أخواتي الحبيبات عايزة أفضفض معاكم واحكي لكم مشكلتي وأرجو منكم النصيحة
أنا عمري 43سنة وزوجي أكبر مني بـ10 سنوات وعندي 3أولاد أكبرهم بنت في أولى جامعة وولد في ثالث ثانوي وولد في ثاني متوسط أنا مصرية وعايشة في االسعودية من زمان وولادي كلهم اتولدوا في السعودية زوجي كان محسسني انه بيحبني ودايما يقول لي ان كل يوم بيزيد جمالي واني مش باين علي سني وانا الحمد لله فعلا محتفظة بشكلي ووزني بعكسه هو زاد جدا في الوزن في الفترة الأخيرة زوجي زاد القوة العاملة معاه واصبح يجلس في البيت كتير وعنده فراغ وانا بأشتغل في مدرسة خاصة الصبح وبأعمل أبحاث وشغل على الكمبيوتر غير شغل البيت يعني وقتي كله مشغول ففي الفترة الأخيرة اصبح يطلبني كتير في الفراش وانا بصراحة طول عمري مش بأحب الفراش واحس انه واجب وعبء علي وانا اصبحت كتير اهرب واتمنع لإني بتعب من كتر الموضوع ده في الفترة الاخيرة اصبح كل مشاكلنا بسبب الموضوع ده امبارح لمح انه عايزني في الفراش وانا نمت وتركته وفوجئت به الصبح مخاصمني وزعلان اوي ولما جيت اصالحه قالي كلام جارح اني زوجة فاشلة واني مش ست كاملة وقعدت يتفرج على نانسي عجرم ويقولي ادي الستات اللي بحق وحقيق ويغيظ فيه وفي وسط الكلام هددني انه هيتجوز و تسريحة شعري مش عاجباه ولا اي حاجة بأعملها عاجباه واني مش بأعرف أدلع وأرقص وكلام زي كدة انا اتجرحت جدا من كلامه لاني كنت فاكراه بيحبني واتصدمت بكلامه
اخواتي انا نفسيتي تعبانة منه وفعلا حاسه دلوقتي اني بأكرهه ومش عايزاه يلمسني ونفسي اقوله انه هو كمان مش عاجبني واعقده من نفسه زي ما عقدني لكن في نفس الوقت مش عايزة اخرب البيت اللي بقاله 20سنة ومش عايزة احزن اولادي وصعب علي اداري شعوري واحسسه اني بحبه وكمان كرامتي واجعاني اوي انا بين نارين ارضي نفسي واخرب البيت او امثل عليه الحب والدلع واحافظ على البيت بس ده هيكون على حساب اعصابي وتعاستي لاني عمري ما هأنساله جرحه ده وهأفضل طول عمري متضايقة منه
ارجوكم انصحوني
مواقع النشر