السلام عليكم يا صبايا والله زمااااااااااااااان عن الكتابة بمتداي الحبيب مع اني كل يوم متابعه بس والله مشاغل رمضان وبداية المدرسة واختكم معلمة صف أول الله لا يبلى حدا ههههههههههه
بعشق التدريس بس بكره الروتين الإداري
المهم مع الدوام والتعب بدي اشي سهل وسريع ولذيييييييييييييييييذ
وعملت صينية البطاطا المهروسة ( الماش بوتيتو ) ويالله شو روعة طلعت الحمد لله
ويلا عالشغل
جيبي بطاطا وانتبهي اكتشفت أخيرا إنه فيه نوعين من البطاطا الأولى بكون لونها مايل على خضار شوي وجامده وهي إلي على اليمين بالصورة مشكلتها بتاخد وقت اطول بالإستواء بس بتحافظ على شكلها متل بالصواني إلي بدها حلقات بطاطا و التانية حمرا وطرية وبتستوي خلال 15 -20 دقيقه بالكتير فهي مثالية لأنواع الشوربات والبطاطا المهروسة و حشوات السمبوسة
وهادي صورة البطاطا :
بداية رح تحتاجي 2 كيلو بطاطا ونص قشري البطاطا وقطعيها مكعبات و حطيها بمية بارده ومهم تكون باردة يعني عادية مو مسخنه ابدا و حطيها على النار مع رشة ملح وخليها إلى أن تستوي .
وأثناء ذلك اقلي صنوبر وارفعيه من الزيت بعدين حطي اللحمة المفرومة على النار بدون زيت وخليها على الهدا تنزل ميتها وحطي عليها بصلة مفرومة نااااااااااعم ولما تنشف الماء حطي الزيت اللي قليتي فيه الصنوبر وبهريها بشوية بهار مشكل وقليها منيح و أنا أضفت حبة بندورة صغييييرة و فطر مقلي وبعدين حطي الحشوة على جنب.
بعدين ارفعي البطاطا من الماء بعد الإستواء وصفيها من الماء وحطيها بالفود بروسسر مع 1 ونص كوب حليب ومكعب ماجي وملح ورشة فلفل ويفضل ابيض واطحنيها وإذا احتجتي اضيفي كمان نص كوب حليب خليها طرية بس مو كتييير.
الآن بتجيبي البايركس وبتدهنيه بالزبدة ورشي بقسماط وحطي صحن فيه ماء وغمسي ايديكي فيه وخدي شوي من البطاطا وحطيها بالصينية و بللي ايديكي كمان مرة وخدي وحطي بالصينية وهكذا بعدين مسدي البطاطا بحيث تصير مستوية وبحيث تكوني حطيتي نص الكمية بالزبط .
حطي الحشوة و ورشي الصنوبر على الحشوة بعدين حطي الطبقة الثانية من البطاطا بنفس الطريقة و مسدي السطح .
الآن رشي شوية أوريقانو ( زعتر ورق ناشف ) وشوية بيزل (ريحان مجفف).
بعدين حطي بقسماط وهو أنا بستعمل بقسماط الأميريكان جاردن روووووووووعة واخترت اللي بنكهة الجبن روعة روعة طعمه وخلطته شوي مع اللي بالنكهة الحارة .
وهادي الصورة لعيونكم بس صورت الحار والتاني نفس الشكل بس بدل صورة الفلفل صورة جبنة :
بعدين دخليها الفرن مدة 20 دقيقه على حرارة متوسطة و بعد مرور العشر دقائق الأولى طلعيها ورشي شوية صنوبر ني و رجعيها كمان عشر دقائق ولما تتحمر طلعيها وبكون هيك شكلها :
http://forum.hawahome.com/nupload/160555_1286990951.jpg
وهادي كمان :
وهادي شكلها لما قطعت منها وبينت الحشوة من جوة .
وإن شاء الله تجربوها وتدعولي والف صحة وعافية
وأمانة دعواتكم .
أختكم أسماء ( البريئة ).
[/justify]
رد مع اقتباس
مواقع النشر