لاتنوي الفرقا تـرى مابهـا خيـر
مامن وراهـا الا شقـاك وعذابـي
ياصاحبي عطني على البعد تبريـر
واعطيك عذر ولو يطـول الغيابـي
مالك عذر يامكّـدر الحـال تكديـر
جرحت قلبي. ماحسبـت لصوابـي
اقفت ركابك عن دروبـي مدابيـر
وانا على دربـك تسابـق ركابـي
تعـال.. يكفينـا نعـد المخاسـيـر
ضاعت سنين العمر والراس شابي
رد الخبـر ياسيـد كـل الغناديـر
يامن هواه وصـدق حبـه سمابـي
ياواحدن ماله شبيهـاً مـع الغيـر
يافرحة ايامـي.. وزهـرة شبابـي
تعال.. نكسر قفل الاحزان ونطيـر
باحلامنا. بيـن السمـا والسحابـي
تعال.. يقبل بك رسـول التباشيـر
والحزن.. تطلع لعنته مـن ثيابـي
ياكثر صبري. والتعب. والمشاويـر
لا ارتاحت اعصابي ولا الجرح طابي
اساير الايـام وارضـى المقاديـر
واصك عن ريح المشاريـه بابــي
مما راق لي
مواقع النشر