بنات ساعدوني انا مو عارفه شو اسوي والله تعبت من التفكير
صفحة 1 من 4 1234 الأخيرةالأخيرة
النتائج 1 إلى 4 من 16

الموضوع: بنات ساعدوني انا مو عارفه شو اسوي والله تعبت من التفكير

  1. #1
    عضوة جديدة
    تاريخ التسجيل
    Mar 2010
    المشاركات
    8
    معدل تقييم المستوى
    0

    بنات ساعدوني انا مو عارفه شو اسوي والله تعبت من التفكير

    السلام عليكم

    انا عضوه جديده فالمنتدى و اسمحولي أن تكون أول مشاركة لي مشكله و آسفه لاني بصدع راسكم بمشكلتي بس لو ماكتبت الي فخاطري بنفجر حتى لو مالقيت الحل عالاقل بكون فضفضت و طلعت شوي من الكبت الي فيني

    المهم خلوني ابدا ..

    انا متزوجه من 8 شهور تقرييا في بداية زواجي ماكنت متقبله زوجي و مو مرتاحه وياه للأسباب كثيره ، منها قله اهتمامه بمظهره و بروده و قله كلامه و طبعا الحبسه الي حابسني اياها فالبيت و عدم تحمله للمسؤوليه بس الحمدلله بديت اتعود عليه ..لكن المشكله فأهتمامه بلبسه و مظهره حاسه انها صعبه لان كل شي عادي عنده ماعليه من حد و اكيد بتقولون بيتعلم ماعليج بس انتي سايريه و هذا الي بسويه مع اني احس ان تجيني ايام استسلم .. نرجع لمحور حديثنا الموضوع هو اني اكتشفت ان زوجي فيه نوع من الحرص أو بمعنى أخر ( كريم مع غيري بخيل علي ) و ماقلتلكم انا اشتغل و عندي راتب و أول ماتزوجنا كنت توني متوظفه و ما التلمت راتبي فطلبت منه مصروف فقام يعطيني 2000 درهم و بعد ما استلمت راتبي قالي انا عندي ديون ونحنا نبي بيت و نمر بضائقه ماليه و نزل المبلغ ل 500 و انا راضيه المهم يعطيني مبلغ لو بسيط يحسسه بالمسؤوليه اتجاهي .. طبعا انا راتبي ادخر شوي منه و شي للأهلي و شوي لي بدت معاناتي مع بعض المواقف الي اثبتت اني ان زوجي فيه نوع من البخل الي ما اقدر اتحمله او الحرص بمعنى اخر والله مو قادره اعرف شو هو بالضبط بخل او حرص ) اول شي من أخذته كنت اقوله روح فصل دشاديش لان دشاديشك قديمة و بعضها متوسخ بوسخ السيارات الاسود و كل مره يقول ماعندي و بعضها مبهدل عليه لانه ضعف و مرات يقول الشهر الجاي و عنده نعال الله يعزكم قديمة و لونها راااااايح مره و شكلها يفشل مع ذلك يطلع فيها ولا كأنه صاير شي عنده الحياه كول قلتله يافلان روح اشتر نعال قال اوكي طافن يومين و هي معه قلتله ليش ماشريت قال خلاص الشهر الجاي عاد وصلت حدي قلتله انت كيف بارد جذيه تطلع و ترد ولا بس هالنعال و سكت عنه حسيت صج انه بخيل و مره موقف ماراح انساه و شاله فخاطري منه كان ماعندي فلوس و اليوم الثاني بيزورونا ناس و عطوري خلصت بقت عندي عصور عربيه قلتله حبيبي خذي عطور ضروري قال والله ماعندي ولازم ادفع مخالفات السياره هالشهر و سكت و طبعا كان عندي مبلغ بسيط يادوب يكفيني لنهاية الشهر اضظريت ادور حد يروح يشتريلي عطر واحد عالاقل مالقيت حد بيطلع رجعت و قلتله خذلي بس عطر واحد ( اول مره احس نفسي مذلوله ) قال صج ماعندي تخيلو طلع من الغرفه تلاقى مع اخته يم غرفتنا قالتله عطني ألف سلف و برجعه لك قالها باجر بسحبلج و الله تقولون كأن حد رش علي ماي بارد انصدمت انا اترجاه يشتريلي عطر وهو يقول ماعندي و يوم اخته طلبته قال ابشري و تصدقون صاله 3 شهور يقول بنروح عند طبيبة نساء نشوف شو سالفة تأخر الحمل عندج و كل مره يقول الشهر الجاي مع انه مابيكلفه اكثر من 500 و هو راتبه الحمدلله كويس و ما انكر انه عنده ديون بس مو جذيه و المشكله هالشهر راح شراله بلاك بيري ب 2000 و ماقال بنروح العياده ، للعلم نحن عايشين فبيت ابوه يعني مافيه مصاريف كثيره ,, صحيح مرات احس فيه كرم شويه بس مرات كثيره احسه بخيل الحين ناويه اصارحه بهالمواقف صج حازه بخاطري انه يصرف على اهله و يستخسر علي لاني اشتغل مع انه مرات اكون مفلسه لاني اساعد اهلي والباقي احطه فالجمعيه هالموضوع وايد متعبني ماتعودت عالبخل صدق البنت فبيت ابوها معززه مكرمه

    اسمحولي عالكلام الملخبط

    انتظر نصايحكم

  2. #2
    عضوة قمة الصورة الرمزية ورقة التفاح
    تاريخ التسجيل
    Dec 2009
    الدولة
    الرياض
    المشاركات
    357
    معدل تقييم المستوى
    10
    السلام عليكم ورحمة الله وبركاتة اختي العزيزة الله يستر عليكي معلش اصبري ما بعد الصبر الا الفرج

    وبعدين لازم تناقشين الموضوع انتي وياه وضروري يخصصلك مصروف شهري انتي تحددينه بس لا تلومينه على مساعدة اهله هذا انتي تساعدين اهلك وما يقولك شي انتبهي على نفسك وبيتك تقبلي مروري
    سبحان الله وبحمده عدد خلقه ورضا نفسه وزنة عرشه ومداد كلماته

    من مواضيع ورقة التفاح :


    • #3
      عضوة قمة الصورة الرمزية ##ألين##
      تاريخ التسجيل
      Mar 2010
      المشاركات
      213
      معدل تقييم المستوى
      10
      السلام عليكم
      يالغاليه لاتكبرين الموضوع في عينك بعدين ماتقدرين تحتوين المشكله
      بالنسبه للشكل مافيها شي لو شريتي له هديه عباره عن دشداشه جديده مع ساعه وشبشب بالكرامه وبدله رياضيه حلوه مع بجامه وغلفيها وقولي له عمري شفت هذي في السوق واعجبتني وحبيت اشتريها لك


      بالنسبه لكرمه لاهله يمكن لان يشوفك تكرمين اهلك علشان كذا هو كمان يكرم اهله


      على العموم اذا بغيتي من زوجك شي حاولي تكلمينو في وقت يكون هو فيه راااااااااايق علشان يتقبل الكلام وبالتوفيق

    • #4
      عضوة جديدة
      تاريخ التسجيل
      Mar 2010
      المشاركات
      8
      معدل تقييم المستوى
      0
      اقتباس المشاركة الأصلية كتبت بواسطة ورقة التفاح مشاهدة المشاركة
      السلام عليكم ورحمة الله وبركاتة اختي العزيزة الله يستر عليكي معلش اصبري ما بعد الصبر الا الفرج

      وبعدين لازم تناقشين الموضوع انتي وياه وضروري يخصصلك مصروف شهري انتي تحددينه بس لا تلومينه على مساعدة اهله هذا انتي تساعدين اهلك وما يقولك شي انتبهي على نفسك وبيتك تقبلي مروري

      مشكوره حبيبتي عالمرور

      انا متفقه معاه علشان المصروف و لم خفض مصروفي قلتله انا عارفه ان لو عندك بتعطيني اكثر و ان شاءالله بتعوضني فالمستقبل و دايما امدح كرمه و بالعكس ما ألومه على مساعدة اهله والله يشهد على كلامي و لا عمري سألته كم تعطي اهلك و ليش تعطيهم بالعكس الي فيه خير فأهله بيكون فيه خير لزوجته بس أنا عطيتكم مثال على موقف صار و حزني لانه يقول فوجهي ماعندي بس قال لأخته بعطيج ترا انا زوجته و حالي من حال خواته و الله يهديه ان شاءالله

    صفحة 1 من 4 1234 الأخيرةالأخيرة

    المواضيع المتشابهه

    1. ساعدوني والله تعبت
      بواسطة كدوشهـ ودلوعه،، في المنتدى استشارات واكتشافات طبية
      مشاركات: 6
      آخر مشاركة: 04-04-2014, 04:46 PM
    2. كويتيات ساعدوني الله يفرج عليكم تعبت من كثر التفكير صالتي والصبغ
      بواسطة أم سالم وحمد في المنتدى اسألى بالديكور ونحن نُجيبك
      مشاركات: 2
      آخر مشاركة: 19-07-2011, 10:04 PM
    3. ساعدوني الله يفرج همكم تعبت من التفكير
      بواسطة جروح الروووح في المنتدى الحمل والولادة
      مشاركات: 3
      آخر مشاركة: 22-10-2010, 05:51 PM
    4. والله تعبت ساعدوني
      بواسطة REMA11 في المنتدى حواء وطفلها
      مشاركات: 3
      آخر مشاركة: 25-07-2009, 03:55 AM
    5. مشاركات: 14
      آخر مشاركة: 04-06-2006, 12:55 AM

    الكلمات الدلالية لهذا الموضوع

    مواقع النشر

    مواقع النشر

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    أهم المواضيع

    المطبخ

    من مواقعنا

    صفحاتنا الاجتماعية

    المنتديات

    ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |