السلام عليكم أختي الغالية
مريت بظروف تشبه ظروفك تقريباً بس ما وصلت لحد الضرب بس أنا هلأ عرفت غلطي الكبير معاه ويمكن ما تكوني انتبهتي للغلط
غلطي اني حبيتو حتىالجنن وما عاد شفت غير طلباتو وما همي الا رضاه مهما كان التمن
يمكن تكوني عم تقولي وهاد الصح بس كان غلط لأنو ما تمعنت بالآية يلي بتقول ( قل ان كان آباؤكم وأبناؤكم واخوانكم وأزواجكم وأموال اقترفتموها وتجارة تخشون كسادها ومساكن ترضونها أحب اليكم من الله ورسوله وجهاد في سبيله فتربصوا حتى يأتي الله بأمره والله لا يهدي القوم الفاسقين)التوبة 24
والآية الثانية ( ومن الناس من يتخذ من دون الله أنداداً يحبونهم كحب الله والذين آمنوا أشد حبّاً لله ولو يرى الذين ظلموا اذ يرون العذاب ان القوة لله جميعاً وان الله شديد العقاب ) البقرة 165
ووصلت للي وصلتلو بسبب نسياني للآيتين الكريمتين أو لأني ما فهمتون صح والنتيجة صار زوجي ما يعجبو أي شي ساويه لو كان بيحبو ويتلكئلي على أي شي صغير
المهم وعن تجربة مني هذا ما فعلته والفضل لله في الأول والآخر هو يلي رجعلي زوجي يلي حبيتو :
أولاً ادعي في كل سجود انو الله يحنن قلبو عليكي وعلى أولادك ويبعدو عن الحرام
ثانياً : وهذي كمان مهمة كتير كل يوم ادعي بدعائين في كل وقت تتذكريهم وانتبهي تنسي أنا هذا الدعاء أخذتو بالصدفة من توقيع أخت لنا في هذا المنتدى والله أعلم أما ملكة بيتها أو حبيبة زوجها ما أذكر بالضبط واعذريني أختي الغالية صاحبة التوقيع
المهم أنا قرأتو ولفت نظي وحفظتو وصرت أرددو كل ما أتذكر وحسيت بفرق كبير وادعي بيه كتير خاصة قبل ما يصير شي خاص بينك وبين حتى في هي حتحسيه صار غير :
اللهم اجعل لي زوجي كما أحب واجعلني له كما يحب واجعلنا لك كما تحب
وهذا دعاء ثاني أدعي بيه لي ولأختي المتزوجة: اللهم أقرّ عيني بزوجي وأقرّ عينه بي من دون نساء الأرض أجمعين وأقرّ عيوننا بأولادنا
ثالث شي : أكيد صرتي تعرفي أولوياتو بعد هالعمر وتعرفي أطباعو
خلي أولوياتو نفس أولوياتك وامشي على طبعو وهواه فيما لا يغضب الله
رابع شي : ارقيه وارقي نفسك من العين كل ما تشوفي منو التصرفات الحلوة بما رقى به رسول الله صلى الله عليه وسلم:
أعيذك بكلمات الله التامة من كل عين لامة ومن كل شيطان وهامة , بسم الله ماشاء الله اللهم بارك
لأنو ما يحسد المال الا صاحبو والعين لها حق
لازم تتكلي على الله وتساوي يلي عليكي والتوفيق دائماً من الله
يعني أنا زوجي أهم شي بيتو نظيف ومرتب وأولادو مرتبين وهادين وأنا ما في بتمي له الا الكلمة الحلوة والضحكة الناعمة وريحة عطري في البيت دايماً وبالفعل طبقت هالأشياء قدر المستطاع واستعنت بالله قبل كل شي وخليت نيتي بس أحافظ على زوجي وأعيش معاه بما يرضي الله
والحمد لله كل شي بفضل الله بخير
بس أنا يوم يلي أنسى الدعاء يلي قلتلك عنو بالتوقيع بحس رجعت المشاكل والله جربته من حوالي الشهر أو أقل
انشاء الله اني لك ناصحة أمينة
آسفة على الاطالة بس هذا الموضوع خطير ولازم كل وحدة تعطيكي أحسن نصية تشوفها لعل الله يرده لك رداً جميلاً بأحسن أحواله معك
يارب تستفيدي وتستقري ويرجعلك زوجك متل الأول وأحسن
أولاً و أخيراً استعيني بالله فهو القادر على كل شيء
رد مع اقتباس
مواقع النشر