الكريــــــب بالجبنه " اكـــيد ... بالصـــــــــور "
المقاديـــر
1 كوب دقيق
1 2/1 لبن ( حليب )
2 بيضه
رشة ملح
الطريقـــه
* نضع المقادير كلها مع بعض ونقلبهم كويس جداً .
* نضعهم في الثلاجه لمده 2/1 ساعه .
* نسخن طاسه اووووي .
* نضع فيها فتفوتة سمن .
**** اسيبكم مع الشرح والصور ****
* نضع ( كبشة ) من الخليط في الطاسه .
* وتحركي ايدك حركه دائرية وانتي ماسكه الطاسه علشان تبقي بالشكل ده .
* ثواني وهتلاقيها احمرت اقلبيها علي الوش الثاني ( بس بحرص عشان ما تتقطعش ) .
* ولمدة ثواني كمان وشليها من الطاسه وحطيها في طبق عشان تبرد وكملي باقي المقدار ( المقدار تقريباً بيعمل من 6 : 7 وحدات في الطاسه الكبيرة ) بالشكل ده .
*** نيجي للمهم ((( الحشوات ))) انا عملت جزء بالجبنه الدوبل كريم + الفلفل الاخضر .
وجزء بالجبنه المشكله ( رومي + شيدر + موتزريلا + فلفل اخضر + كاتشب ) .
* نفرد الكريب في طبق .
* نضع الحشوة بالشكل التالي ( دي بالجبنة والفلفل ) .
* ونطبقه بالشكل ده .
* وبعدين ....
* ودي الحشوة الثانية ( الجبنه المشكله ) .
* ولفيها بنفس الطريقه السابقة .
* وكملي باقي الكريبات بالحشوات اللي تفضليها .
* وسخني الطاسه تاني وحطي الكريبات فيها عشان الجبنه تسخن وتبقي سايـــــ أوي ــــحه .
* وبرضه ثواني وهيتحمروا قلبيهم علي الوش الثاني بسرعه عشان ما يتحرقوش .
* وحطيهم في الطبق .
*** شوفوا شوفوا الجمال ***
شوفوا تاني من قريب
هــــــــــــــــــــــــا ميــــــــــــــــن هيلحــــــــــــــــق الطبـــــــــــــــــق ده ؟؟؟؟
الف عافيه ويارب يعجبكوا ...
*** ممكن تقدموا الكريب مع أي حاجه ممكن تتخيلوها ( الشاورما - البطاطس المحمرة - اللحمه المفرومه وعليها الصوص الابيض / الأحمر . . . . . . . . يعني بدل العيش ) .
رد مع اقتباس
مواقع النشر