السلام عليكم ورحمة الله وبركاته
انا حبيت اقدم لكم نتائج لف طويله وتجارب كتييييييييييره فى تزين التورتات
انا عملت تورتات كتيره قبل كده بس للأسف انا ماكنتش بأصورها بس ابتديت اصور من فتره قريبه وسأحاول تنزيلها بالخطوات بس سامحونى مش أنزلها مره وحده للإنشغالات اليوميه اللى انتم كلكم عارفنها واللى عندها أى استفسار انا تحت امرها
انا بس انكم دعولى من قلبكم بإصلاح جميع الأحواللى ولأسرتى
بسم الله نبدأ
نبتدى من الصفر وهى طريقه الكيكه الأسفنجيه
انا طريقتى يمكن مختلفه شويه بس النتيجه رائعه انا اتعلمتها من زماااااان و فضلت انى ما اغيرهاش
وهى
المقادير
7 او 8 بيضات حسب حجم البيض يفضل يكون بدرجه حراره الغرفه - فانيليا - 1 كوب سكر بودره
1 كوب دقيق - 1 ملعقه صغيره بيكنج باودر
الطريقه
اول شئ جهزى الفرن والقالب قبل ما تشتغلى
تخفقي البيض والفانيليا والسكر بودره حتي يصبحوا كالمارنج
شايفه البيض فى القاع ازاى
واصبح كده بعد الخفق
تضيفي الدقيق المنخول مع البيكنج بودر شويه وتقلبى بهدوء شديد بمعلقه خشب علشان الهواء اللي انت دخليه مع الخفق ما يخرجش تاني لغايه الدقيق ما يختفى وبعدين تضيفي شويه تانين وتقلبي وهكذا لغايه المقدار ما يخلص ويفضل نقسمها على ثلاث صوانى
تضعيها على الرف الاوسط 350 درجه
حوالى ثلث ساعه وبعدين تسيبيها تبرد خالص قبل ما تزينها
مرحله التزين
تجيبي طبق مسطح للكيك ولو مش موجود عندك ممكن تجيبي اي كرتونه وقطعيها على شكل القالب اللى عندك وبعدين غطيها بورق الفويل وهاتي طبق تانى اقلبيه وحطى الكرتونه فوقه زى ما انت شايفه
حطى شويه كريمه لتثبيت الكيك على الطبق
حطي اول طبقه من الكيك وادهنيها بالعصير
وبعدين الكريمه
وبعدين كيك وهكذا لحد ما تخلص طبقات الكيك وبعدين حطى طبقه خفيفه من الكريمه علشان لو فى فتافيت صغيره تلصق فيها وسيبيها فى الثلاجه شويه
خرجيها من الثلاجه وحطى الكريمه وسويها من فوق والجوانب بالسكين وكل شويه اغسلى السكين بماء ساخن وانتريها بس علشان تدي للكيك نعومه ولمعان
وبكده الكيك تكون جاهزه لأى شكل تحبى تعمليه
يتبع
[/url
مواقع النشر