ابي شوركم الله يخليكم

[حرم نايف]

السلام عليكم
اخواتي مالي إلا الله ثم انتم وثقتي بالله ثم فيكم واتمنى ماتردوني

المشكلة مو عندي المشكلة بأختي
أختي الكبيرة لحد الان ماتزوجت واحنا الصغار تزوجنا وهي تحطمت الحين وفقدت الأمل بالزواج واهملت نفسه ولا تطلع من البيت تقول احس الناس تنظرلي نظرة استحقار حاولت اقنعه ان هالشي مكتوب وان ربي كاتب لك الخير بس مومقتنعه بالله شسوي؟!!!

مع ان اختي اجمل منا وملتزمة وحافظة 15 جزء ومديرة دار تحفيظ رغم ان اللي معها شهادة ابتدائي لكن اعجبوا بنشاطه وعينوها مديرة للدار
على فكرة هي انخطبت كثييييييير بس تصير بين الحريم وينتهي الموضوع رغم اننا نقول لأهل الولد موافقين بس مايجون تنقطع اخبارهم

تكفون قولوا حل حتى ترجع اختي زي قبل
او تقول طريقة تتزوج فيها غير اني اتصل على خطابة
تكفووووووووووووون فديتكم

[مالقيت اسم]

الله يرزقها الزوج الصالح شوفي خليها تستغفر بنية الزواج وتتصدق وبعدين انتو اذا جيتو تطلعون لاتحسسونها انها بتطلع حتى الناس يشوفونها وتنخطب وصدقيني اذا لها نصيب يجيها وماشاء الله انتي تقولين انها ملتزمه يعني عارفه ان الشي هذا قسمه ونصيب دعواتك لي اختي

[حواء جنوبيه]

الله يوفقها ويرزقها الزوج الصالح

حاولوا تذكرونها بأستمرار يا اختي إن الخيره فيما أختاره الله لها وكل تأخيره وفيها خيره , وياما بنات جاهم نصيبهم وهم فووووق الثلاثين وكاااان خير لهم
وأيضا ذكروها إن حتى لو ما تزوجت ف عند الله أفضل من الدنيا وما فيها من رجال ....

[حرم نايف]

حبيابي (مالقيت اسم‏)‏ و (حواء جنوبية‏)‏ جزاكم الله خير والله يعطيكم العافية ويرزق اختي وجميع بنات المسلمين بالأزواج الصالحين