السلام عليكم ورحمة الله وبركاته
شفت فطايرك وجري على المطبخ قلت هذي راح اضبطها اكيد
لبن وزبادي ناجحة مية المية
وبديت أعجن
سويت طريقتك بالضبط بس ما ضبطت مية المية وما صارت مثل شكل الفطاير عندك وبعدين من وانا اعجن وأنا عارفه انها ما راح تنجح لأنها كانت مررره ثقيلة تكسرت ايدي وأنا اعجن تعبتني من جد وبعدين لمن دخلتها الفرن طولت ما تحمرت :( وكمان طولت ما تخمرت مع ان الخميرة فارت وطلعت برا الكاس يعني الخميرة مية المية ..!!
وبعدين ما طلعت بيضاء >>> يا ربي مدري وين السر..!!
هو المشكلة في الفرن ؟؟ وإلا أنا ما ضبطت كمية السوائل ..! أنتي كاتبه فنجال لبن وفي الصورة كانه كوب فحطيت نصف كاسه لبن مع نصف كاسة الموية أحس السوائل قليلة على كمية الدقيق ..!! وكل شوي ازيد لبن لأن العجينة قاسية
المقادير اللي سويتها بالضبط
خمس كاسات دقيق منخول يخلط بنصف كاسة زيت ونفركهم مع بعض لحد ما يختفي الدقيق
نصف كاسة ماء دافي +م ك سكر + م ك خميرة
م ص بكنج بودر +3م ك حليب بودر + م ك سكر + رشة ملح
تعجن بــ
زبادي ونصف كاسة لبن
وبعدين عجنتها كويس طلعت قاسية زدت شوية لبن وبرضو قاسية قمت اعجن لحد ما لانت بس مو ليونة العجينة اللي في بالي ولونها أصفر ..!! مو أبيض ..؟
ساااااعدوني بلييييز
هذا التطبيق ما حمرتها زيادة خفت تقسى لأنها أخذت وقت طويل بالفرن أكثر من نصف ساعة
علماً أنو الفرن غاز مو كهربائي وكان حاااار لأني عامله قبل خليه نحل
هذا تطبيقي
على فكرة الفطاير المثلثة عجينة ثانية
والسمكات هي عجينتك وسويت منها برقر وصامولي والشكل تحفة أستحيت أصوره
بانتظارك لأخباري أيش الخطا اللي سويته وهذي وردة لك
مواقع النشر