لغرفة ثانية .. وقولي له .. إذا هديت نرجع نتفاهم .. أما بهالعصبية ما راح أتقبل منك لا راح اتكلم بكلمة ..


إحنا اللي عطيناهم الفرصة يتكلموا علينا ويرفعوا أصواتهم ..

لازم يفهم إنو أحنا زوجين .. والمفروض علاقتنا ببعضنا زي الأصدقاء .. ما أتوقع أنه يرفع صوته على صديقه او يعصب عليه .. إلا تلاقين كل كلام حلو ومجاملة لأصدقائهم .. أما زوجاتهم .. مافيش إلا صراخ ..

لإن إحنا سكتنا .. وإعطيناه الضوء الأخضر يجرح فينا ويزعلنا ..


حبيايبي .. عطوا أنفسكم قدرها ... وأعرفوا كيف تمسكوا العصا من الوسط .. وتعاملوا مع ازواجكم بطريقة شعرة معاوية .. إذا زوج شد .. إنتي أرخي .. وإذا هو ارخى .. إنتي شدي ..

وراح تنعموا بحياة حلوة ... ويعرف زوجك قدرك ..



مع خالص حبي .................................