السلام عليكم..
بنات بيت حواء
مدري كيف ابد قصتي بس بحاول اختصرها وابغاتلقون لي حل لاني تعبت من جد خلاص وصلت معي
انا ولله الحمد على قدرلاباس من الجمال ما اقول اني شي وما فيه احلى مني لكن اللهم لك الحمد وشخصيتي لكل من ياقبلني قريبه للقلب المهم من كنت بالثانوي وكل اقاربي ينظرون لي على اني ضامنه الزواج وان عيال عمي بياخذوني خاصة ان عائلتي تقدر مثل هالامور<<بنت العم لولد عمها
لكن لان فيه كثير من المشاكل ما كنت ابغا منهم و تقدم لي ولد عمي وانا باول جامعه ورفضه ابوي لانه مدمن الله يهديه والله اني اعزه واعتبره اخوي وما اتمنا له الا كل خير وخطبني واحد ثاني وبعد ابوي رفضه والحقيقه ان انا بعد ما ابغاه ولسبب وجيه المهم من عقب هالسالفه والاشاعة ما تفكني وكلن يتكلم من بتاخذ وكل فتره مطلعين ان فلان خطبني وفلان ابوي عطاه كلمه انا مستغربه لهدرجه انا مهمه وليش الناس حاطيني سالفه المهم المهم وقبل ما تخرج باربع شهور تقدم لي شخص ما كنت احلم به كل المواصفات اللي ابيها فيه كل شي حمدت ربي وشكرته وفرحت كثير كل اللي اتمناه في زوج المستقبل فيه سبحان الله والاحلى اني احب الجو العائله وهذ لقيته فيهم حبيت امه كثير بل تعلقت فيها بشكل مو طبيعي انسانه رائعه ومتدينه وتعاملني كاني اميره وتحبني بشكل مو طبيعي المهم ابوي رفض لانهم بعيدين عنا شوي ولان سمع عن الولد انه مو صالح انا انصدمت وتعبت ما صدقت انه كذا معقوله شخص يطلع من بيئه زي كذا يكون مو صالح اكيد كاذبين عليه وبعد ما انتهى هالموضوع حسيت قلبي انكسر وبعد تخرجي رجعت الاشاعات من جديد من بتاخذ وكلن يسال اللي يسال امي احنا سمعنا ان بنتكم مخطوبه لفلان واللي يسال اخواني فلان خطب منكم استغرب ليش يتكلمون فيني وربي انا ما اتمنا لهم الا الخير بس يفكوني شرهم وحده من قريباتي تقول هالناس اللي يطلعون هلاشاعات عينهم فيك لانهم معروفين وانا عارفتهم ..........
اللي ابغا اوصله انا انسانه متفائله بربي ووثقه سوالي كيف اتجنب عيونهم هل فيه رقيه اوشي معين احصن نفسي فيه لانهم زادو هالفتره
وسوالي الثاني انا تعلقت كثير في الشخص اللي تقدم اللي هل اقدر ادعي ربي ان يجمعني فيه زوج لي وان الله يهديه ارجوكم ريحو بالي الضيقه ذابحتني وتعلقت فيهم
بنات بيت حواء اخير اجو منكن الدعاء لي ربما دعوة واحده منكن مستجابه
مواقع النشر