[align=center][frame="9 80"]السلام عليكم ورحمة الله وبركاته
كلمات قراتها في احد المنتديات واعجبتني فحبيت انقله لكم
الدنيا ما تسوى شيء
احيانا تمر على الشخص فترات ... تصغر الدنيا في عينه
..
وما تسوى شيء عنده ..
و تسيطر فكرة معينة على تفكيره وتكون هالفكرة أهم شيء عنده
في ذاك الوقت
وأي امر غير هالفكرة غير مهم او ما يستاهل اننا نحزن او نقلق من عدم تحققه ...
مرت علي مثل هالفترات...
اذكر منها فترة من فترات حياتي ... كنت فيها تعبانة ..
لدرجة اني ما اقدر استمتع بأي شيء في هالدنيا ولو كان في نظر الغير شيء غير مرغوب فيه ..
كنت مرة في طريقي للمستشفى في عز الحر .. سمعت التذمر من الحر وانه ما يطاق .. وقتها ما قدرت امنع الدموع تنزل من عيني .. وين هالحر اللي تتكلمون عنه !!
ابي احس به .. حتى لو ما اعجبكم اكيد بحس بلذته وبيعجبني ..
بس ابي احس به ..
وقتها كان ألمي يطغى على احساسي بالجو والضروف المحيطة .. همي هالالم .. اي شي غيره نعمة ... سبحان الله كم هو ضعيف هذا الانسان ..
صدق.. الدنيا ما تسوى شيء بدون صحة ..
وأذكر يوم سقوط بغداد في يد الامريكان ... كان يوم حزين
استسلمت فيه للبكاء شعرت وقتها ان هذي الدنيا دنيئة ..
ما تستاهل اني اتعلق بشيء فيها ..
شعرت باني أعاف الدنيا كلها .. تمنيت اني مت قبل لا اعيش ذيك اللحظة اللي اشوف فيها الصليبيين يدخلون بغداد قلب العـراق..
اذكر كيف كانت صديقتي تشكي لي همها في امر من امور الحياة ... تعجبت منها !!
قلت لها : يعني لو صار لنا مثل ما صار لبغداد .. بتهتمين لهالدنيا وامورها .. احمدي الله اننا مازلنا نعيش في امن والله لا يغير علينا ..
الامن اهم شيء وما اقدر افكر في شيء غيره في ذيك الفترة ..
فعلا ..الدنيا ما تسوى بدون أمن ...
وحصل نفس الشيء في فترة صدمت فيها بوفاة قريبتين لي في اول وثاني يومي عيد من الأعياد .. كانتا في مقتبل الشباب كما يقولون ...
وقتها .. شعرت بهوان هذه الدنيا في نفسي .. وانها لا تسوى جناح بعوضة ..انها لا تستحق الاهتمام ...
تمنيت لو أعتزل هذه الدنيا بأسرها ..
ان لا اسمع لأحد ولا أتكلم مع أحد ...
فقط أستغفر واستغفر .. وأعكف على مصحفي وسجادتي .. وان اظل ساجدة لله ما بقيت حية ... الى ان يحسن الله خاتمتنا ...
والدنيا بلا ايمان وأمل ما تسوى شيء ... [/frame] [/align]
[fot1] م ن ق و ل [/fot1]
مواقع النشر