نكمل حبيباتي
اللحين نيجي لتركيب الاجزاء مع بعض اول شيء علشان تظبط معاكي ثبتيها اولا علي علبه المناديل واذا متمكنه
من شغلك ما هايحتاج انها تتثبت وتشبكي علي طول بس انا حبيبت اوضح لكم علشان اللي لسه بتبدتي شغل
الكروشيه
نبتدي نشبك اول جنب مع جسم العلبه بغرزه الحشو او لو ما هاتعرفوا بالابره والخيط
انا شبكتها بغرزه الحشو
هنا كملتها وشبكت الجنبين مع الجسم بغرزه الحشو
نبداء دلوقتي في عمل الديكور للكنبه اول شيء اليد اللي هانلفها علي الكنبه
نعمل عدد 25 سلسله ونقفلهم بمنزلقه ونشتغل 25 عمود ونعمل 40 سطر ودي شكل الاسطوانه بعد ما خلصتها
نحشيها فيبر او قطن او اسفنج اللي متوفر عندك انا حشيتها فيبر
دلوقتي نعمل الدائره اللي هانغلق بيها الاسطوانه
نعمل عدد 6 سلسله ونغلقها بمنزلقه ونشتغل فيها 25 عمود بلفه واحده
معليشي يا بنات الصوره مش عاوزه تتحمل علي مركز تحميل المنتدي بتطلعي صوره من موضوعي حق السينابون
عموما الطريقه اكيد سهله ومفهومه للجميع ان شاء الله
مهم بعد ما نعمل الدائره نضعها علي فتحه الاسطوانه ونقفل بيها الاسطوانه بغرزه الحشو
نعمل فوق غرز الحشو سطر من غرزه العمود بلفه واحده
السطر التالي نعمل عدد 3 سلسله او ممكن 5 حسب ما تحبي وندخلها بين كل عمود بغرزه حشو ونكمل الدائره كلها
نكرر اللي عملناه من الجهه الاخري وكده خلصنا الاسطوانه كامله
نبداء في تركيب السطوانه علي علبه المناديل اما بالابره والخيط او بغرزه الحشو او بمسدس الشمع حسب
الرغبه وعلي حسب ما تقدري تتمكني من شغلك انا ثبتها بغرز الحشو وعملت واحد اخري هديه وثبتها بمسدس
الشمع اهم حاجه وانتي بتثبتي بمسدس الشمع ننتبه حتي لا نبهدل الكنبه بالشمع ونخرب شكلها
وهنا نضع المطاط في نهايه الكنبه
نيجي للخداديات اللي علي الكنبه
نعمل عدد 6 سلسله ونغلقها بمزلقه ونشتغل داخلها 25 عمود
السطر الثاني نعمل زياده يعني عمود عمودي عمود
السطر الثالث والرابع والخامس من غير زياده
السطر السادس نبداء ننقص عمود عمود حتي نلم الخداديه وهاتكون بهذا الشكل
نحشيها فيبر او حسب المتوفر عندك قطن او اسفنج ونغلقها
نيجي للحليه اللي عليها نيجي في المنتصف ونشبك الخيط ونعمل عدد 5 سلسله او ممكن 3 وندخلها بين كل عمود وعمود بغرزه حشو
وهايكون شكلها كده
نعمل منها العدد اللي نبغاه وممكن نعمل منها لونين يعني من نفس لون الكنبه ومعاها لون اخر انا خلص معايا لون
الخيط اللي سويت منه الكنبه علشان كده عملتهم كلهم لون واحد
نجملهم بفصوص اللؤلؤ
نعمل كوره من الصوف ونشبها في فتحه الاسطوانه ونجملها بفص او بزرار او بحبه لؤلؤ المتوفر عندها
وكده نكون خلصنا حبيباتي
وده شكل الكنبه النهائي
والمفرش اللي علي المسند ممكن يستخدم اكنه سجاده ونضع عليه اي فارزه صغيره يعني نقدر نغير مثل ما نحب
اي سؤال من عيوني حبيباتي
ان شاء الله عجبكم شغلي
وان شاء الله القادم اجمل
لا تنسونا من صالح دعائكم
محبتي وتقديري واحترامي للجميع
اختكم ام يوسف
مواقع النشر