مرارة الفرقى...

[روح عبودي]

لاتنوي الفرقا تـرى مابهـا خيـر
مامن وراهـا الا شقـاك وعذابـي
ياصاحبي عطني على البعد تبريـر
واعطيك عذر ولو يطـول الغيابـي
مالك عذر يامكّـدر الحـال تكديـر
جرحت قلبي. ماحسبـت لصوابـي
اقفت ركابك عن دروبـي مدابيـر
وانا على دربـك تسابـق ركابـي
تعـال.. يكفينـا نعـد المخاسـيـر
ضاعت سنين العمر والراس شابي
رد الخبـر ياسيـد كـل الغناديـر
يامن هواه وصـدق حبـه سمابـي
ياواحدن ماله شبيهـاً مـع الغيـر
يافرحة ايامـي.. وزهـرة شبابـي
تعال.. نكسر قفل الاحزان ونطيـر
باحلامنا. بيـن السمـا والسحابـي
تعال.. يقبل بك رسـول التباشيـر
والحزن.. تطلع لعنته مـن ثيابـي
ياكثر صبري. والتعب. والمشاويـر
لا ارتاحت اعصابي ولا الجرح طابي
اساير الايـام وارضـى المقاديـر
واصك عن ريح المشاريـه بابــي

مما راق لي

[روح عبودي]

الام ماتت والقصيده سلمها الدكتور للولد وهو يستلم الجثة

هذ ه قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجتة التي رفضت العيش مع أمة.....؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذة القصيدة ....

يامسندي قلبي على الدوم يطريك ×× ماغبت عني وطيفك سمايا

هذي ثلاث سنين والعين تبكيــك ×× ماشفت زولك زايرآ يا ضنايا

تذكر حياتي يوم أشيلك وأداريك ×× والاعبك دايم وتمشي ورايا

ترقد على صوتي حضني يدفيك ×× ماغيرك أحدآ ساكنن في حشايا

وليا مرضت أسهر بقربك وداريك ×× ماذوق طعم النوم صبح ومساي

ياما عطيتك من حناني وبعطيك ×× تكــبر وتكــبر بالامل يا مـنايا

لكن خسارة بعتني اليوم وشفيك ×× وأخلصت للزوجة وأنا لي شقايا

أنا أدري أنها قاسية ما تخليك ×× قالت عجوزك وما أبيها معايا

خليتني وسط المصحة وأنا أرجيك ×× هذا جزا المعروف وهذا جزايا


ياليتني خــدااامةً بين أياديك ×× من شان أشوفك كل يوم برضايا

مشكور ياوليدي وتشكر مساعيك ×× وأدعي لك دايمآ بالهدايا

حمدان يا حمدان أمك توصيك ×× أخاف ماتلحق تشوف الوصايا

أوصيت دكتور المصحة بيعطيك ×× رسالتي وحروفها من بكاي

وأن مت لاتبخل علي بدعاويك ×× وأطلب لي الغفران وهذا رجايا

وأمطر تراب القبر بدموع عينيك ×× ما عاد ينفعك الندم والنعايا
اعجبتني هذه الابيات وحبيت انقلها لحبيباتي في بيت حواء
جعلني الله واياكم من البارين بوالدينا
منقول

[ترنيمة الألم]

الشكر لك أختنا الفاضله على روعة النقل
وجميل الأنتقاء

وإن كانت القصيدة الثانية مكرره .

وقد دمجنا الموضوعين
لآنه على العضو تقديم موضوع واحد باليوم .

[روح عبودي]

مشكوره اختي الفاضله
تقبلي تحياتي