قصائد عتاب

[وردة سلام]

ما أرضي بالمذلة...
ولاعاش من قلبي يذله...
روح الله معاك...
كم لي أتحمل خطاك!.!.

لاتكثر بحكيك تري دربك أشواك..
ياحافي الرجلين ثمن كلامك..
واذكر زمان اول وايام بلواك..
من سنعك للناس وعدل مقامك؟..
لايفلت لسانك علي شخص رباك..
أنا بنيتك ماني عاجز هدامك!..

بعد ماعافك الخاطر تجي وتقول سامحني..
لك الله حتي لو أني عذرتك عافك الخاطر..

مايذلني شوق مخلوق للطين عايد..
دامه رضي بعدي
صار بعده "يوم عيد"

والله لخلي عزتك تحت موطاي
تمشي وعينك ماتعدي مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عيون منهو يراعيك

إن كان قلبك عايف الود يافلان
ربي يسهل لك دروبك ويحفظك
وإن كان قلبك جازي حبي بنكران
ما اجبرك انا في الحب يافلان ماجبرتك

أنا السما وانت مثل واطي القاع
مهما كبرت بالمساحات .... ((تحتي))

لاتحسب اني عقبك في ندامه
ماني على حب المقفين ندمان
من باعنا برخص .. نرخص مقامه
نشطب عليه ونتركه دون ..عنوان..

لازم تذوق الذل وتعيش مكسور..
هذا وعد مني مادمت أنا حي
ولو بعت لي عمرك ماقلت مشكور،،،
لانك بعيني كلك ولا شي!!

ماني قايك عسي الله يهنيك..
الله يحرمك كل ماكان هناك
..وعسي العمي ياخاين العهد يعميك
فوق الغرور اللي علي الارض أعماك..
عساك واتفرح وتكثر بلاويك..
وعسي أمك تشق الجيب من عظم بلواك

انت لك عمر وعيشه
وانا لي عمر وبعيشه
منت بدنيا مميز
ولا أظن علي الراس ريشه!!

عمر الندم مايشفي الجرح مادام..
مسحت دمعات الندم في بدايه
خل الشموخ اللي بنيته يالاوهام..
يشع غرورك كل صبح ومسيه

طوفت لك ياصاحبي كل ماصار..
خلاص مالي فيك .. منت بذوقي
مالك علي مطلب ولا لك علي ثار...
اخترت انا بعدك بابسط حقوقي

لا تظن يوم برجع بشتريك...
لو بكيت دم ماعندي مجال
سهم صوبته ورد فيك...
والنهايه جيت وهجران (حلال)

يا صاح انا ماعدت بهواك..
ابدا ولا لي قلب يغليك
يوم السعد هو يوم فرقاك..
برتاح قلبي من بلاويك

عادي معك أبقا .. وعادي اخليك
مثلك مثل غيرك .. مجرد
(صداقه)

ياخاين مالك ضمانه..
دور علي غيري يسليك
عنك رفعنا هالحصانه........
إزعل وخل الغير يرظيك..

تحسب اني في غيابك بذكرك في كل حزه
واتندم واترجي واعتذر وابوس راسك؟..
للأسف كنت زقارة تنتهي في كل مزه
وانتهيت وما طفيتك واحترقت وغيري يدوسك..

سميت نفسي من خيانتك خوان..
صرت اكرهك وأحب اسم الخيانه..
إن كنت تتوقع لك اعود غلطان..
اموت مرجع لك .. امانه .. امانه ..

منت أول ولا أخر
خــســاراتــي..
واللي خسرته وربي ماأبي
ربــاحــته
"خسران ربحان" ماأراجع
حــسـاباتـي
ياخي أنا مشتر في دنيتي
الــراحــه
وكأني "خسرت" الغلا بأسباب زلاتي..
أدم خسر جنتح باسباب "تـــفـــــــاحــــــــــه"


إنشاء الله أعجبتكم
هذي أول مشاركه لي...

أســـتـــنــــا ردودكــــــــــــــم

[الانسه فراوله]

رووعه يالغلا
كلامك جوناااااان
مشكووره

[بسمات المدينة]

[ليدي الامورة]