عضوة تحكي قصة موت زوجها والله بكيت من قلبي



صفحة 1 من 9 1234 ... الأخيرةالأخيرة
النتائج 1 إلى 4 من 34

الموضوع: عضوة تحكي قصة موت زوجها والله بكيت من قلبي

  1. #1
    مساعدة سابقة محررة بيت حواء الصورة الرمزية الواثقة بالله2
    تاريخ التسجيل
    Jan 2010
    الدولة
    جده
    المشاركات
    4,210
    معدل تقييم المستوى
    63

    Awards Showcase

    fgh عضوة تحكي قصة موت زوجها والله بكيت من قلبي

    طبعا أنا وعدتكم أحكي لكم قصة وفاة زوجي والأحداث اللي قبلها
    أسويها وأنا مدري زوجي الله يرحمه كان مجنووووووووووووووووون ببنتي جنايشتري لها ألعاب وينشدلها من راسه وكنت أنا على طول أصوره مع جنا فيديو ومرة قال لي يووووه انت كل مامسكت جنا جبتي جوالك وتصوير كنت أقوله إيه خلي جنا تعرف أبوها وش سوى لها يوم كانت صغيرة عشان تبرك لاكبرت

    وكنت أسجل أي أنشودة ينشدها لجنا
    المهم زارتنا أخته وكان مع ولدها عربيه وكان حبيبي يركب جنا وينزل ولدها واحنا نضحك المهم ماتحمل وعلى طول رحنا السوق وشرينا لجنا عربيه وملابس وأشيااااء كثيرة واحنا طالعين يضحك ويقول هالنتفه الصغيرة تكلفنا الف وهي توها أجل لاكبرت وش بتسوي ونضحك انا وياه عليها لأنها عصبيه وماتعطي وجه الا بالموووت واحنا بالطريق كان ينشد ويقول على لسان جنا
    ياحظي ياحظي بابا شرالي عربيه
    ياحظي ياحظي حلوة والله وورديه
    ألعب فيها زي ما بي وأنطط على كيفي
    العب فيها لحالي محدينزلني منها
    وانا ميتتتتتة من الضحك طبعا أخته ياقلبي كانت معنا
    ومقاطع غيرها كثييييييييرة
    وصورته مع جنا وهو يأكلها سيرلاك وهي تدفه ماتعرف تاكل وهويغصبها ووسخت ملابسه
    وصورت الأغراض اللي شراها لها أول مرة جاب لها سيرلاك وعضاضه ومصاصه وصحن بس همه يجيب لها وبس
    سبحااااااان الله وكنت إذا ابيه يصحى للصلاة بس أجيب لهاطبعا أبي أقولكم على شغلات كنت جنا ويقوم ومرة صورته وهو نايم وحاطة جنا جنبه وهي تجر شعره تلعب
    هو مات فجر الثلاثاء الخميس اللي قبله رحنا البحر وصورتهم مع بعض
    يوووووووووووووه الصور وش أقول وش أخلي كل موقف صورته
    وماكان واحد في الميه ببالي اني اجمع هالصور والمقاطع عشان تتذكره جنا وهوميت موحي سبحااااااااااااااااااااااااااا ااان الله كيف الإنسان مايجي على باله الموت خصوصا ان زوجي في الثلاثينات يعني في عز شبابه
    المهم قبل مايتوفى بإسبوع كان يشتكي من ألم في بطنه يجي ويروح
    وكان اذا جاه الوجع بس يتشهد وانا استغرب هالشي المهم اخر ثلاث ايام مررررة صار يتعب من بطنه وكنت أنا أجيب له مويه زمزم وأقرأفيها قران وأعطيه وكان يقول أنا أرتاااااح اذا شربت المويه المهم راح المستشفى قالوا له قولون وعطوه حبوب ومر اليوم الأول
    اليوم الثاني غاب عن المدرسه وماقدر يروح وصحي من النوم واستغربت انه غايب لأنه مااااااااااااااشاء الله عليه مايغيب أبدا ألا لضرووورة وهالضرورة ماجات بسم الله عليه
    وجا الليل اليوم الثاني وكان بيروح ينام بس ماقدر وكان يرجع لي انا وجنا ويقول ماقدرت أنام وقعدمعنا للساعة الفجر 3
    أقنعته ياخذ دش وفعلا تسبح وطلع بخرت له الغرفه وعطرتها وشغلت له القران في الغرفه وطلعت إلا شوي ورجع سألته وش تحس ياقلبي قال أحس بألم في بطني يطلع لصدري ويرجع طبعا انسدح في الغرفة اللي قاعدين فيها ونام غطيته وطلعت عنه
    اليوم الثالث :
    صحا من النوم الساعة 10الصبح وقال لي سوي لي فطور وفعلا سويت له فطور وكنت انا صايمة وقعديمد فطوري طبعا سويت له فول وقبل فترة سويت له فول ومدحه قلت بذمتك موأحسن من فول مطاعم أبو زيد (طبعا من أشهر المطاعم بجدة )شوفوا الثقة
    قال لي لاعاد موأحسن عاد انت لاتقارنين نفسك في مطعم متخصص بالفول وانا زعلت من زين العقل المهم هاليوم مدح الفول وقال والله العظيم ان هذا أحسن من أبو زيد وضحكت أنا وانبسطت
    المهم مراليوم عادي وجا وقت الغدا سويت الغدا وتغدا طبعا جنا كانت مييييتة من الصياح تخيلللللللللوا هالموقف كل ما أذكره أتعب شال السفرة وحط لي الأكل في حافظه قال عشان في المغرب تفطرين عليه ياااااااااااااااااااااقلبي ياحبيبي الله يرحمك تخيلوا لقيت الأكل بعديده ياااااعمري عليه
    المهم في العصر سبحااااااان الله طلع برا وقال لي سوي لنا شاهي بتقهوى مع الجيران وفعلا جلس مع الجيران في الديوانيه
    بعدالعشا دق الباب طلع جارنا طبعا
    دخل وسويت قهوة المهم اللي بوصله سبحان الله اخريوم له وصل كل جيرانه كأنه حاااس
    دخل وكان في برنامج اسمه 99كان بعنوان أخطاء طبية وكان يحزززن وكنت أنا أبكي بحرررقة وهو ساااااكت بس متأثر مرررة خلص البرنامج قال تبين شي من برا وعاد انا هليت الطلبات وراح جابها طبعا قال لي انا مقدر خلاص اكل شي في طماط وموالح حطي بس نواشف وبكرا سوي الغدا رز ابيض بس قلت له طيب وانا اضحك راح جاب خبز وتعشينا طبعا في شي كنت ملاحظته بس سكت اخر ثلاث ايام مايمسك جنا نهاااااااائيا بس يناظرها من بعيد ويكلمها وانا اتكلم بلسان جنا واقول تيب يابابا والله لوريك والله ماعاد اعطيك وجه وانا ظرفيه وهويبتسم بس موكعادته المهم واحنا نتعشا قعديأكل جنا قشطة ولاأكلت قام حط لقمتها واخذتها على طول واكلتها قام ناظرني كني بزر ويقول من سمحلك تاكلينها وضحكت انا طبعا شلت العشاورحت المطبخ نظفته ورجعت لقيته قاعديستغفرعلى اصابعه طوووووووول وانا جالسه على عالم حوا كالعادة بعدين قال يووووه الساعة 11بروح أنام قلت له نوم العوافي يارب وراح الا وأسمع صرخته وجيت أركض الا وأشوفه قاعدبالصاله على الأرض ويتألللللم ويقول جيبي مويه واجيب يمكن طلبها 4مرات بعدين طلب مني سلة مهملات وجبتها وانا ابكي وهو طووول ماهو يتألم يقول أشهدأن لاإله إلا الله وأن محمدا رسول الله
    1. بعدشوي قال لي جيبي جوالي بدق على اخوي وانا قلت له ندق على الجيران رفض وقال نايمين ودق على اخوه وانا دقيت على ولد اختي وترجيته اروح معه بس رفض
    وطلب ثوبه وفسخت له ثوبه ولبسته ثوبه الثاني ومشى على رجوله طلع من عندي وهو يمشي طلب مفاتيحه قلت ماراح تحتاجها انا مستحيل انام الا إذا جيت وكنت ابكي اذاسمعته يتشهدواقول انا وجنا بدونك مانسوى شي لاتخلينا أقسم بالله العظيم اني مدري وش خلاني اقولههابعدهادخلت المنتدى اسولف مع وحدة من صديقاتي وعلى بالي انه بيرجع وكنت اقول لها اني متضايقه من زوجي وهي كانت تقول انا طفشت من حياتي ابي انتحر ومدري ايش طبعا كنت كل شوي ادق على ولدأختي اتطمن وكان يقول كل شي تمام خلاص عطوه مغذي وبيرتاح شوي انا هنا ارتحت ودخلت المنتدى عادي الافجأة دق وقال ياخاله ادعي لفواز انا استغربت وقلت ليش اش فيه قال لابس تعبان شوي هنا جن جنوني وبديت اشك بس ماجا على بالي الموت ابدابدابدعلى بالي تنويم وبس شوي دق وقال ياخاله ادعي له قاعدين يسون انعاش لقلبه هنا ماحسيت بنفسي طبعا جنا وقتها كانت ميتة من البكا الله يهديها وتخيلوا شعوري وقتها اخذتها وركض على جارتي ادق عليها وفتح لي زوجها قلت وين فلانة طبعا كانت مسويه عمليه في ظهرها ماتقدر تقوم دخلت عندها وانا ابكي وبدون شعور كنت اقول لها فواز مابيموت صح فواز بيرجع صح وهي مستغربه وتقول ادعي له طيب طبعا انا رايحة جايه والارض موشايلتني وبرداااااااااااااااااااااانة وخاااااااااااااايفة وجنا تبكي وموقادرة امسكها وجارتي بعد ماتقدر تمسكها ياااااااااااااالله موقف رهيب وكنت اقول لجارتي بروح بيتي اخاف فواز يهاوشني اني جيت عندك اخرالليل وهي تقول لاخليك عادي انا بكلمه لاجا طبعا دق ولد اختي قال لي وينك ياخاله ادق البيت ماتفتحين يووووووووه طاح قلبي الحين فواز بيعرف اني رحت لجارتي على بالي انه معه وطلعت شفته لحاله وشايله جنا قلت وين فواز متنوم قال طيب فكي الباب واخذ جنا وفتحت وسألته وين فواز طبعا ولد اختي عمره عشرين يعني هو يبي له من يصبره انهارمن البكا قلت شفيك وين فواز قال ياخاله وظمني سألته وين فواز قال انت مؤمنة بالله ياخاله قلت له ماااات انهاااااااار من البكا
    موقفي بلااااااااااااااااشعور
    يمكن حاسين فيه على طول بدون شعور سجدت وقلت اللهم لك الحمدكما ينبغي لجلال وجهك وعظيم سلطانك وبعدها الصراحه بديت الخبط كنت امشي في البيت واقول فواز مات لالامامات وامسك الجدران ودخلت غرفة النوم اشوف مكانه مسكت ثوبه اللي كان لابسه وظميته وبكييييييت واشم ريحته ودخلت المطبخ وشفت الأغراض اللي جابها مووووووووووووووومصدقه قاعدة أقول يمكن أنا بحلم يمكن أنا أتخيل يمكن ولدأختي غلطان
    وطوووول ما أنا أفكر كان ولد أختي يقول تبين أوديك تشوفينه تبين أوديك تشوفينه فجأة انتبهت لكلامه وقلت يالله وديني وغيرت ملابسي بسرعه والله والله والله مدري وش لبست كان لبسي ملخبط مومرتب قال لي ولد اختي ياخاله وش هذا قلت يالله بس امش ورحت معه وطول الطريق اقول معقوووووووولةانا عمري ماطلعت مع أحد غير زوجي والله ماكان يرضى ابد اروح مع احد بس الحين لا انا رحت مع ولداختي هو وينه هو مات خلاص المهم وصلت مستشفى الملك فهد ودخلت أما إحسااااااااااااسي هذا موضووووووع ثاني رجلي موشايلتني وجنا ولله الحمد كانت ساكتة تتفرج ياقلبي مودارية ولاعن شي وقتها كنت اشوف البنات وهم يمشون في المستشفى سبحااااااااااااان الله مريضات والعباية مزخرفة ولثام واللي حاطه خواتم وكلن في فلك يسبحون وانا قاعدة امشي ببطئ وأقول لوهالبناااات يدرووووووون اني رايحة اشوف حبيبي ميت حبيبي اللي قبل شوي متعشي معي بروح اشوفه كيف بيكون موقفي مدري مدري وكنت اشوف الشباب يمشون وأقول يوووه هذول ماااايدرون عن قلبي وش يحس وجنا تناظر مااااااااااااااااااااتدري شسااالفة المهم مشيت بسيب طوووووووووووووويل وانا افكر وكنت متخيلة فواز منسدح على السرير عادي كأنه في قسم الطوارئ بس لااااااااااااا فواز مومع الأحياااء لافواز بمكان ثاني غير المكان اللي فيه المرضى سأل ولد أختي الاستقبال وين المريض اللي اسمه فواز وكان الرد الصاعقة فواز دخلوه الثلاجة
    أييييييييييييييييش ثلاجة يعني فواز فعلا مااااااااااااااااات
    المهم مشيت معه قال ولد أختي نبي نشوفه قال طيب روح لذاك الرجال رحنا له قال بأي صفة قال هذي زوجته نااااااااظر العسكري مومصدق قال تبي تشوفه قال ايه قال طيب روحو من هذاك السيب الثلاجة
    واخرشي انقطعوا الناس وصار المكان فاضي كنت بإتجاه قسم الوفيات شفت اللوحة مااصدقت وامشي وكنت خايفة على جنا واشوف الأرض اقول معقوله فواز مر من هنا بس وهوميت المهم وصلللللللللت اشوف لوحة زرقا الظاهر ومكتوب ثلاجة الموتى وشفت سيارة نقل الجثث هنا كني بديت أصدق طبعا ماافي ولا مخلووووق فتح ولد أختي الباب مقفل يوووووووه معقوله بيني وبين حبيبي باب وهو متعشي معي لاااااااااااااا مومصدقة
    المهم قال ولد أختي خاله فيك حيل ترجعين معي ولا تنتظرين خفت وقلت له لاااا بروح معك ورجعت من نفس الطريق الطووووويل ولقينا الشرطي كلمه ولد أختي وقال ضروري زوجته تبي ترتاح المهم دق على مدير الوفيات وجا ومعه عسكري وواحد دكتور واقفين قال انت بعقلك ولا لا
    قلت ايه بعقلي الحمدلله هذي امانة وربي اخذها وانا ابي اشوفه عشان ارتاح المهم قال ممنوووووووووووع خطرعليك هوالحين في ثلاجة والثلاجة البرودة اللي فيها تضرك قلت خلها بكيفها والله والله والله والله والله العظيم وقتها جتني غصصصصة ياااااااااااالله ثلاجة ايش اللي ماكانت على بالي وعلى عمري فكرت فيها
    واي برودة اللي فواز بيحس فيها وانا ما أحس لاخليني ابي احس باللي يحسه وهيهااااااااااااااااااااااات
    المهم العسكري جر المدير ومدري وش قاله وبعدين قال لي سألتك بالله ماتتهورين قلت اعوذ بالله كلنا لها كنت أحاول ابين اني قوووووية قدامه عشان يوافق ورجعت مع نفس الطريق المتعب
    ووصلت قام دق على باب قدام الثلاجة طلع فيه البواب المسؤوول عن الثلاجة وكان شكله طوووووويل وعرييييض قلت في نفسي يااااااااااالله كيف يهنا له ينام هنا قبال الثلاجة المهم فتح الباب ودخل وقال تفضلي انا صراحة جاني خووووف قلت لولد أختي تكفا شوفه انت اول لأني كنت خاااااااااااااايفة اول مرة اشوف ميت ومييييين حبيبي كنت دايم اسمع اشرطة دينية وعن شكل الانسان اذا مات اما يرى ملائكة العذاب اوالرحمة ياربي طيب حبيبي اكيد شاف بس شاف مين قلت ادخل انت وتشوف دخل ثواني وجرني بيدي قال ادخلي ادخلي وقفني العسكري قال لحظة هااااتي البنت انا خفت جنا تبكي من أي وجه غريب مستحيل بتسكت معه وبنفس الوقت مابيها تدخل وتشوف ابوها عطيت العسكري جنا ودخلت لقيت جدار كبيييييييييييير كللله ادراج ودرج واحد مفتوح فيه حبيبي جيت اركض لقيته مكفن زوجي حبيبي مكفن المنظر غريييييييييييييييييب زوجي اللي يلبس أكشخ شي زوجي اللي مو أي شي يعجبه زوجي اللي مايرضى يجلس بمكان بدون فرشة جيت ولمست وجهه ثللللللللللللج بااارد مسحت على راسه وسلمت عليه وكلمته شفته والله يابنااااات هوماغيره حبيبي اللي اجي اصحيه من النوم مااااااااااااااشاء الله عليه كأنه نايم وجهه عااااااادي وجه واحد نايم بس الفرق انه بااااااااااااااااااااااااارد دعيت له واستودعته الله الذي لاتضيع ودااائعه وطلعت وعطيته اخر نظرة واول ماطلعت شفت جنا مسكتها وظميتها ومشيت وانا مصدوووووووووووووووومة بس الله وقتها نزل علي الصبر الدنيا بوسعها كللللللللها ضيييييقه علي قلت يااااااااااااااالله ياهمووووومنا ركبت السيارة وانا اتخيل صووووورة حبيبي
    تعبت والله من الكتابه لكن راح اكمل لكم لا تزعلون راح اكمل الليلة بس والله تعبت لأن الباااقي اعظم
    اللي بقوله ان زوجي مات وهو رافع اصبع السبابه
    قال للمرضة العلاج موعندك عندالله
    زوجي مدخن يوم ركب السيارة قال لأخوه انا اشهدالله اني تبت من الدخان توبة نصوووح سبحاااااااااااااااااااااااااان الله
    المهم جات اللحظة الصعبة (إني أفارق البيت اللي صرت ما أشوف فيه إلا ذكرىزوجي )
    طبعا دعيت الله إنه يهوووون علي هذي اللحظة وطلعت وأخذت بعض أغراض جنا المهمة وانا رميت كل ملابسي لأنها تذكرني فيه وطلعت لقيت أخواني حاطين سياراتهم مغطين فيها سيارة حبيبي

    بس مستحيييييل إني كنت ماراح أودع سيارته ولفيت من عندسياراتهم ورحت لسيارة حبيبي اااااااااااااااااااااااااه ياقلبي قمت أشوف مكانه ومقعده ومقعدي اللي كانت اخر مرة ركبته يوم الخميس يوم رحنا تمشينا وما أكذب عليكم بكيت ومسحت مكان المفتاح وركبت سيارة أخوي ومشيت الله يافواز يجمعني فيك ببيت في الجنة وأملي عيوني بشوفتك يالغالي وأحكي لك وأسولف لك وأتخيل كيف بيكون شكلك يااااااااااارب اطوي عني طول السنين يارب
    أخواتي الله يجزاكم كل خير يارب أدعولي إن الله ينبت جنا نباتا حسنا ويجعلها داعيه إلى الله وأن يطوي السنين بسرعه على قلبي
    أخواتي والله العظيم إني كنت إنسانة عادية مثلي مثلكم أدخل قسم الطبخ وقسم الجمال والأناقة وأستثقل الدخول إلى قسم الفتاة المسلمة مولإني عاصية ولا كارهة للذكر ولكن والله انه ضيق ما أدري ليش يجيني علما بإني ألوم نفسي وأتضاااايق
    ليش أنا كذا مووقته إني أتكلم عن نفسي لكن انا كنت مقصرة في العبادة والله يرحمنا وقتي كان أغلبه سوالف ولعب لكن الحدث اللي صار لي خلاني أغير نظرتي 180 درجة يالله كثر ماكان قلبي معلق بالميك أب والملابس كثر ما الان نفسي عافت كل شي موبس كذا لااااااااااااا
    أنا وقتها حسيت بخووووف حسيت انه فعلا فيهجنة ونار (لاتفهموني غلط أنا مؤمنة بهالشي )بس انا عمري مابحثت ودورت عن الميت وايش يحس وهل يدري عن اهله لقيت نفسي ماااااااااااااأعرف ولاشي وكنت لما أفتح عالم حواء أدور شي يبردعلى قلبي الاقي كلن بهمه وانا بهمي اللي محد بيعيشه وقتها إلا أنا والله يابنات والله كنت أدخل تجمع الأرامل بين فترة وفترة عشان أواسي خواتي وكنت أقول ياااااااااااااالله ما أتخيل ياحياتي كيف صابرات هالأخوات وأقعدأهنيهم بالأجر وأنا مابيني وبينهم الافترة بسيطة وصرت وحدة منهم الحمدلله أنا راضية بس ماااااااااااااااااااااااكان على بالي تعرفون يعني ايش ماكان على بالي
    طيب باقي زوجي الغالي وش كان عليه قبل مايموووووووت ؟؟؟؟؟؟؟؟
    زوجي كان حرييييييييييييص على صلاة الفجرفي المسجد
    زوجي كان فيه ميزة انه لايمكن يسمع بعزا الايرووووح حتى لو اخرالدنيا (وربي أكرمه )
    زوجي كان إنسان عادي لكن كان يحترم اني ماأسمع أغاني ومايسمع
    زوجي كان حرييييييييييييييص وبقووووة على أذكار النوم بالذات بالذات أكثر من أي شي
    زوجي كان أول مايصحى من النوم يقول أشهدأن لاإله إلا الله محمد رسول الله والله لو بس يقوم كذا يتقلب يقولها
    زوجي كان بار بأمه
    زوجي كان يحب عمله ويخلص فيه لأبعدالحدود
    زوجي كان له كتابات راااااائعة للشباب وللبنات وراح أحطها بإذن الله
    هذي أبرزالأشياء اللي كانت في زوجي الله يرحمه
    اللي أبي أقوله ترى الله رحيييييييييييييم بعباده فووووووق ماتتخيلون ترى ربي غني عن عبادتنا ربي يبي منا إخلاص 00تأنيب ضمير في حاله ارتكاب ذنب 00ربي يبي نية صادقه
    الأخوات اللي أرسلوا يستفسرون عن إسم زوجي ايه هو اللي الإسم االلي أرسلتوه وأرجوا الدعاء له بالرحمة
    فدييييييييييييت كل من واستني ودعت لي أولجنا أو لحبيبي والله يجعل ذلك في ميزان حسناتك يالغلا
    وأنصح كل متزوجة إنها تعامل زوجها بالحسني لأن مثل ماقلت لك كل هذا من الشيطان والشيطان الخبيث راح يورثك الحسرة لوفقدتي زوجك ويعددلك محاسنه ومحي عيوبه بعكس لوكان حي يالغالية واصبري واصبري واصبري وابشري بالجنة
    اخرشي بقووووله وأعتذرعلى عدم التفصيل في الموضوع ياليت تحصنوووون بيوتكم بالذكر والقرآن واحفظوا أسرار أزواجكم وخلوها شي خاص وجميل بينك انت وزوجك وبسسسسس
    خليك غامضة وراح تزيد هيبتك لأنك لو تكلمتي عن حياتك الشخصية ماراح تسلمين من العين
    هذا أولا وثانيا لايجوووووووز لإمرأة أن تفشي مايدوربينها وبين زوجها والمرأة طبعها الحياء لكن اللي يصير هالأيااام إنك ماتجلسين بمكان إلا محور الحديث عن الرجل والأشياء اللي تجذب الرجل وكل وحدة تقعد تحكي كل موقف بالتفصيييييل وللأسف الوازع الديني أصبح ضعييييييييييف في أغلب البيوت وعشان كذا الإنسان عرضة للحسد00العين 00السحر والعياذ بالله وكثرة المشاكل كل هذا والله من المعاصي ولوكنت على غير معصيه إعلمي أخية إن هذا إبتلاء من الله العلي القدير
    أخواتي أنا كتبت لكم غيض من فيض والله ما أبي زيادة صفحات كثر ما أبي كل وحدة ترااااجع علاقتها مع زوجها وتشوف هي صح ولاغلط




    في بلدي:

    أصبحت العلاقة الاجتماعة :

    تعزية شهيد .. زيارة جريح ..
    ...

    مواساة اسرة معتقل.. وداع مسافر .. !!!

    تجمعها الدموع ... والذكريات ... والحرقة ..

    لنذهب بعدها ونكمل سهرتنا على ضوء القنابل وانغام الرصاص ...

    ونعانق أحلامنا ونمسكها جيدا قبل أن يصيبها القناص .....

    ونخبئ الأمل على وسادة اطفالنا .....لنصبح على وطن ...!!!!

    من مواضيع الواثقة بالله2 :


  2. #2
    نجمة بيت حواء الصورة الرمزية woow baby
    تاريخ التسجيل
    Jul 2010
    المشاركات
    568
    معدل تقييم المستوى
    10
    والله العظيم انك قطعتي قلبي على هالقصه .. والله ما اعرف ايش اكتب .. بسم الله على زوجي تخيلت انه ..
    الله يطول في عمرره .. والله كاني قاعده اشوف المنظر جدامي ..يا الله احس اني بستخف وانجن.. سبحان الله كيف قدرت انها تروح تشوفه .. كيف قدرت تصبر على فراقه .. الله يرحم زوجها ويكتب له الجنه ويثبته عند السؤال ..آآآمين يارب العالمين والله ودي اعبر .. بس العبره خانقتني ,وما اقدر اشوف الكي بورد بسبب الدموع والله العظيم تاثرت .. الله يصبرها ويجعل بنتها باررره لابوها وامها يارب رحمتك ..
    [ALIGN=CENTER][TABLETEXT="width:80%;"][CELL="filter:;"][ALIGN=center][marq="3;right;2;scroll"]الـلـهـم لا تـحـرق وجـهـي بـالـنـار بـعـد سـجـودي لـك ورحـم مـن رأس مـالـه الـرجـاء وسـلاحـه الـبـكـاء يـاسـابـغ الـنـعـم يـا دافـع الـنـقـم يـا نـور الـمـتوحـشـيـن فـي الـظـلام يـا عـالـم لا يـعـلـم صـلـى الـلـه عـلـى خـيـر خـلـقـه مـحـمـد وعـلـى آلـه وصـحـبـه اجـمـعـيـن[/marq] [/ALIGN][/CELL][/TABLETEXT][/ALIGN]

    يا رب تهديني الحمل السليم وبيبي زيه

    من مواضيع woow baby :


  3. #3
    نجمة بيت حواء
    تاريخ التسجيل
    Jun 2009
    الدولة
    المدينة المنورة
    المشاركات
    517
    معدل تقييم المستوى
    11
    الله يرحمه ويجعل مثواه الجنه والله يعينك على الذكريات
    النسيان من أصعب الأشياء في الدنيــــــــا بل تكاد تكون مستحيلة
    لاكن مايضيع شئ عند ربي وبنتك خلي بالك عليها والله يحفظها من كل شر ويخليها لك

  4. #4
    محررة بيت حواء الصورة الرمزية مناي رضاك يالله
    تاريخ التسجيل
    Jan 2009
    المشاركات
    4,476
    معدل تقييم المستوى
    22
    ياقلبي عليها الله يصبر قلبها ماشاء الله عليها كيف قدرت تروح تشوفه والله مااقدر انادايم اذا تزاعلت مع زوجي اتخيل هالموقف والله اروح واضمه ودايم اقوله الله لايحرمني منك يااااارب والله الوحده مهما كانت في حياتها مع الزوج فيها مشاكل لكنها ماتقدر تتخيل انها ممكن تفارقه ابد الله لايحرمني منه ياااارب

    ومشكوره يالغلا هالقصه الله يجزاك كل خير

صفحة 1 من 9 1234 ... الأخيرةالأخيرة

المواضيع المتشابهه

  1. مشاركات: 26
    آخر مشاركة: 24-01-2015, 03:27 PM
  2. مشاركات: 0
    آخر مشاركة: 18-05-2011, 12:43 PM
  3. ناديه في سجن ابو غريب تحكي قصتها ,تبكي الحجر والله
    بواسطة محتاجةواسطةقوية في المنتدى الأسرة
    مشاركات: 41
    آخر مشاركة: 23-08-2009, 10:50 PM
  4. والله لأدعيلها من قلبي....!!!
    بواسطة ثمة وجع في المنتدى طلبات
    مشاركات: 4
    آخر مشاركة: 25-01-2008, 07:50 PM
  5. والله قلبي مايبي حب الا حبك
    بواسطة عزوتي الي بحايل في المنتدى قصائد , خواطر , لـــــ لمنقول ( مما راق لي )
    مشاركات: 7
    آخر مشاركة: 09-11-2007, 09:56 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |