حلى سموه انتوا من ابدعي
--------------------------------------------------------------------------------
السلام عليكم ورحمة الله وبركاته
كيفكم ياحلوات ان شاء الله طيبين
راح انزلكم حلى بس هالمرة انتوا سموه احترت شنو اسميه
المقادير
الطبقة الاولى
كيك بالكاكاو سواء جاهز او بالمنزل انا حطيت جاهز وتقطعينه شرايح وترصينه بالصينية
بعدين تجيبين علبة قشطة وتخلطينها مع 3 ملاعق نوتيلا وتحطينها فوق الكيك
الطبقة الثانية
تسوين كريك كراميل وتخلينه ثقيل وتتركينه على جنب
تجيبين نصف كيسة شعيريه باكستانية وتحمسينها مع الزبدة
لما تحسين انو الكريم كراميل بدا يثقل حطي عليه الشعيريه وبعدين صبيها بهدوء على الطبقة الاولى مثل كذا
الطبقة الثالثة
تغمسين بسكوت شاي في حليب وترصينه بالصينية
وتغمسين بسكوت اوريو في حليب وتكسرينه وترصينه فوق البسكوت زي كذ
بعدين تخلطين 2 ظرف دريم ويب مع بيالة حليب بارد وفانيلا وتخلينها الين تتضاعف بعدين حطي 2 علبة قشطة واخلطي وعلبة نستله صغيرة و4 حبات جبن كيري وتخلطينها سوى وتقسمين الخليط نصفين وتحطين النصف الابيض فوق الاوريو مثل كذا
الطبقة الرابعة
ترصين طبقة بسكوت او ممكن كيك بالفراولة اختياري
بعدين تجيبين الباقي من الكريمة وتحطين 2 ملعقة كبيرة جلي بالفرولة وتخلطينها
ثم تصبينها كطبقة اخيرة راح يكون لونها وردي
وهنا زينتها بالفستق وجوز الهند والهرشي وممكن تزينيها ببسكوت شاي مطحون او بسكوت اوريو كل وحدة وماتحب
وهنا صورة من جانب اخر
اعذروني صورتها بعد ما قطعت بس انحذفت
اتمنى يعجبكم
دمتم في رعاية الرحمن
ملحوظة
ممكن الاستبدال بين الطبقتين الاولى والثانية يطلع حلو بعد
انتظر منكم دعوة بظهر الغيب
رد مع اقتباس
مواقع النشر