قامت اختنا بالله من النوم تعدلت تظبطت وشلت اغراضها كالعاده بيت الجاره المطلقه العزيزه

[زمزززم]

قامت اختنا بالله من النوم تعدلت تظبطت وشلت اغراضها كالعاده بيت الجاره المطلقه العزيزه..


ام محمد :هلا والله اخبارك


الجاره:

الحمدالله تمام


ام محمد على نياتها :..تخيلي وشصار امس ؟؟


الجاره :هاه وش صار ؟؟

تخيلي زوجي وداني لا فخم مطعم بالشرقيه وجابلي افخم عقد الماس..................


الجاره العزيزه متحسره ((مالت على ذا الوجه شمعنى هي كذا انا شناقصني عنك وه بس ناس حظوظهم واقفه ))

مشاءالله الله لا يغير عليكم..




الاخت :تسلمين حبيبتي الله يرزقك واحد مثل زوجي ((الا بيرزقها هو بكبره ))

وكل يوم على هالحال ((زوجي وزوجي))

اقول شرايك ادق على ابو محمد اخليه يودينا السوق


الجاره : والله استحي كل مره اروح معكم

ام محمد :لا والله عادي اعتبريه اخوك
الجاره :خلاص دامك مصره ابشري بروح

......
على جنب الو هلا حبيبي كيفك

الحمدالله حياتي

ام محمد :حبيبي ممكن توديني السوق انا وجارتي فلانه

ابو محمد: او هذي دايم تروح معنا


وربي ياقلبي انها مسكينه مالها احد ((والله انتي المسكينه))


ابو محمد:طيب خلاص ساعه واجيكم


ام محمد للجاره طيب انا بروح البس ونتقابل بعد ساعه


المهم راحت الجاره وتعدل وتكحل وتمكيج وتعطر

جى الموعد ركبوا السياره

ام محمد :اوه ابو محمد نسيت جوالي بطلع اجيبه

حبيبتي لا تستحين ترى ابو محمد اخوك

((شوفوا الثقه بس تركت جاراتها مع زوجها))

قامت الجاره تغنج عند الرجال وتدلع وحركات

وغمزات وسوالف

بالبدايه استحى بعدين صار الموضوع عادي وبدت تعجبه

جت ام محمد وركبت سوري تاخرت عليكم ((مو هذا اللي يبونه ))
..........


وهي على نياتها تكلم عن زوجها وتمدحه عند جارتها وتكلم عن جارتها عند زوجها


صاروا على هالحال لين ماتجرأت جارتها وخذت رقم الجوال وقامت تكلمه وصارحته انا احبك وابي اتزوجك وقلبه مال لها


ومرته ياغافلين لكم الله

راح الرجال خطبها وتزوجها

وقال لزوجته انه رايح عشان العمل وهو بشهر العسل

وفجأه وبالصدفه عرفت المسكينه عن زوجها

وانصدمت وانهارت

وواجهته وحط اللوم كله عليها



وصار مايزورهم الا بالشهر مره يعطيها مصروفها ومصروف عيالها


هذي القصه مثل قصة وحده اعرفها


شوفوا وين وصلتها ثقتها بجاراتها نسمع ونشووووووووف بس قليل اللي يتعظ

انا لاحظت ان اغلب الحريم كذا

روحي مجلس تلقين بعض الحريم من يوم ماتجي لين ماتقوم وهي زوجي وداني وزوجي جابلي


ولا تلقين الوحده مره مع جارتها تثق فيها واعتبري زوجي زي اخوك ويصير مو اخوها الا زوجها

اجل لاتلومينها اذا خذت زوجك تراها انثى عاطفيه تحتاج للي عندك...

يعني باللهي ورى ماتبلع لسانها وتسكت مدري يعني شالغرض تبي تقهرهم ولا تبي تنفش ريشها عندهم

طيب ليه ماتسكت يامال الحكه اللي تحك لسانها خخ معليش تحمست من جد ماعطوها الحريم الجيدات اللي تقول زووووووووجي ضربني وكفخني ومايوديني اذا سمعتو وحده تقول كذا اعرفو ان ماعندها ماعند جدتي زوجها مدلعها بس خايفه من العين

وبص خخ هذا اللي عندي واللي يقرقع بقلبي خخ

بس ابي اعرف انتو شرايكم بالموضوع واللي عندها قصه قريبه من موضوعي تقولها



ابي تفاعلكم

تحياتي منقول

[اكفان الوفا]

هذه القصص ومايشابهها ماتحكي لنا سوى الواقع ... وهي نتيجة الثقه المفرطه ... من قبل الزوجات لمن حولهن من اول تعارف ... ودون اخذ وعطى مع من تعرف ... ولكن سؤالي هنا الذي يطرح نفسه وبقووه !!!
اين غيرتهن على ازواجهن عندما تقول هذا مثل اخوكـ ؟؟؟
مشكوره غاليتي ع النقل ...
ودمــــتي ........

[ام عزووزي]

الله يكفينا شرهم انا بصراحه جربت هالشي تخيلو نقلت لشقه جديده جوا عمارة كلها شقق وكان بالدور الي ساكنه فيه وحده عايشه هي وبناتها واحيان تجي عندها اختها تسكن بروحهم بدون رجال ومادري اشلون استاجروها بدون محرم وتعرفنا على بعض كانت ترسل بناتها تطلب مني اغراض مرة رز مرة شاي مرة سكر وعلى هالحال وكنت مرة طيبه معاهم وارحمهم وماكانو متسترين لا في لبس ولا حجاب ولا حتى كلامهم واصواتهم وتخيلو صارو يخططون على زوجي راعيه البيت واختها الي شبه مطلقه على كلامها وصارو يدقون علي نبي زوجك يجيب لنا اغراض ولا يجي ياخذالغاز يعبيه ولا نبي نلروح السوق معاكم لا حياء ولا مستحاء اعوذ بالله من شرهم وصار اكبر من كذا بس ماتحملت اخرب حياتي عشانهم ونقلت على طول ...حسبي الله ونعم الوكيل بس

[لجل عينك]

الله يكفينا شرهم انا بصراحه جربت هالشي تخيلو نقلت لشقه جديده جوا عمارة كلها شقق وكان بالدور الي ساكنه فيه وحده عايشه هي وبناتها واحيان تجي عندها اختها تسكن بروحهم بدون رجال ومادري اشلون استاجروها بدون محرم وتعرفنا على بعض كانت ترسل بناتها تطلب مني اغراض مرة رز مرة شاي مرة سكر وعلى هالحال وكنت مرة طيبه معاهم وارحمهم وماكانو متسترين لا في لبس ولا حجاب ولا حتى كلامهم واصواتهم وتخيلو صارو يخططون على زوجي راعيه البيت واختها الي شبه مطلقه على كلامها وصارو يدقون علي نبي زوجك يجيب لنا اغراض ولا يجي ياخذالغاز يعبيه ولا نبي نلروح السوق معاكم لا حياء ولا مستحاء اعوذ بالله من شرهم وصار اكبر من كذا بس ماتحملت اخرب حياتي عشانهم ونقلت على طول ...حسبي الله ونعم الوكيل بس

من جد الله يعينك لو انا بمحلك ماايكلفوني الا اني اقولها بليز لاعاد تطلبوني ش ولا اشوف احد يدق الباب ( ان لم تستحي فافعل ما شاءت ) ناااس ماتنعطي وجه احسن لك انك نقلتي <<<<< من جد قهرووووووني