شلونكم يا خواتي الحلوين
ادري بتذبحوني على العنوان
هذا اول موضوع انزله و ان شاء الله تعجبكم الكيكه سويت كيكه العروس و اليهال استانسو عليها و اتمنى تعجبكم و اعذروني ما قدرت اصور الخطوات كلها بس الكيكه سهله . يله ما اطول عليكم
^
^
^
^
^
^
^
^
^
^
^
^
^
^
شرايكم في عروستي ترى اول مره اسوي هالكيكه و الحمد لله اتضبطت معاي
يله الحين الطريقه
اول شي سويت كيكه جاهز ثلاث قوالب ألي جنه ورده و ثلاث احجام و خليتهم يبردون نفس ألي في الصوره
وبعدين سوت كريمه دريم ويب بس عندي طلعت شويه سائل بس اشوه ما خرب شغلي و بعدين غطيت الكيك بالكريما و دخلتهم الثلاحه و سويت عجينه مرزبان بالمارشميلو ابيض و وردي و بعدين رقيت العجينه و غطيت فيها الكيك كلهم
و بعدين حطيتهم على بعض من الاكبر على الاصغر و زينت بعجينه مرزبان وردي سويت شرايط و لصقتهم بالكريما و قطعت ورد بقطاعة البسكويت و لصقتهم و قصيت شويه من فوق اصغر كيكه و سوت حفره صغيره و حطيت العروسه و سويت لها ثياب
و سويت ورد صغار و لصقتهم على النفنوف (الفستان)من فوق و نفس الشي المسكه (الباقه)
و هاذي طريقه عجينه مرزبان بالمارشميلو
مقادير العجينه: انه سويت بدون مقايس بس لازم ما تكون العجينه وايد طريه و لينه )
سكر ناعم (لازم يكون منخول و تكون عندج كميه)
مارشميلو
سمنه
1-2م ك ماء
الوان طعام
الطريقه:
اول شي لازم تدهنين وعاء بالسمنه و تحطين فيه المارشميلو و تحطين 1او 2م ك ماء و تدخلينه المايكرويف لمدة 30 ثانيه فقط و تطلعينه و تدهنين معلقه بالسمنه و تحركين المارشميلو و ترجعينه المايكرويف بعد لمده 30 ثانيه لين يذوب كل المارشميلو مثل ألي في الصورة تحت(انه ستخدمت مارشميلو وردي و ابيض) و بعدين تدهنين سطح نظيف بالسمنه و تحطين عليه سكر ناعم و تحطين الماشميلو على السكر و تدهنين يدينج بالسمنه و تبتدين تعجنين و كل شويه تزيدين سكر ناعم انتي بتلاحظين انه العجينه بتتلصق في يدج بس عادي زيدي سكر و عجني لين ما تتماسك عندج العجينه و تقدرين تلفين العجينه بالبلاستيك الطعام و تدخلينه الثلاجه و تقديرن تستخدمينها على طول بس عقب ما تطلعينها من الثلاجه بتحسين انها يابسه دخليها المايكرويف لمده 5 ثواني عشان تصير لينه .(انه استخدمت مارشميلو ابيض و وردي )
على فكره اسمي بعد رايه الورديه في منتدى عالم حواء
و ألي تبيها حق زوجها تراسلي عالخاص
و مع السلامه و انطر الدرورد الحلوه
مواقع النشر