مرق اللحم بالبرمة مع ملوح ..وأصناف أخرى(حضري خروفك ومتعي ضيوفك):: ¤
هلا فيكم حبيباتي....
لسه الشهر ما انتهى واللحمة فيها خير وبركة ههههه
هذي أطباق أخذت طريقتها من ضيفة يمنية(صديقة قديمة)
نزلت عندي في رمضان معتمرة واستفدت منها كثير ماشاء
الله عندها طرق وأصناف حلوة واليمنيين لهم نفس رائع
في الطبخ...
المهم أمس سويت صنفين من اللي أخذتها منها وطريقتها
مرة سهلة سويتها كذا مرة بس الكسل ذابحني ما أحب
أصور وأطبخ..خخخ
هذا الموجز وإليكم التفاصيل .....
¤مرق اللحم في البرمة¤
اول شي البرمة هي عبارة عن إناء طين خاص بالمرق
والإيدامات له نكهة خاااااااااااصة وطعم مميز....
وهذي صورته ..لاتقولولي من وين جبته >لها قصة طويلة<
الطريقة..
أغسلي اللحمة نظيييييف وحطيها في البرمة وحطي عليها موية مغلية
إلى مستوى النقش الأخير تقريبا لاتمليها لأنها تطلع رغوة وتحوس الدنيا
انتظري لما تخلص الزفرة (ممكن تغيري الموية لو حبيتي) وحطي على
اللحمة بصل مفروم وثوم كل البهارات اللي تحبيها وغالبا بهارات المرق
والإيدامات المعروفة أنا زودت عليها كركم وشوي هيل ناعم عشان ريحة
اللحمة....(أنا حطيت كل شي من بدري مع الموية ماعندي وقت..)
بعدها غطيها بالفويل وخليها على نار هادئة ساعة ونص أو ساعتين
أو في الفرن بس تتأخر مرة..
هذي صور الخطوات كلها مع بعض..
أول صبيتها في قدر حتى اتحكم بالغرف..
وهذي صورة البرمة جاهزة أضفت عليها بقدونس مفروم وليمون..
¤ الملوح ¤
البرمة غالبا يقدم معها الملوح وهو خبز منزلي يشبه إلى حد
كبير المشلتت في طريقة عمله مع اختلاف بسيط في المقادير
والخبز...مقاديره..حطي دقيق أبيض مع أسمر بالتساوي بالكمية
اللي تحبيها أنا حطيت كاس ونص لكل نوع وطلعت الكمية ثلاثة
أقراص كبييييييييييرة..
وحطي على الدقيق ملح وملعقتين حليب بودرة وشوي
حبة البركة(حسب الرغبة) انا ما أحطها لكن هذي المرة
حبيت أضيفها..
اعجني بالماء حتى تصبح عجينة لينة تلتصق باليد...
استخدمي الدقيق(أيضا مخلوط) وقسمي العجينة إلى
ثلاث أو أربعة أقراص ورشيها دقيق كثير وغطيها وخليها ترتاح
نص ساعة ..
وبعدها أفرديها عالآخر حتى تصبح رقييييييييييييقة وتحتاجي
دقيق كثير حتى ما تلتصق بالرخام..
الآن ادهنيها بخليط السمن مع الزيت ( كمية السمن أكثر)
وطبقيها وخليها شوي وبعدها روحي لأول وحدة طبقتيها
وافرديها مربعة وأخبزيها على صاج تيفال ورشي الصاج بملعقتين
من خليط السمن و الزيت.ولما تستوي أقلبيها على الوجه الثاني
وبعدها خرجيها من النار وطبقيها وحطيها بطبق وغطيها فورا بالفويل
وإذا برد غطيه بالنايلون..
صور الخطوات العمل....
وهذا الخبز جاهز..لذيذ وخفيف وطري مررررررررة..
¤دجاج مع خضار بقدر الضغط¤
عندي ناس ما يحبو اللحم فسويت دجاج مع خضار طريقته جدا
سهلة..
أغسلي الدجاج وصفي في قاع القدر بصل كثير و اخلطي الدجاج
والخضار ببهارات وثوم وكركم وملح وصفي أول الخضار فوق البصل
وبعدها الدجاج وحطي شوية موية(نص كاس تقريبا أو أقل)..
هذي صورته قبل الطبخ...
وقفلي القدر مضبوط وخليه على النارحتى يبدأ بالتصفير
وبعدها هدي النار مرررررة...
الطبخة ما تطول أبد تقعد بالكثير ربع ساعة أنا أخليها
عشر دقايق..وبعدها آخذ الدجاج وأحمره في الفرن
من فوق ..
وهذا الطبق جاهز..
وكان فيه تبولة وسلطة زبادي وسلطة حارة ...
اتمنى أطباقي تكون عجبتكم وبالعافية على قلوبكم...
وكل الأطباق قسموها بينكم بالتساوي من أول وحدة
ترد لأخر وحدة بالعافية عليكم...> كريمة الأخت <
رد مع اقتباس
مواقع النشر