بسم الله الرحمن الرحيم
كل رمضان وانتم بخير وسعادة ان شاء الله الطبق اللى حقدمه طبق مشكل من كذا صنف
طبق رئيسى فى رمضااااااان الكريم ان شاء الله يعجبكم
مكونات الطبق
1- فراخ بالمخلل
2- جلاش باللحمة المفرومة
3- ارز بالبسلة والجزر
4- كفته بطاطس
اولا طريقة الفراخ
فراخ مقطعة 8 قطع ونتبلهم بالبصل الشرايح والملح والفلفل الاسود والزعتر والخل ونخلط كويس جداااا ونخليها متبلة مده طويلة ممكن قبلها بيوم
ودى صورة من قريب
بعد التتبيل نقطع على الفراخ زيتون اخضر مخلل بصل مخلل فلفل اخضر ليمون مخلل ونخلط كله مع بعض ونرش كركم ونقلب كويس
بعد كده حنحطها فى الطاجن الفخار ونغطيها وتدخل الفرن علشان تستوى ونشيل الفويل بعد كده علشان نحمر وشها
ثانيا الجلاش
نعمل اللحمة عصاج بالطريقة العادية ونقطع الجلاش بالطول ونحشى الجلاش ونلف رول ونرصه بالصينية ونحط عليه بيضة +لبن وفلفل اسود ونرش جبنة ويدخل الفرن لحد مايستوى ودى صور الجلاش
ثالثا الارز بالبسلة والجزر
فى حلة نحط شوية زيت او زبده ونحط بصلة مبشورة ونقلب لحد ماتصفر شوية
بعد كده نحط ارز ونقلب لحد مايسخن كويس جداااا ونحط المرقة او الماية وانا استخدمت ماية سلق البسلة والجزر
بعد مايدخل الارز فى السوا نحط البسلة والجزر
رابعا كفتة البطاطس
نسلق البطاطس ونهرسها كويس ونحط عليها ملح وفلفل اسود ونعملها صوابع
فى طبق نحط شوية دقيق وعليه شوية ماية ونفكه زى الطحينة بس مش سايلة اوى نحط 2 بيضة وملح وفلفل اسود وبقدونس مفروم ومعلقة صلصة ونقلب كله ودى الخلطة اللى بقلى بيها القرنبيط ودى صورة الخلطة
بعد ماقلينا البطاطس وخلصنا كل مكونات الطبق دلوقتى حان موعد تقديم الطبق ياااااااارب يعجبكم
بالهنا والشفا ورمضان كريم
مواقع النشر