بسم الله الرحمن الرحيم
كيفكم صبايا
اليوم حبيت أشاركم بالمشروع إللي عملته الجمعة الماضي وهو تفريز الفول الأخضر
وكونه هلأ موسم الفول الأخضر عنا بالأردن فحبيت أشاركم فإللي عملته وترى مو شرط يكون موسمي يعني مثلا بالسعودية دائما متوافر بالمحلات فحلو إنك تفرزنيه وتجهزيه خاصة للأيام إلي بتطفشي فيها من الطبخ أو بجيكي ضيوف فجأة أو للعاملات أمثالي إهئ إهئ ((((((((( صف أول ))))))) بعرف غاثيتكم بهالمعلومة كل العالم عرفت إني بدرس صف أول ههههههههههههه
المهم
خلينا ندخل على الموضوع
بنجيب الفول الأخضر ، أنا ما شاء الله اشتريت كرتون كامل فيه يمكن اربعه كيلو فول اخضر
وهادي حبة الفول
بعدين بكون فيه على جنبها زي خيط قاسي مثل ما هو واضح بالصورة
بنشيله بالسكين بحيث نقطع الزاوية أولا ونسحبه ورح يطلع لحاله معك بس ما حبيت اصور ايدي وانا بعمل هههههههه عشان هيك ما صورت هادي الخطوة بس بتهيألي واضح
وهي صورة الخيط مشيول وترى ممكن يطلع خيط من الجنبين برضه بنشيلهم :
بعدين بتقصي الحبة من النص إذا كانت صغيره يعني تصير نصين أو إذا الحبه كبيره أكثر وهيك شكله بعد ما قطعته كله :
بعدين بتجيبي طنجره ( قدر ) حطي فيه ماء وخليه يغلي ، بعدين حطي فيه الفول طبعا إذا كمية مثلي ، قسميها على دفعات ، أول ما تحطي الفول اصبري لما يرجع الماء يغلي لأنه حرارة الماء بتكون نزلت ، ولما تغلي احسبي دقيقه أو أقل يعني يادوب فورة او ثنتين وهاي الصورة :
بعدين بترفعيه ودغري حطيه بماء بارد ، أنا عندي المجلى حوضين مخصصه الثاني للشغل إلي هيك
ما بحط فيه أي نوع لحوم أو زفر بس للخضار بنظفه بكلور قبل ما ابلش احط فيه أي إشي :
بعدين لما يبرد مزبوط بعد شي دقيقه أو ثنتين حطيه بمصفاية لما يتصفى مزبوط :
بعدين دغري على كيس النايلون المخصص للتفريز بكون مكتوب عليه آمن للتفريز ويفضل طبعا إلي فيه سحاب بتحطي فيه الفول بعدين اكبسي سكري نص السحاب واقلبيه شوي عشان إذا بقى فيه ماء ينزل كله واكبسي على الكيس مزبووووووووووووووووووووووووط عشان الهواء كله يطلع لأنه بتفاعل مع الفول وبسبب تأكسده وسواده وبعدين كملي تسكير السحاب وعلى الفريزر وهاي أحلى كيس فول لعيونكم :
شوفو ماشاء الله تبارك الرحمن كيف لونه أخضر ولا اسمر معي ، كنت أعاني بالطريقة القديمة إني لما كنت أقلي الفول مع بصله عشان التفريز لازم يسمر حوافه ويصير أسود بس هون شوفو كيف من قريب أخضرررررررررررررر:
وهيك صار عندك أحسن كيس فول أخضر ممكن تفرزنيه ، نضيف وشغل بيت.
ورح أنزل طريقة طبخه قريبا جدا وهي عدة طرق ( مقلوبة فول مع لحمه يمييييي ، فول أخضر مع لبن ، فول أخضر على إيدامه يعني على مرق اللحمة بالطريقة الخليلية ) وانتظروني
ما بدي منكم إلا دعوة صااااااااااادقة بظهر الغيب
وتحياتي لأجمل وأروع حوائيات
[/justify]
رد مع اقتباس
مواقع النشر