بليييييييييييييييز احتاج مساعدة !!!!

[نسمة جنوبية]

السلام عليكم ورحمة الله وبركاتة

بليييييييييييييييييييييز هيلب مي انا توي خلصت النفاس وحابة اسوي ليلة رومانسية لحبيب قلبي


بس ما ابغى شي روتيني يعني لا وحدة تقولي روحي فندق والا اشتري شموع


ابغى شي غيررر بليييييييييييز اللي عندها افكار حلوة لا تبخل علية



انتظر ردودكم بفارغ الصبر

[ديم الغلا]

هلا ياعسوله وحمدلله على سلامتك..
بسيطه روحوا شاليهات اذا انتي من الرياض فيه شاليه رومانسي ..

[الحلم المنتظر]

شوفي حبيبتي انا وزوجي اذا حبينا نسوي ليلة رومانسية ساخنه مرررره مررره
اول شي نسويه كل واحد يفكر بمفاجآت واشياء جديدة من جميع النواحي

ثاني شي نحجز لنا شقة او فيلا ع البحر لمدة يوم واحد

وكل واحد يجهز اللي عنده بدون ما يقول للثاني واذا دخلنا الشقة او الفيلا اول شي نسويه
نقفل كل موبايلاتنا الا موبايل واحد موجود عندنا للامور الطارئة محد يعرفه غير اخوي
يعني اذا في امر طارئ يخبرون اخوي واهو يتصل يخبرنا

بقول لج عن مره وحده من المرات
شريت قميص نوم مثير مررره مررره
وطبعا زوجي يحب شعري يكون مفتوح فحملت معي السشوار
وحملت معي عدت الميك اب حقي
وحملت معي حزام الرقص الشرقي
وحملت معي سبلاشات للجسم بالفيرمون ومثل ما تعرفين ان مادة الفيرمون تزيد الرغبة عند الجنسين
ودهن عود
ومبخر زيت

طبعا بتقولي لي ليش ما سويت كل ذا من البيت وبقول لك ما سويت كل ذا من البيت حتى ما يشوفه زوجي ويصير قديم
لكن اول ما وصلنا دخل زوجي وانتي بكرامه الحمام ياخذ له دش وعلى ما اهو يسبح
دخلت الغرفه وسكرت علي الباب وسويت شعري سشوار
وحطيت عليه عطر للشعر
ولبست قميص النوم وحطيت على جسمي السبلاش
وتحت اذني وعند معصمي حطيت دهن العود لان زوجي يموت في شي اسمه دهن عود
وطلعت له
لقيته قاعد في المطبخ يحمي له جمر عشان يشرب شيشة
دخلت المطبخ وجلست له جلسة مثيره على كبت المطبخ ولما كمل من تجهيز شيشته
طلبت منه اهو اللي ينزلني من على الكبت
جلسنا في الصاله اهو يشرب شيشة وقمت ارقص له
وخليته اهو اللي يربط لي الحزام
××××××××××××× البقية ما يصير اقول
عاد اهني متروك لج وانتي وشطارتج عااد

مو شرط حبيبتي نشغل اغاني عشان نرقص
ارقصي له ودلعيه فيما يرضي الله بس لا تغضبي الله

اتمنى اكون افدتج

[الحلم المنتظر]

اي صح نسيت اقول لج وش سويت في مبخر الزيت

شريت عطر من سيد جنيد ريحته روووووعه

وحطيته في مبخر الزيت وحطيته في غرفة النوم