تعالو ا حلولي هادي المشكلة ...
النتائج 1 إلى 4 من 4

الموضوع: تعالو ا حلولي هادي المشكلة ...

  1. #1
    كوكب الشبكة الصورة الرمزية آرمن
    تاريخ التسجيل
    Jan 2011
    المشاركات
    1,032
    معدل تقييم المستوى
    21

    fgh تعالو ا حلولي هادي المشكلة ...

    كيفكم حبايبي ؟


    ان شاء الله تكونوا بخير وعافيه


    الصراحة انا آخذه مضاد حيوي 650 وحاسة حروف الكيبورد مركبة بعييييد ~~~ ايش تبا هادي

    بس قلت راح اكتب يعني راح اكتب ~~~ بشويش لا تدفي

    المشكلة يا اخوات ماهي مشكلة ..يعني هيه مشكلة بس مو مشكله خخخخخخخخ

    شكل المضاد الحيوي بدأ مفعوله خخخخخخخخ

    لا لا من جد


    حبيت استشيركم واشوف رأيكم في موضوع شاغلنا انا وأخواتي من فترة ..
    الموضوع يا طويلات العمر اننا سبعه اخوان واخوات الله يحفظنا .. وآخر العنقود بنت صغنونه
    بس عنييييييدة وراسها يابس ...

    بإختصار هادي البنت لها حظوة عند الوالد والوالده لأنها آخر العنقود .. لكن إلي صار إنهم ما حسبوا
    حساب الإفراط في الدلع ونتايجه ...

    اختي هاذي في الصف السادس يعني لساتها مفعوصة .. لكن الله يهديها ما تسمع الكلام
    وعنيده جدا جدا وإلي في راسها تمشية ..

    اضربلكم مثال

    الوالده الله يخليها اتقاعدت هاذي السنة وأختي من يوم اتقاعدت الوالده ما تبا تروح نفس مدرستها
    قام نقلها الوالد لمدرسة تانية ونفس الحال ما حبت المدرسة قام رجعناها لمدرستها الأولى
    وبعدها صارت كل يوم تمسيهم وتصبحهم ببكا وعناد ما تبا تروح المدرسة وصارت أمي متقاولة
    مع الشيوخ والعيادات النفسية تبا تشوف علة هاذي البنت إلي ما فيها علة ...

    من جهه ثانية أمي الله يخليها مهملة الوالد جدا جدا .. ما تخرج معاه حتى مشوار لوحدهم بدون
    ما تآخذ آخر العنقود معاها ..
    وانا بابتي الله يخليه انسان نااااادر في الوجود .. جدا مرهف ورمنسي وشيك ويحب شغلات الرومنسية حتى من بعد ما زوجنا وكبرنا وصار عنده أحفاد ..
    والله اتذكر زميلاتي ايام الثانوي كانو يموتو فيه وفي اناقته لمن يجي يآخذني ..
    واصلا هوه ما يطلع إلا ما يتشخص ويرز الغترة والعقال والعطر ماركة جينفيشي أو ازارو ..

    وأمي في عالم ثااااااااااااااااااااااااااني ....

    والله حتى لحاف السرير حقهم آخذه أحمراني وكل عيد يغيرة ويسوي حركات في غرفة النوم
    وأمي مع بنتها الصغيرة.... أحسها بس لطلبات هاذي البنت ...

    إلي ابغاه منكم ...

    أنا انحرج اتكلم كدا مع ماما فبإيش تنصحوني لأني احبهم واتمنالهم حياة أفضل ؟


    أختي .. أختي ...أختي .. ايش اسوي معاها خاصة إني راح ارجع لبيت اهلي في
    الصيف وابغى حل جذري معاها لأنه كل اخواني مستنين رجعتي بفارغ الصبر ؟


    أمي جدا تقدس اختي الصغيرة وما تقبل وحده مننا تقول فيا تلت التلاته كم فكيف
    ابينلها إنو هذا الأسلوب راح يزيد من عنادها وعنجهتها ؟~~~ حلوة عنجهتها خخخخخخخ


    والسلام ختام .. ومشكورات مقدما .. وايش كمان خلاص شكرا

  2. #2
    عضوة قمة الصورة الرمزية يوماً ما سنلتقي
    تاريخ التسجيل
    Dec 2009
    الدولة
    ياساكن الحجرات مالك غير قبرك مسكن..
    المشاركات
    222
    معدل تقييم المستوى
    12
    حلوه المضاد مخلي الكيبورد بعيد الظاهر انك مثل حالتي تدورين الفراش في كل مكان عشان كذا
    لي عودة ياقلبي وبإذن الله نلاقي حل مع اخواتي في المنتدى النوم وانا اختك مايخلي المخ يشتغل فلازم نريحه عشان تطلع الحلول والأفكار .
    لك ودي وتقديري.

  3. #3
    مشرفه ركن الصوتيات و ركن الحياة الزوجية الصورة الرمزية حبيبة ابوها
    تاريخ التسجيل
    Dec 2006
    الدولة
    ♥ بيـْن ضلوعكـ َأبي وفي حناياكـْ ♥
    المشاركات
    8,949
    معدل تقييم المستوى
    25

    Awards Showcase

    انا اخويا الله يحفظو اخر العنقووود .. سار عريس الله يحميهـ تاني ثنوي ..

    لكن البيت كلللللللللللللللللللو يدلعو .. ويخاف عليهـ .. ويهتمـ في .. ويسويلو ايلي يبغاهـ ..

    بس ولا كل الرجال .. ربي يحفظو من كل عين ماتصلي ع النبي .. زوجي يقولي لما تخرجي مع

    اخوكي دا احس كأنك معايا خارجهـ ..

    و اختي الخلبوووصهـ مع انها اصغر مني بسنتين بس .. لكن عشانها اخر بنوتهـ نشوووفها

    صغيرهـ ( طفله ) وندلعها .. وماما ما تنقص عليها شي .. الله يحفظها ويسعدها ويرزقها زوج صالح يخاف

    الله فيها .. بس بعد جامعتها ان شالله ..

    ..

    اجي لاختكـ الخلبووووصهـ التااانيهـ .. يختي يحق لامكـ تدلعها .. والله اخويا احسو ولدي الصغير

    دا و انا اختو .. بالله مـبالكـ بمامتك ربي يحفظها ؟

    دايما اخر العنقود لي نصيب في الدلع .. غير كدا من جد هيهـ صغيرهـ .. ومافيها شي ازا امكـ

    دلعتها ..

    شوفي مامتكـ يمكن كانت مشغوولهـ بوظيفتها اول .. عشان كدا خرجاتها قليله مع بابتكـ ..

    لكن لما تفضى دحين يمكن يتغير الوضع ..

    غير كدا انتي لي استنتجي دا كلو ؟؟

    هل حسيتي بابتكـ متذمر ؟؟ والا دلع منك للبابا ؟؟ يعني انتي تبغي دا الشي يسير ؟؟

    جا اشتكى ؟؟

    شوفي يا عسل .. بما انكـ رايحهـ لاهلك ان شالله .. قولي لمامتكـ مين قدكـ ياماما خلاص

    الحمدلله ارتحتي .. وحتفضيلنا وتفضي لبابا اكتر .. و اديها خلطات و اشياء وحمسيها ..

    ويومـ لما تكوني في اقترحي عليها تاخد بابتك ويروحو مطعمـ سوا .. و انتو امسكو اختكمـ ..

    صراحهـ ما اعرف كيف تقوليلها .. يعني مدري حتتقبل منك او عيب انك تكلميها ..

    بس يعني مو كإنكـ تنصحيها او تفهميها ..

    حكي حكايه مثلا الفيها انو عاملين مسابقه كل وحده تسوي شي حلو لزوجها كل يومـ لازمـ

    وكل وحدهـ تيجي تقول اش عملت ... عشان نشجع بعض .. ونكسب ازواجنا < فكره كانت

    ف بالي اسويها هنا ..

    و اقعدي حكيها وحدهـ راحت غيرت غرفتها و اشترت لحاف جديد .. وحدهـ فاجئتو بعزومهـ

    بمناسبة ترقيتو .. ...الخ .. جيبيها من باب الدردشه انتي و اخواتكـ ومامتك تكون جالسهـ ..

    ..

    اعرف وحده .. عندها 3 بنات .. الامـ مدرسهـ وزوجها ماسك رتبهـ في الشرطهـ ..

    زوجها مشغول وهيهـ مشغولهـ .. اتقاعدت هيهـ .. و اصغر بناتها في الثنوي لكن

    كدا تعاملها كأنها بنت لسا صغيرهـ .. يا عزيزتي كل الامهات كدا .. بس انتي ماشالله

    تحبي بابتك مرهـ خخخخ الله يحفظو ويمدو بالصحه والعافيه وطووولت العمر ياااااااارب ..

    انا صراحهـ حبيبة بابا الله يرحمو و كنت كدا زيكـ .. لدرجة اني احيانا كنت اسبق ماما

    و اسويلو الشي من غير مايطلب والمفروض ماما تسويهـ زي مثلا ابخرو فـ صلاة الجمعهـ ..

    يمكن انتي حنونه .. وتفكري فـ بابتكـ .. لكن يمكن هوهـ دا الشي عادي بالنسبهـ لي ..

    لان في صله وروابط تانيهـ تربطو بمامتك مو شرط يكو ن الخروج اساسي و بعض الاشياء ..

    سبحان الله تلاقيهمـ ماشالله متفاهمين ومرتاحين سوا .. بس لا تفتحي عيون بابتكـ

    ..

    ربي يسعدكمـ ويجمع شملكمـ دايما ع خير ويخليكمـ لبعض ويكفيكمـ شر كل عين ماتصلي

    ع النبي ..

    ان شالله اكون افدتك لو نقطه بس بعد الثرثرهـ دي .. سوالف ما قبل النووومـ طااااافيهـ ..

  4. #4
    عضوة جديدة
    تاريخ التسجيل
    May 2010
    المشاركات
    48
    معدل تقييم المستوى
    10
    استغفر الله واتوب اليه
    هلا ارمن عادي حبيبتي كلمي امك بطريقه حلوة ووقت تكون هي رايقه فيه وانتو قبل ماتفاتحوها بالموضوع تكلمو عن حياتكم مع ازواجكم والاهتمام المتبادل ومثل كيذا
    اما اختك فلساتها صغيرة بتكبر وبيروح الدلع

المواضيع المتشابهه

  1. كنا على قلب واحد دخل بينا شنب وفرقنا تعالو حلو المشكلة
    بواسطة Miss.Reem في المنتدى اسرار البنات
    مشاركات: 41
    آخر مشاركة: 08-01-2015, 11:14 AM
  2. اخواتي حلولي مشكلتي
    بواسطة الرزاسي في المنتدى الحياة الزوجية
    مشاركات: 1
    آخر مشاركة: 27-06-2008, 01:51 AM
  3. فرق كبير بين التركيز في المشكلة والتركيز على حل المشكلة
    بواسطة لاب توبيه في المنتدى المجلس العام
    مشاركات: 9
    آخر مشاركة: 01-05-2007, 09:14 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |