كفته مشويه مع رز بالجزر متهنيه - بالصوررررر
ازيكوا يا بنات عملت كفته من بنات افكاري انما طلعت ايه اممممم وقلت اجيبهالكوا وانتوا تحكموا .
المقادير : لحمه مفرومه حمراء + بصل مبشور ناعم + بقدونس وشبت وكسبرة خضراء+ ملح وفلفل + بهارات مشكله + بابريكا + زعتر مطحون + بقسماط مطحون .
- خلطت المقادير مع بعض كويس وعملتها كور " متوسطة الحجم " .
- ايه يا بنات ده مش كحك العيدده انا بس قلبتها في شوية دقيق " طحين " .
- سخنت صينيه كويس وحطيت شوية زيت زيتون وحطيت الكفته تاخد لون بدون تقليب وبعدين قلبتها علي الجنب التاني شويه وهيبقي شكلها كده ..
- وبعدين حطيتلها شوية مويه بشوية مويه لحد ماتدخل في السوي .
- دخلتها فرن حار 180 لحد ما كملت سوي .
- وفنفس الوقت حرقتلها فحمه علي النار وبعد ماخرجتها م الفرن حطيت قشرة بصل في منتصف الصينيه وفيها الفحمه وطفيتها بملعقه زيت وغطيتها كويس بصينيه تانيه " علشان تاخد طعم وريحة المشويات " .
نيجي بقي للرز اللي بالجزر
- نشوح بصله صغيرة في شويه زيت زره .
- ولما تصفر نبشر جزرتين كبار ونقلبهم مع البصل حتي يذبلوا .
- ثم نضع الملح والكمون ومكعب المرقه والمويه ونسيبه يتشرب وبعدين نهدي عليه النار .
ونغرف الرز والكفته وممكن تقدمي معاه بطاطس محمرة .
*** هقولكوا نصيحه حلوة تطلعلكوا البطاطس مقرمشه من بره وطريه من جوه ومش شاربه زيت خالص " عادي قطعي البطاطس وحطيها في الزيت الي ان يصفر لونها " تشمع " وبعدين اطفي النار وسيبيها في الزيت شويه 10 دقايق مثلاً وبعدين افتحي عليها النار تاني 00 وادعيلي " .
وده كان شكل الطبق .
وده طبق اول رد .
بالف عافيه علي قلوبكم
ماتنسونيش بالدعوات " سمعاكوا 00 ادعوا بصوت عالي "
رد مع اقتباس
المشاركة الأصلية كتبت بواسطة ام يوسف 74
مواقع النشر