بسم الله الرحمن الرحيم
خواتي انا مررره مقهوره وصراحه مدي وش اسوي واتمنى كل الي يقرون موضوعي يردون علي ولا يرفعونه بدعوه حلوه
بختصار انا ادرس بالجامعه واحيانا ارجع الضهر للبيت بلموزين اذا مالقيت احد يرجعني والحمد لله ان بيتي قريب
ودئما اذا رجعة بلموزين اعطيه عشره ريال وما يقول شي
واليوم لما طلعت الضهر وقف لي ليموزين وعلمته موقع البيت وقبل مايحرك السياره قالي ترى عشرين ريال حق التوصيل .... قلتله طيب انا ديم عشره قال (( لا)) وفتحت الباب ونزلت من السياره.. ووقف لي ليموزين ثاني ووصفت له البيت وهو ساكت وماجاب طاري الفلوس وانا على نياتي يعني مثل العاده لي سبع شهور وانا بين فتر وفتره اجي مع ليموزينات ونادر احد يطلب اكثر من عشره لان البيت قريب ...المهم ويوم جيت انزل للبيت حطيت العشره ونزلت وهو بنفس الحضه الي انا فتحت فيها الباب التفت ويوم شافها ويعصب ويرفع صوته يبيني اسمع وش يقول وينافخ انا صراحه خفت حسيت كني مسويه جريمه ورحت ولا قلت له ولا كلمه غريبه وش السالفه؟؟ مع العلم ان كلهم عماله اجنبيه الاول هندي والثاني بكستاني
عاد انا مررره اخاف من الرجال اذا رفع صوته حتى لو كان يمزح والمشكله اني والله مضطره وغصب عن خشمي اروح مع ليموزين مدري وش اسوي اطيعهم واصير اخذي حق الموزين 20 بدال 10 مع العلم ان وضعنا المالي مهو ذاك الزود وزوجي يمر بشوية ضغوطات والحمد لله على كل حال
معليش طولت عليكم بس الي عندها راي تقولي وش اسوي وتكفوون ابيكم تقوني شوي والله اني اعتبركم خواتي والملتقى الجنه انشالله
(((الي ترد علي الله يحرم وجهها ووالديها عن النار)))) والي ماترد الله يجزاها عني كل خير يكفيني انها قرت موضوعي
مواقع النشر