اتحداكم ماتتضحكون بس ياويل الي تدخل ولا ترد .

[حبة بندولهـ]

اهلين ياحلواات ايش اخباركم اليوم جبت لكم مواقف المتزوجااات بألسنهن في بيت اهل ازواجهن

الله لا يحطكم بها المواقف بجد مضحكة ومحرجة بنفس الوقت

يالله اخليكم مع مواقف البنات


هذا سلمكن الله كنت معزومه عند اهل زوجي بملكة بنتهم ومن العصر وانا اعر شوشتي بالاستشوار والفلفه واحط ماسك بخشتي واطلع تيوري واطقمله اكسسوارت وخرابيط(الله يكفينا الشر)
المهم جا عقب المغرب واتصلت خالتي وقالتلي وينك يابنيتي تعالي تقهوي معنا؟ وبسرعه اكمل لبسي والط من المكياج كني من ذولاك ......دخل زوجي وقال اقري وردك شكلك روعه....المهم وررررررررررررر ركض لهم (بيتهم جنبي) وكنت لابسه كعب عالي اصبع كن احد معيرني يالقزمه...وادخل عليهم اول الكسحه انهم لابسين لبس عادي وانا كني العروس بصراحه فشله سلمت على حمواتي ودخلت على عمي وخالتي بغرفة الجلوس وعندهم بنات بنتهم مالهم شهر متزوجات وعند المدخل حاطين الدعاسه المكرونه ونشب اصبع الكعب على اول دخلتي واميل ذيك الميله المصريه (ايوه ياقميل ميل كمان وكمان) وميله يمين وميله شمال وكلهم بسم الله عليك بسم الله عليك....حتى عمي اللي مايشوف طارت اعيونه من استعراضي....وبسرعه جلست وطلعت الكعب وانا اقول عادي ياعمري ماصار شي مايدرون اني زغلت على روحي.....ومن الخبه سلمت على البنات وجلست نسيت اسلم على عمي وخالتي.....واقوم مره ثانيه وانا اقول ياخزياه ماسلمت عليكم واقوم::وإنا لله وإنا إليه واكملهم باقي الميله بس هالمره (ايوه ياقميل شويه اودام وشويه ورا) وامسك الجدار واتعدل وقلتلهم من الفشيله وماأدري كيف طلعت(فيني فقر دم ) وخالتي تمسكني وتجلسني وتقول لبناتها خلو الطباخه تسوي عصير كيوي وتجيبه مرة محمد داخت...وكلهم سلامات اسم الله عليك ونادو زوجي وهو يسألني يقول قريتي وردك؟!مايدري من العجله رحت اركض علشان القهوه حتى جوالي ناسيته بالبيت....ومن الفشيله اقول دوخه من فقر الدم(ياملا القطع ياهالحريم








مره من المرات وانا عروس
قاعده العصر في امان الله قدام التلفزيون ومستانسه مع اني لحالي
دق التلفون ورديت وهات يترحيب لان اذني التقطت صوت ابو رجلي
قررت اصير سنعه الله لا يعيد الشر
.
.
هلا والله
يالله حيه
وش اخبارك
وخالتي والبنات
وما خليت كلمه ترحيبيه ما قلتها ولا مجلس امهات
والرجال ببرود .. الحمدلله
بعدين قال انا ابو فلان....!i!
وين اخوي <<<اخو رجلي مب ابوه
انصقعت وانطرمت سبحاااااان الله نفس صوته
طاح التلفون من يدي من الفجعه ورحت اقوم ابونا

انا اللي اركب معه كل يوم للدوام مع مرته ولا يسمع صوتي
ما اسلم من الحيا حتى بعيد الفطر ما عايدته
كلن يقول لي عيب سلمي اذا ركبتي وصرتي مبطيه واقول لا استحي
آخرتها كذا
استحيت على وجهي و بعدها سلمت وعايدته عيد الاضحى
وكانت اول وآخر مره يسمع صوتي
لانه شكله من الروعه معد دق على البيت ابد
اذا بغى اخوه على الجوال<كان من زمان يالاخ
بس اللي ريحني انه كثير قبلي وبعدي صارت لهم مواقف معه علشان صوته زي ابوه
هانت علي شوي






ههههههههههههههههههههه
كل موقف اخس من الثااني احرااج

انا الله يسلمكم اعرف وحده حصلهااا ها الموقف
طبعا بقلكم موقفهاا بلسانها هي
تقوول ((انا اسكن في بيت اهل زوجي
وماكان احد في البيييت ومتاكده ان مافي احد كنت نازله من غرفتي للدور اللي اسفل لاني كنت ابغى المطبخ وانا لابسه تنوره قصيره وبلوزه قصيره تبيين السره ولابسه كعب
لما نزلت ووصلت اخر الدرج الا اسمع صووت خطوات واحد وصوته اخوو زوجي وتجيني هذيك الرجفه وخوووووووووف ولا عرفت فين اروح الا اشووف ذاك الباااب واركض واركض واني انخش وراااه وسمع اخو زوجي الركض لان البيت سراميك
واشووي اسمع خطوووات اخو زوجي ركض متجهه علي وينخش اخو زوجي معي فنفس الباااااااااااب هههههههههههه واصييييييييييح وانه يفرقز من الخرعه وادفـــــــــــه وهو مصدوووم وجرررري اطلع الدرج وشكله شااااااااف كل شي ))
خخخخخخ فشله





يازينكم ويازين مواقفكم

منذو مبطي الله لايعود الشر كنت توني راجعه مع امي من بيت ناس رحنا نوجبهم

المهم توني جايه اتمشى وانا بكامل اناقتي ولاني مخليه لون مو لاطخته بخشتي

وكاشخه ومتزينه بهالبدله الحمراا والكعب يعنني اغراء ..

وامر يم المجلس خابره زوجي قاعد فيه لحاله قبل لااروح ولمحته من بعيد

واطالعه من زين النظر عاد وااشر له واتميع واتبوسم واتدلع ومدري وش خبصت من حركات

على بالي هيفاء وهبي انا ووجهي واختمها بغمزه فولاذيه واصعد لغرفتي

وانتظر ابو الشباب يجي اكيد عقب هالدلع اللي مدري وش يبي راح يجي ركضضضضضضضضضض!

وانتظر !!

وانتظر !!

وانتظر ..عسى ماشر وش فيه طووووووووووول ؟؟

وامد البوز واغير ملابسي واقعد على الكمبيوتر ومدري بعد كم ساعه والا يجي فوق ويشوفني

ويقول هاااااااااااا ؟ متى جيتي ؟؟ وليه ماقلتيلي انك وصلتي؟؟؟

قلت هااااااااااا ؟ متى جيت ؟؟ وليه ماكنت بالمجلس انت ؟؟؟

قال الا ومعي ولد اختي!.........من قال ولد اختي وانا تقل احد صافقني كف

واساله ..وولد اختك ووين جالس ؟؟؟؟؟؟

جالس عند الباب ليييييييه تسالين ؟

والله واصيح هااااااااااااااااااااااااااااا ااااااااااااا؟ لا ولا شي

والله يابنات من يومها كل مايجينا اتحاشاه واتذكر الموقف ولو يسلم بحسن نيه اقول بقلبي ياربي وش

قل عني وقتها اكيد قال مرت خالي انهبلت !واكيد كل مايشوفني يتذكر خبالي

ااه لاتذكروني بالطيحات
انا مره كنا بالاستراحه انا واهل زوجي وعمانه المهم دخلو الرجال بيسلمون على خالتي ام زوجي عم زوجي وعيال عمه واخوان زوجي وطبعا زوجي معهم قام هالملقوف قال لي جيبي القهوه المجلس مليان بنات اخته صغار وخواته فيه ماقال لهم وانا بشرشفي متغطيه هو لو قال لي بصوت واطي كان قلت معصي بس قال بصوت عالي وطبعا فيه حريم اخوانه وامه وبنات عمه خبركم عاد الجزمه شبر لزوم التكشخ للحموله والشرشف يسحب على الارض كبيييير مره من شراشف الصلاه يوم دخلت عليهم بالصينيه توني داخله من باب اخيمه الا ينشب الكعب في الحديده الي عند الباب صرت كاني برج من ابراج 11 سمبتمبر اهز يمين وشمال ابي اثبت ماطيح وكلهم ا نتبهي انتبهي يعني الكل صارت انظاره علي اخر شي طرطططططططططططططططططططططططططططط طططططططططططخخخخخخخخخخخخخ على الارض الترامس كل ترمس بجهه والفناجيل انتثرت بينهم كل واحد في جهه والشرشف التف علي وانا متمدده تحت رجولهم كاني بسم الله علي جنازه وهم يقولون بسم الله عليك بسم الله عليك وانا اقول في نفسي جعلكم السم خخخخخخخخخخ بغيت احط نفسي مغمى علي من الفشيله ماعاد قمت من طيحتي ومن زود النصب شكل رجلي انكسرت تعورني من الروعه

يوم رفعت راسي كلهم حريما ورجالا واقفين فوق راسي الا زوجي العزيز حاط يده فوق راسه من الروعه


عاد أنا بقولكم موقف أول يوم زواجي...

طلعت من أهلي رحت على بيت الهناء ..

ويوم جلسنا أنا كل خوفي لا يقولي تعالي ننام رغم أني لي كم يوم ماشفت النوم

ويوم ..قالي على النوم ودي أموت لحظتها ولا أصير أنا وياه بسرير واحد

المهم وأنام بآآخر السرير بطرفه ..وهو بآخر السرير من الجهة الثانية ..

وكل ماتحرك فزيت ونطيت من السرير على الأرض وهو يقول يابنت الحلال نامي والله فيني نوم

وأنا أرجف من الروعة لحد ماأقتلب فجأة وأثاريني هوب ناقزة من السرير وأصحك بالكمدينو اللي جنبي

على وجنتي إن صح التعبير وهي العظمة اللي تحت العين مباشرة ..

عاد ماصدقت ولقيت لي عذر وجع وهم وروعة وأقوم أصيييييييييييح وأعييييييييط والرجال عندي

يابنت الحلال وش بلاك ..وأنا اللي تنفخ خدي تقولين مكفوخة على وجهي ..

المشكلة الوجع أحسه ضعفين لا والبلا أنو أهله بكرا عازمين أهله عازميني وأهلي وقرايبي بكرا في صالة ..

ولا أدري إيش أسوي بالخد المنفوخ تقولون خبز تنور..

ويوم راح يصلي الفجر أنا جوعانة ماقدرت أكل أمس وياه ..

قمت فتحت الفرن وأثاري صحن المشاوي وأقوم أصنط حبة شيش طااووق ..إلا على دخلته

الله لايسلط علينا وأنا اللي أغص وأكح كح ...

ودخل علي متلبسة ..وقام يكفخني من ظهر يأحس أنه من قلب من القهر مو رحمة ..ويقولي جعتي قايل لك كولي بس أنت الله يهديك تقولين ماأشتهي

أمحق من شبعانه ...

ويروح للصيدلية عقبها ويجيبلي مسكن حق خدي ومرهم يخفف الكدمة ..

,اكلم أختي من صبح الله أقولها شو أسوي بخدي أخاف أحد يظن شيء ثاني

قالت لي ماعليك تعالي بيت أهلي وبجيب وياي كوافير وبالمكياج راح تخفيه ..

والله أول مادخلت بيت أهلي ويقوموا أخواني الله يصلحهم يزغردون وإلا ويقولون

من أولها هوشششششششششه وطققققققققققققققققققق

عاد أنا تفشلت وقلت لهم على فلم هندي عشاني مستحية أقول شو ببالي ..

فقلت باب البيت كفخني وطاح علي المعلاق ..الله يستر لايصير واحد منهم يتابع المنتدى وأتورط ..

والله وتجي الكوافير يمين شمال مافي تحسن أني مسمرة والميك آب دبل ومافي فايدة ..
وحمرة الخدود الله وكيلكم تقولون أرجوز ..

والله أحس نفسي ذاك اليوم متنكدة ..وكل من شافني قال وش فيك ..


ومرت أخوه بعدين يوم تعرفت عليها تقولي تصدقين يوم شفتك من بكرى قلت شفيها تغيرت

وعينها صغرت وصارت فلبينية ..هذي هي اللي أمس شفنها وإلا تبدلت ..وحالتي حالة الله لايعيد ذاك اليوم

وللحين الأفندي يذكرها ويذكرني فيها ويسميني الخبلة




مواقف محرجه ومضحكه بنفس الوقت
انا الله يسلمكم زوجي اخذ اجازه ورحنا قضيناها عند اهله ولنا الملحق نجلس فيه المهم ذاك اليوم قرروا نخرج نتمشى مع جماعتهم ونركب معهم سيارة ابوه الكبيره وكل شوي يدق علي يالله انزلي تأخرتي كلنا بالسياره فاستعجلت ونزلت طبعا معميه من العجله وركبت السياره ومالقيت لا امه ولا خواته باقي مانزلو وهو راكب قدام وانا دخلت وراء وقمت اخاصم انت دايم تستعجلني كذا وانزل قبل اهلك وارتز بالسياره وياكلني الحر وهم على اقل من مهلهم مادري ليش التصرفات هذي تخاف اذا تأخرت انا وهم بالسياره تتفشل والله ماعاد انزل لين اطالع مع الطاقه هم ركبو والا لا ويقوم ابن الحلال وينزل من السياره وانا اقول وين رايح شي يطفش والا اشوف زوجي نازل توه من عند شقة اهله والي كان بالسياره واخذ الخصام اخو زوجي فشيله شكلي كرهته بالزواج وانا انكتمت ماقلت لزوجي على اللي صار.




الله يونسكم كلكم قولوا آمييييييييييييييين!
انا ياطويلات العمر مواقفي في الشوفات المفاجئة لا تعد ولا تحصى!
أخو زوجي الكبير متزوج اختي الكبيرة>>>> أنا وهي سلايف يعني وزوجي وزوجها الصراحة مايشبهوا بعض هذاك الشبه بس للوهلة الأولى تحسي دمهم واحد سبحان الله (بالذات مع اللحية والنظارة والشماغ اللي يخلوا كل رجال السعودية نسخة واحدة>>>) المووووووهم إننا كنا في عيد من الأعياد مجتمعين كلللنا(اربع بنات متزوجات مع رجالهم) في بيت اهلي الكبير وكل واحدة فينا آخذة غرفة هي وزوجها وعيالها_ انا هذيك الأيام لي سنة بس متزوجة ولسه ماحملت (عروسة لعابة يعني) ولما اروح لأهلي انشغل واتلهي بالسواليييييف مع اخواتي (خبركم لنا مدة عن بعض وكل واحدة في بلد ويازين سوالف الأخوات) وانسى زوجي مسكين بالساعاااااات والبيت كبيييييير وهو مايعرف كيف يوصلي (عاد هذيك الأيام مافي جوالات) وانا زوجي مسكين بطبعه يستحي ومايقدر ياخذ راحته او يخرج من الغرفة يخاف يقابل احدى اخواتي وبصراحه حصل كذا موقف وزعللللل مني وقال لي يااااااويلك تروحي عند اخواتك وتختفي واناديك ماتردييييين- المهم انا راضيته ووعدته اني انتبه.
الحين جينا للموقف اللي يفشششششل، انا كنت في المطبخ حايسة مدري ويش عندي الا واسمع صوت رجل ينادي في الصاله بأعلى صووووت بس ماميزت ويش يقول والشغالات الملاقيف قالوا لي: مدام هذا زوج انت في الصالة يبغى انت (يالهوييييييييييييي) زوجي خرج في الصالة؟ ماعمره سواها!! اكيييييد جلس يناااااادي كثيييييير لمن زعللللل وخرج في الصالة يشوف نهايته مع هالحرمة واطلع جريييييييييييييييييي للصالة والاقيه هناك والشرر يتطاير من عينيه فقلت في عقلي : يابنت لطفي الجو شوية وامزحي معاه عساه يهدأ فصرت امشي قدامه المشية العسكرية(محلك سر) عشان اضحكه من جهه واوريه قد ايش انا متحمسة من جهه اخرى وقلتله:هلا>>>>>>>>>>>والرجال مايرد
وقلتله:نعم>>>>>>>>>>>>والرجال مايرد
قلتله:ايش فيك يا (فلان) باسم الدلع حقه>>>>>>>>>>والرجال مايرد
وناظرته بعيني وهو داير وجهه عالجهه الثانيه واكتشفف انه>>>>>>>>اخووووووووووه الكبييييير زوج اختي الكبيرة اللي حكيتكم عنه وليس زوجي قسمبالله يابنات انه موقف مو سهل انا من الصدمة تنننحت في مكاني مدة بعدين رحت جريييييييييي الى غرفة وقفلت الباب وجلست ابكيييييي بكاء مو طبيعي
ها؟ ايش رايكم في الموقف؟يحزن صح؟ والأدهى انه بعدين حكى اختي وقالت لي (فلان )حزنان عليكي عشان كنتي بتتهبلييييييييييي



هذا الله يسلمكم زوجي كان مدرس ثانوي يعني كثير من طلابه صاروا موظفين الان
مرة كنت رايحة لمارينا مول و دخلت نعومي وكان معي ابني و زوجي
واول ما دخلت احد الموظفين السعوديين جاء ركض لزوجي وسلم عليه طلع كان احد طلابه
انا لما شفت كذا رحت بسرعة بعيد وقلت باختار لي كم شغله و بروح احاسب على طول الا ان ينتهي
زوجي من الكلام مع الرجل و طبعا ما ابي الرجال يشوف انا وش بشتري
المهم واختار بسرعة و اروح اصف الطابور عشان احاسب وفجأة اسمع ولدي يقول للرجال ولابوه
بابا بابا عمي هذا مثل حق ماما كبيييييييييييييييييييييير
واناظر الا ولدي شايل ستيان احمر حجم كبيييييييييييييييييييييييير والله فشله
انا صدري مو كبير بس ما ادري ليش ولدي قال كذا
طبعا زوجي تفشششششل والرجال بعد صار لون وجهه احمر انا بعد ما حاسبت
جلست اناظر وين المخرج الثاني للمحل لان زوجي و الرجال عند المدخل الاول

واقوم ركض اطلع من المخرج الثاني من الفشلة وبعدين دقيت على زوجي جوال وطلع لي


زميلتي ساكنة عند أهل زوجها هي باالدور الثاني وهم تحت,, المهم مامر على زواجها إلا
ثلاث أشهر
تقول إن خالتها دقت عليها وقالت بيجونا حريم إلبسي وإنزلي
طبعا الأخت في الله لبست تنورة قصيرة لتحت الركبة وبلوزة كت
وتقووول لبسها فاصخ الحياء الله يهديها
المهم نزلت وكــــــــــانت صالتهم كبيرة مرررة فيها كنبات طبعا الكنبات مو متراكية على الجدار مقدمينها شووووي
الموقف إن زميلتي أول ما دخلت الصالة حطت الشرشف على الشماعة
و جلست بعيد عنه تتقهوى هي وخالتها
قامت خالتها للمطبخ إلا تسمع صوت واحد من العيال تدرون وش سووت بعد عمري هي
تخبلت ماتدري وين تروووح يوم تزوجت كان عمرها 17صغيرونة
راحت تخبت ورى الكنب بحيث ما أحد يشوفها تحسبه بيجلس ثواني ويطلع المهم جاء أخوه اللي بعده وهــــــــلـــــم جرة دخلوا كل العيال وياليت بس العيال
دخلوا أزواج بناتهم تقريبا الصالة صارت عجاج ماشاء الله من الرجاااال
ولا هم حاسين فيها
تقول أنا تسمرت مكاني وجتني الشهقة من الخوف((ما أدري وش تسمونها يا حبايبي))
لكن واحد مسطل من إخوان زوجها حس إن فيه أحد على قومته للمطبخ
يحسبها إخته الصغيرة قال يبي يخوفها راح من ورى ومسك فيها بنات البنت نطت
وقعدت تصارخ وتصيح
زوجها بغى يغمى عليه من الفشيلة خااااصة زوجته من جد إسم الله عليها جميلة
بس موقف زوجها مو شي تخيلوا إنحاش من الصالة ولا تكلم
ومن اللي جاب لها الشرشف زوج بنتهم لإن الكل مسمر وزوج إختهم يقول إستري نفسك
بس من لقافتها وش موديها ورى تقول ’’’’’’’’’’
رحت عند أهلي عقبها جلست إسبوع بس بنات من عقب الموقف هذا وهي تقرى عند شيخ ما أدري من الخووووووف صااار يجيها شي تحسه كذا يهز فيها هز إدعوا لها
أبو زوجها يقول لاعاد تنزلنا هالبزر مرررررة ثانية بنات قمة الإحرااااج

اجل انا موقفي توووووووووووووووووحفه
هذا الله يسلمكم كان زوجي عازم رجال على العشا وبنتي الكبيره عمرها 4 سنوات سوت بالمنديل كرتين كبار وحطتهم في بلوزتها مسويتهم كنهم صدر وراحت لابوها جنب الرجال تقول بابا طالعني صرت مثل ماما صرت كبيييييره خخخخخخ
والرجال حاولو يمسكون روحهم لكنهم انفجرو ضحك في النهايه

ومره نفس بنتي هاذي ماخذه الاندر وير حقي ونفس الحركه حطته بين فانيلتها الداخليه وبلوزتها وكنا معزومين بيت اهل زوجي على الغدا وانا كنت مستعجله ولا انتبهت
وتخيلو كانو اخوان زوجي وابوه كللللللللهم متجمعين وخالتي ماسكه بنتي حاطتها على رجولها تقول لها شنو حاطه بملابسك ولا تطلعه الا الكلوت مالي وانا وجهي الوووووووان مسكينه خالتي انحرجت وحطته تحتها وجلست عليه خخخخ وانا ماكني شفت شي
شرايكم بهالبنت بالله
وزوجي انواااااااااع الترقيع

حبايبي أول حااااااااااااجة لاتضحكون على الموقف ((إيه هين ماتضحكون))
اللي والله حتى عدوي ما أتمنى يطيح فيه ((الموقف الأول))
أول ماتزوجت كنت أستحي من أبو رجلي اللي هو بمثابة أبوي
داخله عليهم ذاك اليوم بكل ثقة وقالي زوجي روحي سلمي على أبوي
((يبي يوري أبوه زوجته السنعة))
قلت عنده أحد قااال: لاااااء
وأجيكم طايرة من العجلة وأبي أسلم عليه ولابسه الشرشف وداخلة عليه المجلس
إلا أحس صوت من وراي من الخوف ماااااااأدري كيف سلمت ولا تنبهت إلا باللي يخاصمني
ياللللههههههههههههههههول
تتوقعون وشلون سلمت على أبو زوجي بوسته على فممممممممممه
من الخوف إن احد العيال يدخل آثاري اللي وراي زوجي يبي يلحقني
الله يقطع بليسه بنات قمة الإحراااااااااااااااااااج
((الموقف الثاني))
ويابنات ماااااأدري ليه تصير لي مواقف معاه مررررررررررره داخل يبي يسلم على حريم عياله يوم جاء دوري إرتبكت ابي أسلم على راسه حطيت يدي على إذنه وبوست راسه
أأأأأأأأأأأأأأأأأأه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه
قمة الأحراج ياناس
وكل ماشفته يتبسم تلقونه يقول وش زوجنا ولدنا هاالخبلة
هههههههههههههههههههههههههههه






انا مره كنت جالسه مع زوجي اول الزواج وكنت اسولف وقريبه مره يعني جالسه فوقه !!
مادرينا الا واخته الكبيره اللي ساكنه معنا والا فاتحه الباب !!
شكلها كانت مستعجله او طقت الباب وما سمعناها

بس شافتنا وسكرت الباب انا خلاص ماعاد سويتها .............> تأدبت

وحتى غرفتي ماعاد اخليها مفتوحه بدون قفل الى اليوم على ان عندي اطفال بس صرت موسوسه وحتى زوجي اكثر مني وسواس خخخخخخخخخخخخخخ

بس كل ما تذكرت الموقف مت مية مره
وكل ما تذكرته وطالعت فيها (في اخته ) احسها تتذكره معاي !!





مواقفكم كلها تهوون عند موقفي

هالموقف زوجي للحين مادرى عنه
اول ماتزوجت قبل سنتين تقريبا كنت جالسه اتروش بالحمام -اكرمكم الله- وزوجي جالس بالصاله المهم واصوت له ابي يجيب لي الشامبو بس ماسمعني والف الفوطه واطلع اركض لحمام المجلس ابي اجيب لي الشامبوا و اول مافتحت الباب واشوف رجال كاشخ وجالس بالمجلس وهو طير عيونه يناظرني انا خفت بالبدايه احسبه جني وبعدين سكرت الباب ورحت اتروش ماكن شي صار ويوم طلعت قلت لزوجي بكل براءه عندك رجال قال ايه عسا ماطلعتي له قلت لاا وين اطلع اثاري وانا اتروش دق عليه الرجال وقلطه بالمجلس وراح للمطبخ يسوي قهوه عاد هالموقف بقلبي عقبه جلست شهر كل مااتذكره يعورني قلبي







سلمكم الله جبت لكم موقف يفشل ويضحك وتوه طااااااااازه بالاجازه
كنا نتمشى بالطايف حنا واختي وزوجهاوامهم معانا عشان تبي تاخذ عمره
المهم قال حماي اخوزوجي نبي ناخذعمره قلنا خيرمافكرت ورحنا لمكه واخذنا شقه وتعرفون نظام الشقق بمكه غرفتين يفتحن على بعض وصغيره مره
المهم ذاك اليوم نزلوا زوجي واخوزوجي وتعرفون مثل ماقلت لكم نظام الشقه صغيره مره وضيقه ولي ولدين واختي لها4 ماشالله
طق الباب وابروح افتح الباب الاوعيالي وعيال اختي سبقوني على الباب الملقف
وانا وراهم ماغير اهابدابعدوا ابفتحه الاوهم كلهم يرجعون ورى يتهاوشون يبي يفتحون الباب الاوطاحوا علي طرااااااااااااااااااااااااخ واناماغير اصيح ابتمسك بشي الاوالسرير قريب لي واتمسك فيه الاوالسرير وييييييييييييييييييط راح فيني تزحلق اثري فيه كفرات واناطراخ بالارض ورجولي فوق الاعلى بنت اختي تفتح الباب وكان بالواجهه ابوها اخوزوجي وشافني وهو يقدم زوجي شوف اهلك فيهم شي ويدخل زوجي ويسمي علي ويقومني وانامستحيه كان نفسي ينغمي علي خخخخخخخخخخخخ
المهم جلس زوج اختي وقال ع بالي تلعبين مع العيال تسكرين برجولك عشان مايطلعون واناشفت شي اسود ماادري شنو وانااقعد احلف والله انه سروالي طويل اسود لحد ركبي عشان مامشق اذااعتمرت <<<<<والاخت تقولها بكل ثقه سروالي
هههههههههههههههههههههههههههههه ههههههههههه





اليكم الموقف..

مرة اختي هذي كانت نايمة عندنا وانا ادخل غرفتي والاقي ولدي الصغير نايم على سريري نومه مضحكة شوي والله نسيتها من الروعة الي جت بعدها .. المهم كان منظر ولدي تحفة فرحت انادي اختي قلتلها تعالي شوفي والله يابتشوفين منظر واجيبها واخليها متقدمتني وانا وراها عشان استمتع برد الفعل حقها وهي تجي تبي تدخل الغرفة وعلى الباب بتشوف هالمنظر فقعدت اطالعها باستمتاع بشوف ردة فعلها الا البنت يوم صفرت وانقلب وجهها احمر وعيونها تناقزت قلت وش فيها منظر ولدي ما يسوي كذا انا توقعت ردة فعل بس مو هذي ابد .. ويوم شفت اختي تبلمت وانا اجي اتأكد بنفسي وش شافت الا المسكين زوجي واقف متصنم من هالي دخلت عليه لا احم ولا دستور وعيونه مثلها طايرة اثره كان توه طالع من الحمام اكرمكم الله ومتروش ويدوب لبس الفنيلة بس وما كمل واختي اول ماجت ما وقعت عينها الا عليه .. واختي ترجع ورا منفجعة ومنفشلة وهي تقول والله انك صادقة يا هو منظر ... هههههههههههههه

وزوجي يصيح فيني انتي صاحية مدخلة اختك علي قلتله انا كنت ابيها تشوف ولدي مدري متى طلعت انت .. والله فشلة

عاد رجعت لاختي وهي تضحك ميته تقول والله انك صادقة ياهومنظر ما ينسى حتى ولدي ولا انتبهت له ولا شي .. لا وانا الي جايبتها ومدخلتها عليه الله لا يبلانا ..

هاه وش رايكم بهالمنظر قصدي السالفة







الله يوسع صدوركم بالعافية0ومثلكم صرت اضحك على التوت الا وليدي جاي يركض: وش تقرين0من سنيييييييييين كنت ابروح مع اهله عزيمة اول زواجي نازلة الدرج اركض لم زوجي اقول تكفا سكرلي سحاب الفستان 0الاصار الواقف اخوه اللي اصغر منه0فشييييييييييلة0على طول هرووووب للصالة 0بس رحمة من الله لسه ماشلت الجلال اللي مغطيني





هذا موقف صررررراحة يرفع الضغط ومحررج بنفس الوقت
فه واحد متزوج ثنتين وهم كلهم توهم زوجته الأولى عندها ولد والثانية نفاس بولدها الأول عند اهلها المهم هم بيتهم كبير وبقرية والبيت فيه مسجد لابوه واخوانه وهو الإمام حقهم المهم صلى بهم المغرب وطلع الجميع من المسجد وبقى هو بلحاله المهم خمه الشوووووووووق لزوجته الثانية ويتصل عليها بالجوال
هلا ام فلان كيف الحال
وهات ياكلام وسلاااااااااام
تصوروا وش طلع







؟؟؟؟؟؟؟؟؟؟؟؟؟؟؟؟؟؟؟؟




المايك مفتووووووووووح
وكل اللي بالبيت سمعوا الكلام بمافيهم زوجته الأولى
وامه تصارخ على البزارين روحوا علمووووووه

تصوروا لو أنكم مكان الأولى؟؟؟؟؟؟؟؟








هذا الله يسلمكم يوم زواجي من بكره طلعنا من الفندق رحنا نتعشى عند اهله عشان رحلتنا بالليل بنسافر المهم دخلت عليهم وطاارو فيني وانا عاد راسي انتفخ الظاهر اني حاسه بعقده نقص
قال زوجي تعالي اوريك جناحنا على اساس اني ابسكن عندهم المهم طلعت فوق ونزل زوجي وانا قعدت اتضبط شوي وجيت انزل ومستحيه بيتهم مليان ومادري وين ارووح معه وقاعده ساعه عند باب المجلس كل ماجيت ادخل استحيت لين طلعت امه في وجهي شافتني ارتاعت قالت بسم الله الله يفشل العدوو المهم دخلت وجلست كل بزارينهم متجمعين تحتي كاني تمثال ابو الهول يتفرجون على العرووس وانا مغير ابرد شاهي واشرب بزارينهم مادري من الروعه وكل واحد يقول انا ماشربتيني حسيت اني سيرلنكيه مع عيال معزبتها
تعشينا وجا زوجي قال يله بنمشي وجا معه اخوانه بيودعونه وبيسلمون علي واتغطى بالشرشف مادريت الا علبه المناديل الخشب الي صاقعه وجهي والله اني حاسه بدوخه من قوه الضربه واصرخ ذيك الصرخه الا ولد اخت زوجي شيطااااااااااااااااني امه مستاذيه منه صقعني فيها تطامرو خواله الي يخبطه مع راسه ورجلي يقول له نعنبوك بتنحش الحرمه من اول يوم وانا من الروعه اقول لاعااااااااااااادي ماعورني اصلا ماطقتني العلبه
كل هالصرخه واقول ماطقتني وعيوني تصب دمووع واقول في نفسي الشرهه على الي يتزوج ولدهم
قال له زوجي بوسها وقلها اسف يله بسرعه ودخل راسه تحت الشرشف معي بيبوسني وانا الي احمر عيووووووووووني عليه واكشر في وجهه قام الله يفشله قال يمه عيونها تخوف كبار وحمر بصووت عالي بغى يغمى علي من الروعه





والله انا لي موقف ماينسى ابدددددددددددددا


هذا الله يسلمكم لما تزوجنا ورجعنا لبيتنا في الرياض واهله سافرو ديرتهم اصر زوجي اننا نروح نزور اهله ويعملون سابع زواجنا هناك ومن ثم نسافر شهر العسل

سافرنا لاهل زوجي بيوم اربعاء

وكان بيتهم مليان ظيوف بناته وازواجهم وثاني يوم بعد السابع سافرو بناتهم ويوم الجمعه يصحون العيال يروحون يصلون الجمعه مع عمي ابو زوجي

المهم زوجي ينام مع اخوانه وانا مع اخواته وشوي الا يجيني عمي يقول ام المجد روحي صحي رجلك للصلاة نومه ثقيل ماصحى

وانا ماصدقت لي يومين من جيت ماشفت زوجي كل واحد فينا بجناح واقول لعمي فيه احد غير زوجي يقول لا كل العيال راحو للمسجد الا رجلك صحيته قام ورد نام

المهم واختكم في الله ترش من هاك العطر الحلو وتفل الشعر وادخل غرفة العيال

حوسه وخبصه المهم زوجي قد قال لي انه سريره دايم اللي تحت التكيف واروح لم السرير اللي تحت التكيف وبصوتي الحلو اصحيه

عبودي عبودي حبيبي قوم قوم ورني وجهك والله اشتقتلك وبعدين ليش ماتصحى يوم يقومك ابوك للصلاة

الرجال متسمر تحت البطانيه ماتحرك ولا رفع راسه ولاشفت وجهه

وانا اكمل ترتيب الغرفه واقوله قوم ياعبودي والله انا زعلانه منك لنا يومين من جينا ماناديتني ولا بوستني مثل ماوعدتني قبل مانجي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

مارد الرجال وانا اكمل ترتيب واسولف عبود تكفى قوم قبل مايجي احد ابي بوسه والله بجن لو مابستني واروح زعلانه منك ؟؟؟؟؟؟؟؟؟؟؟؟؟؟؟؟؟؟؟؟؟مارد ش ولا تحرك واجلس فوق زوجي فوق البطانيه واقوله طيب انا ابي اشيل الغطى غصبن عنك وبتصحى تصلي ومنت شايف وجهي الا اذا سافرنا عقاب لك

وافتح البطانيه ؟؟؟؟؟؟؟؟؟؟؟؟؟؟؟؟؟؟؟؟وووووووووو وووواااااااااه قمت الفشله قمت الفشله

والله ماطلع زوجي طلع اخوه من امه وابوه ههههههههههههههههههههههههه هههه

وانا كنكم صافقيني بنعال على وجهي اقوم من فوق الولد افا جلست على اخو زوجي ؟؟؟؟؟؟؟؟؟؟

والله ان درى زوجي ليذبحني

يوم فتحت الغطى عليه الا هو يقول انا ناصر ماني عبود وارمي الغطى عليه وركض للمطبخ عند اخواته ابكي ههههههههههههههه

ياعيبتاه كل الكلام والغزل والتبويس اللي ابيه سمعه اخوه
وتروح اخت زوجي له وتقوله ان ابوي قالها ان عبود اللي ماراح للصلاة قال لا عبود قام وراح للمسجد وانا جيت مكانه هههههههههههههههه الا ابيكم تزوجوني من بكرى ترى
وقال لهم تراني بنام كل يوم بسرير عبود خلها تجي تصحيني ههههههههههههههههههه:hahah a:

وحلفوه اخواته مايعلم عبود زوجي وكان شاطر كتم السر وتزوج بعدها بس مانسى الموقف دايم يذكر اخواته بموقفي وسلامتكم من التفشل يارب



هذا يوم أنخطبت ولسه ما ملكت يعني تمت الشوفه وكل شي ويصروا أهل خطيبي أنهم يعزمونا عندهم على العشا وذاااااااك اليوم لا ينسى مليان مواقف المهم لسه ما وصلنا لبيتهم وما كنا عارفين الطريق كويس وجوالي مشترك مع ماما وإلا يرن الجوال ورقم غريب وأرد أنا طبعا في السياره ماما وأنا وأختي الكبيره وبابا ويوم اسمع الصوت رجال وأنا أقول مين ويقولي فلان -زوج المستقبل - والجوال طرااااااااااااااااااخ على أمي أمي تقول إيش فيه قلت فلااااااااااان شوي وأبكي من الحيا

وصلنا وألاقي رجالين متكشخين وواقفين قدام الفيلا وأخش في أختي وأشبص في عبايتها كني بنتها الصغيره خخخخخخخخ

سلمنا وقعدنا وشوي تجي أخته الصغيره كانت رايحه أول متوسط وتقول قومي بوريك بيتنا فوق الدور الثاني عندنا سطوح كبير وقاعده توصف أنا أنحرجت والكل يطالع قلت لها طيب شوي وأجي قالت أنتي ليش مستحيه هذا لمن تتزوجي فلان راح يصير بيتك والوجه صاااااااار أحمر أصفر أخضر

المهم حطوا العشا أكلنا والنظرات كلها علي حاسه نفسي أبغى أطق وبعدين رحت الحمام عشان أغسل وقلت أقضي حاجتي مره وحده بس باب الحمام قفله خربااااااااااااااااااااااااااا اااااااااااااااااااااااااااااا اان قلت أسويها بسرعه ولا من شاف ولامن درى فسخت وقعدت وإلا مرت خاله الكبير تجي وتفتح الباب بسرعه وتشوفني وأنا آآآآآآآآآآآآآآآآآآآآآآآآآآآآآآ آآآآآآآآآآآآآآآآآآآههههههههههه هه على ذاك الموقف وإلا تطلع وتقول آسفه آسفه وأسمعها وهي تسكر الباب تقول ألحقوا دخلت على مرت فلااااااااان وهي في الحمام والمجلس كان ملياااااااااااااان وأنواع الفشيله مني قادره أطلع بس طلعت لأني مقدر أخلد بالحمام بس وجهي قد الفصفصه خخخخخخخخخخخخخ






المهم بقولكم على موقفي...بس مو مع اهل زوجي مع اهلي.
رحنا لاهلي في الرياض..المهم وعطونا غرفة الحريم.. ننام فيها..ولها باب ينزل عالصاله والمطبخ..
زوجي كان في الغرفه مسدووح..وانا بالمطبخ اساعد امي..وابويا جا من شغله ودخل علينا وراح..
لما خرج من المطبخ انا رحت لزوجي..ونزلت روبي خخخ وجلست بالاندر وير (( وجه متفشل ))
وانسدحت جنبه لااااااااااااااااااااصقين ببعض الا شوي والباب ينفتح ويطلع ابوووووووووووووووووووووووووووو وووووووووووووووووووووووووووووو ووووي
انا دوروووووووووووووووووووووني طاح وجهي تمنيت الارض تنشق وتبلعني..
ياعمري ابويا استحى قال انا اسسسسف مو انتي ككنتي بالمطبخ ايش جابك هنا.. يعني مافي فتره انه مداك خرجتي وغيرتي كمااان..والله جلست فتره ما اقدر احط عيني بعينه..








خخخخخخخخخخخخخخخخخخخخخخخخخخخ الله يرج ابليسكم فطست من الضحك مواقفكم قووويه
انا موقفي اذكر كنت توي مالي اسبوع متزوجه كان وقت وصلاة العصر زوجي بيطلع يصلي وانا الي اجي الحقه كان مدخل سيارته بالحووووش جايه داعسه واناديه بكل دلع مسويه فيها خخخخ مصدقه اني عروس وازلق ذيك الزلقه مادريت بعمري الا داخله تحت السياره خخخخخخخ وهو الي يرجع اسم الله عليك وانا انفجر صياح طاح وجهي هو غصب ضحك واصيح زياده قهرني

بس الموقف القوي هذي وحده سلمكم الله ساكنه عند حموووله وكانو لازم يتجمعون على الغدااا كل افراد العائله من شباب وحريم الرجال بجهه والحريم بجهه بنفس المكان نزلت من غرفتها الله يجزاها خير لبست التنوره والبلوزه ومالبست كلوت الله يفشلها خخخخخخخ ومتغطيه بالشرشف وجالسه تغدا فتحت السحاب عشان تاخذ راحتها بالاكل وقااامت ونست تسكر السحاب وطاااحت التنوره تخيلو الموقف واخوان زوجها فيه كل شي طلع فضيحه بعدها راحت لبيت اهلها وحلفت ماعاد ترجع البيت وطلعها في بيت الحالها هذي الي صراحه موقف لاتحسد عليه
اما الطيحات تهون خخخخخخخخخخخخخخخ الله لايبلانا







انا موقفي هو مو موقف المهم اسمعوا بس
كنت عروس مالي الا اسبوعين ونص متزوجه وعازمتنا اخت زوجي انا وزوجي على الغداء طبعا انا وياها وبناتها تغدينا لحالنا وزوجها وعيالها الكبار اكبر مني وزوجي.يوم تغدينا راحت تودي الشاي للرجال قال ولدها الصغير ابو 5 سنين عند الرجال ماما مرت خالي ايش اسمها قالت فلانه؟؟قال ماما حلووووووه مرت خالي قالت ايييه ورجلي عادبدا يحمر الوجه ..كنت وقتها عاد خبركم عروس صابغه وملففه شعري قال ماما شعرها كشششششه واصفر ماما ليش؟؟؟وامه تقبصه ورجلي يقولي مدري ودي اذبحه ودي ازنطه المهم يبلع العافيه وينثبر .عاد في النهايه ابوه هاوشه وش عقبه ذا الابو توه يحكي عقب ماوصف لها الاخ التفاصيل.........
بس ياحبي له ذاك الولد احبه مدري ليش .عاد رجلي يقول تغطي عنه ذا الولد والله صرت اخاف منه ههههههههههههههههههههههههه







ههههههههههههههههههههههههه
هههههههههههههههههههههههههههههه هههههههههه
مواقفكم رهييييييييييييييييييييييييبه وموقفي مو اقل فشله منكم
مره رحت مع اختي عندها مراجعه بمستشفى الهلال الاخضر طبعا هي حامل وانا رحت معاها عشان اشيل ولدها لانها تعباااانه
عاد اللي تعرف مستشفى الهلال تعرف درجها ملتوي واللي ما يطيح يطيح
واختكم في الله مرتزه وشايله الولد عمره سنه وثمان شهور ونازله من الدرج وعينكم ما تشوف الا النور ودرررررررررررررررررررررررررررد ب من الدرج والله من الدور الاول الين القبو حق العمال
ومريت على كل الادوار ما غير خلق الله في كل دور يشوفو شي سريع نازل مع الدرج
لا وابشركم وعند الدور الاخير لقيت رجولي بين الحدايد وحده بالشرق والثانيه بالغرب
والولد معايا يابعد عمري اخذ جوله بين الادوار
ومن فشلتي طلعت مع باب العمال والله ما رضيت اطلع وخليت اختي لغت موعدها
وهذه تجربتي
هههههههههههههههههههههههههههههه هههههه








واعطيكم موقف لزوجي ....راح محل جزم يبي يشتري وانا انتظره انا واخواتي بالسياره والمحل مررررره كشخه ونظيييييييييف من نظااااف المحل زوجي مااااااشي بامان الله وعلى باله الباب مفتوح وهو ماشالله عليه مسرع كعااادته
هههههههههههههههههههههههههههههه هه
وطرررررررررررررررررررررررررررر رع بالباب القزاز النظيف

هههههههههههههههههههههههه
مو منه من نظافة ولمعة الباب
والله زوجي المسكين طاااار
اما اخواااااتي خلااااص راحو فيها من الضحك على طول وديناهم عالبيت خفت على سيارة زوجي لا تصير دورة ميااااااه
طبعا من فشلته رجع عالسياره على طول وصاااار براسه انتفاخ مثل افلام كرتوووووووون
ههههههههههه



مره كنت في محل جزم اطفال الله يكرمكم

وبنتي ناشبه تبي شبب ابو اصبع وهي اصلا ماتعرف تلبسه تطيح فيه

المهم من دخلت المحل وخوينا في الله راعي المحل يلمس ......الي انتم خابرين

وانا مستاحشه منه شوي مع انه هو شكله موقصده شي مهوب لمي
عاد انا ابي اخلص بسرعه واطلع واقوم اكلم بنتي بصوت عاالي شوي
يعني شفني ياراعي المحل قويه ابيه يهابني خخخخخخخخخخ

ياليتني طحت على لسااني ولا عليت صوتي
والمحل فيه ناااس ايام عيد
وبنتي بعيده شوي تحاول تدخل الشبشب
عاد انا فار دمي شوي من هالرجال الي يلمس عمره ومن الزحمه ومن بنتي الي قطعتني ووراي شغل ورجلي مسافر وبيجي ذاك اليوم ومستعجله ابروح البيت قبل يوصل

مير اصرخ عليهاا باعلى صوت يابنتي هذا مايصلح لك بيعور .....خخخخخخخ الي انتم خابرين يلمسه
ابي اقول بيعور اصبعك قلبتهاا خخخخخخخخخ
مير المحل كله لحظه صمت وكلن ملتفت علي واقوم انحاش من المحل كله واخلي بنتي فيه خخخخخخخخخخخ
واجلس بعيد شوي اراقب هالعوبه متى بتطلع من المحل خخخخخخخ يوم طلعت مير اطير واشيلها ونركب السياره والله وصلت البيت وانا انتفض خخخخخخخخخ
يوم علمت امي قالت يابنيتي اخاف قلبتس مع الرجال خخخخخخخ لاعاد تطلعين السوق ورجلتس مسافر خخخخخخخخخخ

عاد ترى امي تمزح معي
خخخخخخخخخ






هذا انا ساكنه فوق عند حمولتي
نزلت ذاك عندهم العصر <<<<<<<<<<<<<<<<..ياليتني تدربيت بدرجهم وتكسرت ولا نزلت
المهم دخلت المطبخ كانت شغالتهم رايحه واذكر حماتي تبي تجيب شغاله
دخلت المطبخ سلمت الا فيه حماتي وفيه وحده معطيتني ظهرها على المجلى
قلت ماشاء الله جت شغالتك<<<ياليتني منطمه
قالت لا..ليه وينه قلت اجل هذي وشي وااشر على اللي واقفه
قالت هذي امي .............
اثاريه خالتي
دوريني من الفشيله ماتلقيني شلت ولدي ورقيت علىالدرج اركض.. ياليتني متكرفسه قبل انزل




ياحليلكم يابنات مواقفكم كل واحد احلى من الي قبلة
عاد انا موقفي شييييييييييييي
اول ماتزوجت كنا تونى واصلين من السفر مالي الى يوم من زواجي
وحمولتي كلهم معنى وام زوجي واقفين في الحوش عاد زوجي نزل بيفتح باب فلة اهلة من داخل المفتاح معة وبنروح انا وياة للفندق حاجزلنا كم يوم وانا على بالي ذربة ونزلت من السيارة ووااقفة معهم ياشين القافة لوني جالسة في السيارة اصرفلي المهم زوجي: حب راس امة يودعهاومد يدة عشان يفتح باب السيارة عن طريق المفتاح من بعيد
عاد اختكم قروية خخخخخخخخخخخ قمت ومديت يدي ابسحب المفتاح ابروح اركب على بالي ذربة وافهم قال خلاص روحي اركبي قلت طيب هات هههههههههههههه قصدي المفتاح قال يابنت الحلال انا مديتة عشان الباب ينفتح روحي اركبي وطلعت من الفشيلة مدرعمة مع الباب الاانا طايحة انا والكعب ههههههههه واتلفت مافية احد الناس نايمة وقت ليل
يوم انا اتلفت وازين ماشوف الاابو زوجي عند باب سيارتهم مادري وش يسوي وانا تهئ اهئ اهئ





هههههههههههههههههه
من جد مت ضحك
اممممممممممم اخر موقف صار لي
جا عندنا صاحب زوجي ومعه زوجته وكانوا بيتعشون عندنا
المهم ضبطت عشا الرجا ودخلوا الرجال يتعشون
وحطيت سفرتنا انا والحرمة وكان ولدي الله يهديه ناشب في حلقي ومتضايقة منه حيل انا انزل بهالصحون وهو ماغير يجرجر بتنورتي
المهم جيت اقلط الحرمة عاد تخيلوا موقفي وقمت اطالع بها بعيون تروع وقلتلها اكلي ولا ترى والله لاضربك احسبها ولدي لا تسالوني شلون قلتها
الحرمة ارتاعت وراح وجهها صفر وبانت عليه ملامح والله ماتتفسر وانا وجهي راح علبة الوان وبعدها تصيبني ضحكة مب صاحية ومن بعدها صرنا كانا خوات


هههههههههههههههههههههههههههه هههههههههههههههههههههههههههه طيب خودو موقفي هدا ياطويلات العمر صار لي وانا عند حمولتي كنت توي طالعه من النفاس وبكريه وماعندي ماعند جدتي يعني بالعربي مااعرف للبزران وانا عندهم كااااااااااشخه ومابي شي يطرن من الكشخه مير تجي بنتي وتقول واء واء بصوت خفيف وانا اجيك طااااااايره بين السما والارض مسويه ام حنونه وايقالي افهم بنتي قلت ايه ايه جوعانه وكدا بحركات خطافيه وحماس اطلع من الشنطه الحليب والماء الحااااااااااار واسويهم في دقيقتين تقولون دعاية اندومي موب حليب وابو زوجي يقول لا يابنيتي ماهيب جوعانه شكلها محتره شيلي ملابسها وانا مانيب لمه مندمجه مع الحليب وواخض بكل طاقتي اونا اررررررررررررششششششششق الحليب على وجه ام زوجي اثري من الحماس والطفاقه ما سكرت الرضاعه يعني الحلمه والغطا باالشنطه المهم ام زوجي قعدت تقول اااااه ياربيييييييه حااااااار وانا منكمشه بمكاني من الخوف قالو وشدعوه حليب بزر موب صاير حار اكيد دافي وهي تقول انشويت جيبولي ثلج عاد انا تدكرت اني ماخففته بمويه بارد يعني مويه مغللللللللليه بس قلت اشوى انها هي اللي رضعته ههههههههههههههههههه مب بنيتي اسم الله عليه كان راحت بسبت طفاقتي



فيه موقف سمعته وحبيت اذكره هنـــــا
فيه وحده ليلة دخلتها جتها (الاشاره) يعني الدوره خوياتي الله يذكرهن بالخير كانن يسمنها كذا عشان ما احد يفهم عليهن المهم
راحت لابو الشباب وهي مستحيه يحليلها ماأخذت احتياط معها والمسكينه ماتدري وش تسوي قالتله بصوت واطي ابي (كوتكس) هذه نوع من الفوط (يازين الشرح اقول اسكتي ) ابو الشباب كنه ماصدق ويجيك ماشي طيران سرعته160 (كثري منها) المهم والمسكينه انواع التفشل والله رحمتها (يقال انك رحيمه) وشوي وعريس الغفله جاي وهو شاق الحلق يقال اني نفذت طلبك بدون نقاش وهويمد لها الكيس وش تتوقعون!؟؟؟؟؟





















الحبيب جايب علبة بسكوت تــــــــــــــــوكـــــــــــ ـــــــــــــــــس كامله يعنني كريم سبلى
والمسكينه تقوم وتاخذلها وحده وتاكلها عشان لاتحسسه بمدى غبائه وعاد الله يخلي المناديل قامت بالواجب


هههههههههههههههههههههه

الله لايحطكم بها الموااقف والله الله بالردود والتقييييم

تحياتي وحبي لكم

منقول نقلته لكم من أجل تفرفوشون شوية و تنسينا شوي همومنا

[أسرني غلاهم]

ههههههههههههههههههههههههههههههههه
الله لايحطنااااااااااااابذا المواقف تفشل
مع اني أخذت نصيبي وخلصت
خخخخخخخخخخخخخخخخ

[واثقه مره]

ههههههههههههههههههههههههههههه

رووووووووعه الله لا يبعد عنا المواقف المحرجه

[ريري!]

هههههههههههههههههههههههههه موتيني ضحك
لا اله الا الله
وراي اختبار دعواتك
تقبلي مروري