بسم الله الرحمن الرحيم
انا كان اخر يوم الي في شهري 2010-2-11 يوم خميس يوم الثلاثاء قبلها في يومين تعبت ورحت عالمستشفى قالولي عندك طلق بس ما في فتحة روحي عالبيت وارجعي بعد 8 ايام اذا ما ولدتي في التاريخ المحدد الك توكلت على الله وروحت يوم الجمعه 2010-2-12 من الصبح عندي الم يروح وييجي كل خمس دقائق وحاسة حالي بدي افوت عالحمام بس ما في شي ظليت احسب استنين ساعتين رتبت الدار وجهزت حالي واتصلت على جوزي في الشغل ييجي يوخدني لاني ش قادرة اتحمل الوجع المهم اجا جوزي بسسرعه رحنا عالمستشفى عملولي فحص طلع عند يالفتحة 1ونص وفي طلق قوي بس المشكلة انه صار عندي فجاة تسمم حمل قالتلي الدكتورة ما في روح عالبيت اليوم لازم ولاده لانه خطر عليكي وعالجنين قلت امري لله وعلى فكرة نسيت اقول ان هذا حملي الرابع بس 3 مرات اجهضت وهذي الولادة الاولى الي بعد 5 سنين المهم دخلوني غرفة الولاده قالولي بدك ابرة الظهر قلت اها المهم بدي اخلص حطولي اياها ونوموني عالتخت وعلقوا عليي جهاز كشف النبض والطلق وكل 3 ساعات يفتح الرحم بس 1 سنتي اتعذبت كتير والولد صار يرجع لورا ظليت على هالحاله للساعه 9 الصبح يوم السبت وكانوا معلقينلي ادوية ومغذي واجا وقت انه خلص خافوا عليي تعبت كتير وصار عندي ضيقة نفس صاروا يعملولي عملية التحريض يساعدوني في التوسيع تقولي ادفعي وهي تصير تساوي بايدها عشان يتوسع واخذت العملية 3 ساعات ونص لبين ما فتح عالاخر واخر شي جرحتني عشان الولد ما كان راضي يطلع وقالتلي شدي احمى ما عندك والحمدلله طلع زين العابدين بسلامة وصحة منيحة الله يخليلي اياه ويعطي كل محروم ومن وقت ما طلع ما حسيت بشي كاني ما كنت قاعده انازع في الميلاد الحمدلله على النعمه بعدها خيطوني وحطوني ساعتي مراقبة في غرفة لحالي وبعدها نقلوني على الغرفة في العناية عشان وضعي وقعدت يومين وهم يحطولي دوا ماغنيزيوم عشان الضغط وما كنت اقدر اروح ولا اجي كان حبيبي ابو زين ييجي يجيب الولد يطعمية يغيرله ويدير بالو عليه ما حسيت بحالي اني والده اول يومين ثالث يوم اتاقلمت مع الولد المهم ولدت السبت روحت الاثنين الاربعاء تعبت صارت تجيني زي ضيقة نفس ما اقدر اتنفس ورجليي اتنفخوا وحالتي حالى رحت عند الطبيب قالي لازم هسا عالمستشفى يعملولك صورة للصدر نشوف مالك رحت عالمستشفى لاقوا عندي ماء على الرئةقالولي يمكن سببها انه في مشكلة في القلب انا هون قلت خلص مش رح ارجع لابني انا رح اموت خفت كتير تخيلوا ابني عمره 4 ايام تركته ورحت عالمستشفى نوموني هناك غصبن عني ما كنت بدي كل دكاترة المستشفى اجو عند ي ليقنعوني قال عشان تروحي منيحة لابنك وعشانك صبية لازم تظلي هون المهم استسلمت للامر الوقع بس الحمدلله اني بقيت ولا كان عنجد متت في اليل حطولي دوا عشان ينزل كل السوائل يلي في الجسم ظليت طول تالليل راية جاي تخليوا في 5 ساعات نزلت 4 كيلوا كانت هاي السوائل من الميلاد المهم ثاني يوم الصبح عملولي تخطيط للقلب وصور وفحوصات والحمدلله طلع كل شي منيح والمي نزلت عن الرئة وخلوني كمان يوم متابعه والحمدلله يويمن وروحت عالبيت بالسلامة ورجعت ضميت ابني الله يخليلي اياه واسفة اني طولت عليكم في الكلام بس حبيت اشارككم فرحتي في زين العابدين لا تستغربوا من اسمي في المنتدى كنت ناوية اسمي زين بس باخر لحظة سميناه زين العابدين والله يرزق كل محروم والسلام عليكم ورحمة اله وبركاته
مواقع النشر