كل وحدة تلبس بنطلون عند الناس تدخل للضرورة ..!
]السلام عليكم ورحمة الله وبركاته
شدني في كثييير من المواضيع ان الحريم امهات او بنات يلبسون البناطيل او التيشرتات عند الناس
فيه منهم تلبسه مع بلوزه طويله زي البنجابي يوصل لحد الركبه وفضفاض
هذولا خارج موضوعي
اللي باتكلم عنهم اللي يلبسون تي شرت قصير او بلوزه مغطيه المؤخره طبعا تكون هالمنطقه مغطيه وهي واقفه لكن لو انحت لولدها او بتجيب شي من الارض اكيد بتجيب العيد معه
تدرون يابنات انكم تسوون شي فيه احتمال كبيييييييييييير انكم ماتدخلون الجنه وانكم ملعوناااااااااااااااااااات
يعني حتى ريحة الجنه ماتشمونها!!
تعالوا نقرا الحديث وواضح انه يقصد فيه زمننا هذا
سيكون في آخر أمتي رجال يركبون على سروج كأشباه الرحال ينزلون على أبواب المساجد نساؤهم كاسيات عاريات على رؤوسهم كأسمنة البخت العنوهن فإنهن ملعونات لو كانت وراءكم أمة من الأمم لخدم نساؤكم نساءهم كما خدمتكم نساء الأمم من قبلكم
الراوي: عبدالله بن عمرو بن العاص المحدث: الهيثمي - المصدر: مجمع الزوائد - لصفحة أو الرقم: 5/140
خلاصة حكم المحدث: رجاله رجال الصحيح
مافكرتوا ايش اشباه الرحال؟ مو السيارات؟
وهذا ثاني
صنفان من أهل النار لم أرهما بعد : قوم معهم سياط كأذناب البقر يضربون بها الناس ، ونساء كاسيات عاريات ، مميلات مائلات ، رؤوسهن كأسنمة البخت المائلة ، لا يدخلن الجنة ، ولا يجدن ريحها ، وإن ريحها ليوجد من مسيرة كذا وكذا الراوي: أبو هريرة المحدث: الألباني - المصدر: صحيح الجامع - لصفحة أو الرقم: 3799
خلاصة حكم المحدث: صحيح
الدرر السنيه
طبعا كثيييييييييير قالوا انه المقصود فيه امام الرجال لكن انا مااشوف في الحديث شي يثبت انه امام الرجال واضح انه عاااااااااااااااااام
بالله اذا ماكنت الملابس القصيره والضيقة والبناطيل وخصوصا السكيني هي المقصود بها الكاسيات العاريات اجل وشو المقصود فيها علموني؟
واللي يقولون الشيخ الفلاني افتى والعلاني افتى !! هذي اشياء صريحه وواضحه قلبك يفتيك مو الشيخ الفلاني ولا غيره واعتقد لو اكلم هالمشايخ اللي افتوا واعلمهم الحال كيف صاير واقوله ان الفخوذ مفصله والسيقان والمؤخرة واضحه صحيح احيانا فوقها بلوزه لكن البلوزه اردى واردى ضيييقه ومفصلة المؤخرة من فوق البنطلون مايندرى يمكن يغير كلامه!
المشكله يابنات انه ذنبها مو هين!!
ذنبها انك ماتدخلييييييييييييييين الجنه ابدددددددددد مافيه رحمه وفيه لعن!!!!!!!!!!!!!
بالله اذا باعيش في هالدنيا وباصلي واصوم والبس لبس يمكن يبعدني عن الجنه بالله وش الفايده قولوا لي!!
والله قلبي يحترق على كل اللي يلبسون بناطيل مع بلايز قصيره او بلايز طويله ضيقه مفصله الجسم!!
الله المستعان!!
و هذه فتوى بن عثيمين عن البنطلون وانه يدخل ضمن الكاسيات العاريات ...
السؤال: ما حكم لبس (البنطلون) الذي انتشر في أوساط النساء مؤخراً؟
المفتي: محمد بن صالح العثيمين
الإجابة: قبل الإجابة على هذا السؤال أوجه نصيحة إلى الرجال المؤمنين أن يكونوا رعاة لمن تحت أيديهم من الأهل من بنين وبنات وزوجات وأخوات وغيرهن، وأن يتقوا الله تعالى في هذه الرعية، وألا يدعوا الحبل على الغارب للنساء اللاتي قال في حقهن النبي صلى الله عليه وسلم: "ما رأيت من ناقصات عقل ودين أذهب للب الرجل الحازم من إحداكن"، وأرى ألا ينساق المسلمون وراء هذه الموضة من أنواع الألبسة التي ترد إلينا من هنا وهناك، وكثير منها لا يتلاءم مع الزي الإسلامي الذي يكون فيه الستر الكامل للمرأة مثل الألبسة القصيرة أو الضيقة جداً أو الخفيفة، ومن ذلك (البنطلون) فإنه يصف حجم رجل المرأة وكذلك بطنها وخصرها وثدييها وغير ذلك، فلابسته تدخل تحت الحديث الصحيح: "صنفان من أهل النار لم أرهما: قوم معهم سياط كأذناب البقر يضربون بها الناس، ونساء كاسيات عاريات مائلات مميلات رؤسهن كأسنمة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا".
سبحان الله يمكن قبل عشر سنوات او اكثر لو تقولين لوحده البسي بنطلون قدام الناس قالت يؤؤؤ مستحيل استحي!
لكن سبحان الله اللحين ماتلاحظون ان البنات غالبيتهم مايستحون ؟
احيانا تكون حاطه رجل على رجل وفستانها اصلا لحد نص الساق لكن مع هالجلسه تلاقون الفخذ طالع ولا همها!!
انتي تستحين وهي مااستحت!!
اقروا معي
إن الحياء والإيمان قرنا جميعا فإذا رفع أحدهما ؛ رفع الآخر . الراوي: عبدالله بن عمر المحدث: الألباني - المصدر: تخريج مشكاة المصابيح - لصفحة أو الرقم: 5020
خلاصة حكم المحدث: صحيح على شرط الشيخين
ولا حظوا ان التساهل في اللبس صار شوي شوي من طويل لميدي وارتفع لحد ماصار اللي تلبس تحت الركبه ستيره الله المستعان والبنطلون صارت البلايز اللي تنلبس معه كل مالها وتقصر وتضوق !!
تدرون ليش؟ لاننا صرنا ماننكر المنكر
اصلا تعودنا عليه من كثر مانشوفه!!
والله يستر لا يصير فينا زي بني اسرائيل
" لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ * كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ * تَرَى كَثِيرًا مِّنْهُمْ يَتَوَلَّوْنَ الَّذِينَ كَفَرُواْ لَبِئْسَ مَا قَدَّمَتْ لَهُمْ أَنفُسُهُمْ أَن سَخِطَ اللّهُ عَلَيْهِمْ وَفِي الْعَذَابِ هُمْ خَالِدُونَ *
الان الزواجات مليانه عري والملاهي والله الواحد صار يخاف يروح يخسف به بسببهم
الله يصلح الحال بس
اللهم يامقلب القلوب والابصار ثبت قلبي على دينك الثابت
انا ماكتبت الموضوع للمناقشه او تجي وحده وتقول حلال!
انا بغيت بس ابري ذمتي واصير انكرت المنكر وكل وحده عقلها براسها!!!
والله يهدينا جميعا
منقول[/SIZE][/FONT][/QUOTE]
رد مع اقتباس
مواقع النشر