انا كنت رافضة من اول الخطوبة موضزع السفر بعد الجواز وعملت مشكلة كبيرة قبل الجواز بسبب الموضوع ده

وكانت النتيجة فى الاخر انه بدل ما كان ناوى يسافر 6 او 8 سنين بقوا سنه واحدة

كان ناوى يعمل مشروع وبيت ويأمن مستقب الاولاد براحته

لكن مع اصرارى دلوقتى لما بقوله اجيلك ونقعد كام سنه بيقولى لا انا نفسي ارجع هى سنه اعمل مشروع وانشاء الله بالصبر كله حيجى


كمان كنت دايما اتكلم معاه فى نقطة الاولاد دى
لانى اتربيت بعيد عن بابا بسبب السفر وحصلى مشاكل كتير هو عارفها

فانا قلتله مش عاوزة اولادى يطلعوا عندهم نقص فى اى حاجة
ولا البنت تدور على حنان بابا بره البيت
ولا الولد يتعرف على شباب يبوظوه وطبعا مش هقدر اسد فى كل حاجة


ومش عاوزاهم يكبروا على ان بابا ده بتاع الفلوس وملوش دعوه بحاجة

اتكلمت فى المواضيع دى لحد ما اقتنع الحمد لله


من الحاجات المهم اثناء سفر زوجك واللي دايما تزيد بينكم الحب هى

الـــــــــــــــــــــــدعـــــــــــــــــــــــ ـــاء

صدقونى له اثر كبير

دايما ادعي له وهو بيكلمك

ربنا ييسرر لك حالك
ربنا يقويك
ربنا يهون علينا اللي فاضل
ربنا يفتحلك باب رزق كبير




ربنا ما يحرمنى من ومن حبك وحنانك ( حتى لو مش حاسه بالحنان ده )
ربنا يجمعنا على خير

ربنا يديلك الصحة

دعوات امهاتنا الجميلة اللي كنا بنسمعها واحنا صغيرين

بدل شكرا وميرسي والحاجات دى


ده غير الدلع عشان محدش يفهمنى غلطك

يعنى تدلعى وتضحكى وتهزرى وتقولى نكته وتحكيله موقف مضحك وتشتكى وتدعى كل حاجة مش تمسكى على نقطة واحدة وتسيبي الباقى




ولما تكلميه حاول تسأليه عن حاله وتحكيله عن حالك من غيره حسسيه اد ايه انتى تعبانة
كلنا تعبانين زيك مش انتى لوحد
انما حكايه انك مش بتلاقى حاجة تقوليها دى ليه

رجعوا ذكريات زمان
فكروا سوا حتعوضوا الايام دى ازاى بعد ما يرجع

حسسيه انك من غيره مش عايشة واوصفيله احساسك

حتلاقيه هو كمان بيتكلم معاكى فى نفس الكلام

ومتزعليش من جوزك انه عصبى او مش بيتكلم صدقونى والله انا كان بيصضايقنى كده فى الخطوبة

ولما رجع واتجوزنا وحكالى عن اللي كان بيشوفه هناك صعب عليا اوى واعتذرتله عن كل يوم ظلمته فيه واتهمته انه هاملنى
بيعيشوا ايام صعبه اوى وبيتعبوا وبيقوا محتاجين اى كلمه حنينه
وان مراته اللي تعبان علشانها دى تكون مقدره تعبه ده

طولت عليكو معلش
خلاص نكمل المره الجايه