تبين زوجك يموت ويحبك لحد الجنون ادخلي ولا تتردي
صفحة 1 من 24 123411 ... الأخيرةالأخيرة
النتائج 1 إلى 4 من 93

الموضوع: تبين زوجك يموت ويحبك لحد الجنون ادخلي ولا تتردي

  1. #1
    نجمة بيت حواء الصورة الرمزية زوجة الهاجري
    تاريخ التسجيل
    Feb 2011
    المشاركات
    836
    معدل تقييم المستوى
    9

    fgj تبين زوجك يموت ويحبك لحد الجنون ادخلي ولا تتردي

    تبين زووووووووووووووووووووووجك يموت فيك ويحبك لحد الجنون ادخلي ولا تترددي





    أكيد كل المتزوجات ذالحين (متقوزات) هنا؟؟

    طبيعي.. كلنا نبي أزوجنا يموتون فينا .. وأنا أول وحده أتمنى هالشئ ؟؟

    قرأت هذا العنوان بأحدى المواقع النسائيه.. ولمن دخلت لقيت المسألة خلطه يدهن بها الجسم.. تبيض مدري تعطر؟؟

    فحمدت الله على العافيه...وأسيت حقيقه لعقولنا التافهه.. وكأن الحب والعشق مايركب إلا على الجلد الأبيض والناعم ..؟؟؟


    خلوني بنات قبل كل شئ أقول لكم هالتناقض...؟
    وربي أعرف رجال.. زوجته أقل من العاديه.. وسمراء.. وشعرها (عراده).. ومافيها أي مسحة جمال.. حتى أخلاقها ودينها عاديه مره.. وربي سبحانه عطاها على قد نيتها زوج.. زوج.. والله لو تطلب القمر مايقصر يحطه قدام عيونها؟؟
    والعجيب ان زوجها عكسها تماماً.. والكل يشهد بأخلاقه وجماله الباهر (سبحان الله)..
    ووحده.. شقول عن هالوحده.. جمال.. وماشاء الله جسم وصفاء.. الصراحه.. استحي أجلس بجنبها ماشاء الله.. والله إذا شفت يدي جنب يدها تقل يدي يد شغاله (سيلانيه) .. وكمان أخلاق ودين.. ياعمري.. ربي مرزقها زوج.. موريها نجوم الظهر..؟
    طيب الحين ياعمري.. وش استفادت من هالبياض وهالجمال؟؟؟
    وش نفعتها هالخلطات وهاللدنيا...؟؟

    (معليش بنات أبي ابرد حرتي فيكم.. وفي اي وحده تقيس الحب على الجمال فقط)؟؟

    صدقوني.. الزواج توفيق من رب العالمين.. مشكلتنا لمن نشوف وحده تهبل.. على طول تلاقوننا نقول (يا سعد اللي بياخذها)....!! ياعمري عليها صكيناها بعين من ذالحين وهي توها ماتهنت الله يخلف عليها؟؟
    عشان كذا الله العالم أغلب الحلوات حضهن ردي من عيون ذالناس؟؟؟


    خلوني أعلمك في سر خطيييييييييير يخلي الزوج يموت في زوجته.. إلا ينهبل بأمر الله..؟
    وكل وحده منكم تعاني من توتر العلاقه بينها وبين زوجها (تسوي هالطريقه) وترى تنفع ايضاً مع اي شخص (لغير المتزوجات )؟؟

    هذي وحده من الداعيات تروي هالقصة تقول:
    أتصلت فيني حرمه عمرها تقريباً في بداية الأربعين منهاره تماماً .. تبكي..وتشتكي.. تقول زوجي له سنتين متغير علي.. مايواطني في عيشة ربي.. يدخل البيت وينافخ
    ويطلع معصب.. مانشوفه إلا وهو ينافخ ويصارخ تعبت معاه.. ماخليت طريقه إلا سويتها.. ولا حل إلا وقمت فيه.. تزينت.. غيرت شكلي.. وطريقة أسلوبي
    عطيته هدايا.. صرت مثل الأمة عنده.. مانفع.. احس اني باختنق شسوي تكفين مع هالزوج ساعديني أطلب الطلاق؟؟.. زوجي مسحور ولا منظول.. ولا بوه جنيه.. ما ادري شفيه
    وهي ياعمري تصيح ماعاد تعرف وش تسوي...!

    تقول الداعيه الله يجزاها خير:
    بعد ما خلصت.. قلت لها.. انتِ متأكده أن كل شئ سويتيه...؟؟؟
    قالت أيه وربي ماخليت شئ إلا سويته؟؟

    قالت كل شئ؟؟
    قالت إييييييييييييه؟؟


    قالت زين... انا ماراح اوصفلك طريقه للتجميل ولا اي شئ..
    أنا راح اطلب منك شئ واحد تسوينه وماراح تخسرين.. واعتبريه نهاية كل الحلول وبعدها سوي اللي تبين؟؟
    بس اوعديني انك راح تطبقينه؟؟

    قالت أوعدك.. حتى لو كلفني الملاااايين؟؟


    قالت: قالت لا لاتتعبين روحك .. فقط عليك بالدعاء.. في ثلث الليل الأخير؟؟؟
    أن ربي يسخره لك.. ويرده لك.. ويسعدك به ويسعده بك ...و...و..الخ...
    كل شئ ادعي به.. أي شئ تبينه اطلبيه من المولى سبحانه وتعالى..
    صدقيني.. قسم.. مايخيب رجاك...

    واستمري.. والحي.. اطلبيه وانتي تبكين زي البزر اللي يتوسل لأمه عشان تعطيه
    شئ في النهايه تضعف وتعطيه.. انتي صيري زي هالبزر.. وابكي .. وحاولي ليمن يعطيك ربي اللي تبين ولا تيأسي...!
    واهم شئ.. ادعي وأنتي موقنه ومتأكده أن الله راح يجيب دعوتك.. لانه سبحانه يقول (أنا عند حسن ظن عبدي بي))!!

    واصلي شهر كامل أو اكثر أن بغيتي.. والله يفرج كربتك يارب..؟

    تقول شكرتني ودعت لي وقالت بأذن الله راح اسوي اللي طلبتيه؟؟


    يا أخوات .. تقول وبعد 6 شهور بالضبط...؟؟
    أتصلت علي أختكم في الله.. بتطير من الفرح وتدعي لي..

    تتوقعون بنات وش قالت؟؟؟

    تقول.. سويت اللي قلتيلي عليه وأستمريت عليه.. وياحلم ربي وياكثر فضله.. تقول قسم بالله أن زوجي الحين تغير..
    صار يحبني زي أول وأكثر.. صار يموت فيني ولا يحب يتعداني أبد أبد..
    والله ان يقول.. انا مجنون يوم كنت اخلي هالملاك بالبيت.. انا مجنون يوم كنت ارفع صوتي على هالجمال وهالرقه..
    تقول والله انه يدق علي من شغله باليوم مرتين ولا ثلاث مرات عشان يقول لي (اشتقت لك)؟؟
    صرت وياه بعد هالعمر كننا معاريس..؟؟
    اموت فيه ويموت فيني..الله يجزاك خير .. وقامت تدعي لي ..
    فقلت لها.. لا تنسين.. ترى اللي غير زوجك يشفي طفلك ويسد حاجتك.. متى مابغيتيه تلاقينه في الثلث الأخير...أة





    شوفو بنات ياحلم ربي ويا عظم قدرته على كل شئ؟؟؟

    وأنا الله لا يوريكم مانصدق يصير بيننا وبين رجاجيلنا شئ إلا ومقببين الدنيا ومشعلينه حرب داحس والغبراء وجالسين نبكي عن أهلينا (مانبيه طلقونا منه)؟؟خخخخ
    وإذا عاد كنتم بدو(مثلي الله يستر علي) تعالو شوفو هدتنا بس تاصل لأخر الحاره وااااخزياه..وعيالكم مراجم بالحصي في كل زاويه (ههه امزح لا تصدقون عاد )

    وإنختبط وننجن إذا جانا جرح في ركبنا ولا فخوذنا ونخاف ازواجنا يعافونا بعده؟؟
    متى نكبر عقولنا ونفهم إنا مخلوقين لأمر اهم من كذا وأعظم (وماخلقت الجن والأنس إلا ليعبدون)
    ماقال لينبسطون ويتزينون وتتفن في زينتها أنا ازين ولا فلانه؟؟

    ياليتنا نكبر عقولنا.. ونكون قريبين من ربنا سبحانه في كل شئ...!

    أتمنى رسالتي (الغير منمقه) وصلت لكم...

    وأقول في نهاية رسالتي..

    أختي ياللي متخانقه ويا زوجك.. عليك بالثلث الأخير..
    أختي ياللي متخانقه ويا ام زوجك.. أو اهلك.. او رفيقتك... عليك بالثلث الأخير..
    أختي ياللي ولدك تعبان ولا امك ولا جدتك... عليك بالثلث الأخير..
    واختي ياللي خربان جهازها ومقطن مثلي.. علينا وياك بالثلث الأخير..

    وتكفون يابنات لا تنسون في الثلث الخير وانتي رافعه يدك لربك انك تدعين لي
    ان ربي يثبتني ويخليلي زوجي ويرزقني بالذرية الصالحة


    وجزاكم ربي خير ياللي دخلتو موضوعي ثم طبقتوه ودعيتولي...

    ملطوووووووووووووووووووووووووووووووووووووووش
    لانووووووووووووو بصرراآأحه جدا مفيييييد
    دعوووووووووووووووووووووواتكم لي ياحبااااايب

  2. #2

  3. #3
    عضوة جديدة
    تاريخ التسجيل
    Nov 2008
    المشاركات
    44
    معدل تقييم المستوى
    12
    الله يجزاك خير على النصيحه
    والمشكله أن أبليس ما مات كل ماشتقنا لازواجنا مايتم اليوم الا حنا مناقر مع بعض
    تقولين ديك في حلبة مصارعه

  4. #4

صفحة 1 من 24 123411 ... الأخيرةالأخيرة

المواضيع المتشابهه

  1. تبين زوجك مايقدريفـــــــــارقك دقيقه بس ادخلي وادعــــــــيلي
    بواسطة حبي عبود في المنتدى الحياة الزوجية
    مشاركات: 30
    آخر مشاركة: 16-08-2011, 03:13 PM
  2. تبين تاخذين قلب زوجك بروايحك..ادخلي وقوللك
    بواسطة عطر الدواسر في المنتدى السوق, ( متاجر متنوعه) ويمكنك تأجير ركن خاص بك
    مشاركات: 7
    آخر مشاركة: 27-07-2010, 05:07 AM
  3. تبين تســـــــــــحرين زوجك ادخلي وشوفي لايفوتك..............
    بواسطة بقعة ضوء في المنتدى الحياة الزوجية
    مشاركات: 38
    آخر مشاركة: 14-11-2009, 03:22 AM
  4. تبين تعرفين اسمك زوجك المستقبلي..ادخلي؟؟
    بواسطة عهود(2007) في المنتدى ركن المواضيع المكررة
    مشاركات: 3
    آخر مشاركة: 09-02-2008, 06:43 PM
  5. تبين تعرفين اسمك زوجك المستقبلي..ادخلي؟؟
    بواسطة عهود(2007) في المنتدى اسرار البنات
    مشاركات: 3
    آخر مشاركة: 09-02-2008, 06:43 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |