كيف أكسر حدة هذا اللون الفظيع؟

**Reminiscence** · 27-03-2010, 08:31 PM

السلام عليكم ..

خبيرات الديكور وهاوياته .. حبيت أستشيركم في شيء ،، وان شاء الله يارب ما تردوني خايبة ..
انا لسة ساكنة جديد .. ولون المدخل عندي فظيييييييييع بمعنى الكلمة ،، كرهته من أول يوم شفته فيه ..
والمشكله ما اقدر اغيره لأنه ذوق زوجي .. يعني انا اخترت البيت كله الا المدخل ولما قلتله اللون مو حلو زعل :(
الحين أبغي أفكار أو طريقة أكسر فيها حدة هاللون ،،
وعلى فكرة .. المدخل عندي عبارة عن صالة مساحتها جيدة مو ضيقة .. وهالصالة مفتوحة على صالة الجلوس الداخليه .. وانا حاطة فيه كنب مودرن على شكل حرف L

وشوفو اللون تحت ،، بس البسو نظارات شمسية لحماية أعينكم هع

اللون هو هالدرجة من البرتقالي ... والمربع اللي فالنص لون الكنب

**romya** · 27-03-2010, 10:19 PM

ههههههههههه
اي والله يبي لنا نظارات
الله يعينج ...اللون مرة مستفز
لون الكنب مناسب جدا له ...ممكن تكثرين من الاكسسوارات والتحف ومفارش وكل شي تقدرين تحطينه عشان يكسر حدة اللون ..جميعها نفس لون الكنب..صحيح بتكون الاشياء كثيرة بس بالتنسيق المناسب بتصير روعة وخصوصا لما ترمين المفارش يمين ويسار (اقصد في الاماكن المناسبه طبعا)
هذا اللي عندي وان شاء الله الاخوات يفيدونا اكثر

**اللهم اغفرلي** · 27-03-2010, 10:25 PM

وعليكم السلام ورحمة الله وبركاته

**ايكاروس** · 27-03-2010, 10:35 PM

الله يعين عيونج
سوي إضافات بلون السكري مثل رسومات على ورد واشياء وايد تنباع بايكيا مثل وول بيبر تكسرين في حدة اللووووووووون أو براويز تغطين فيها غالبية اللون على الأقل
مادري ليش الرياييل الذوق ماشالله (:
الله يوفقج بس على فكره اللون مشجع عشان تتذكرين البرتقال على طول وتاكلينه (: