أنا أحبك مابها زيف وخداع
رغم اللذي نخفيه واللي نخافه
أودعك ليت الألم لحظة وداع
وإلى مضت ننسى الألم والحسافه
أفارقك كان السفر يم وشراع
وبعد الفراق اللي نحبه نعافه
لاصار مافي البعد راحه لملتاع
بالله وش نفع التعب والكلافه
من الجفا والصد يكفيني ذراع
لاجف نهر الحب ماتت ضفافه
أي والذي خلا لي عيونك أوساع
دونك تصير الأرض ضيق وكسافه
أملي يدك رمل وترى هذي القاع
ومدي النظر تدرين وش هي المسافه
بدر بن عبد المحسن
مواقع النشر