ان شاء الله ده اول ملف لعمل التورتات بطريقه سهله وجميله لست البيت
وان شاء الله فيه ملفات بأفكار تانيه ومختلفه هنزلهالكوا اول باول
هنبتــــــــــــــدي الاول
طريقة عمل الكيكه الاسفنجيه (( ودي هتلاقوها بالتفصيل علي الرابط ده ))
وتاني حاجه ودي المهمه جدا وهي : تقطيع الكيكه لــ 3 طبقات
* نجهز الكيكه والخله الخشب (عدد 8 خله خشب ) وطبعا سكينه كبيرة ومشرشرة .
* الاول نحاول نعلي الصينيه بتاعته الكيكه باي حاجه ( برطمان كبير وعريض او حتي علبه بلاستيك كبيرة وعاليه .. المتاح يعني ) .
* نحط عدد 2 من اللخله الخشب في كل جنب زي الصورة بحيث نقدر نحدد مكان التقطيع ونعلم علامه بسيطه علشان نقدر نمشي عليها بالسكينه .
* وهنا شيلت اول طبقه وخليت باقي الخلل موجوده لحد ما اشيل الراقه التانيه .
* وهنا بعد ما قطعنا الكيكه بطريقه سليمه ومظبوطه وكل الطبقات بنفس الحجم .
وطبعاً طريقة الكيكه وطريقة التقطيع واحده في كل انواع التورتات
نبتـــــــــــــــــــدي بتزويق التورتات
أولا : تورتة البلاك فورست
* سقيت الكيكه بعصير الكمبوت ( او شربات خفيف او عصير ) وبعدين حطيت الكريمه في كيس بلاستيك ( من بتاع السندويتشات ) وقطعه طرفه وحطيت الكريمه ع الكيكه علشان تكون متساويه من غير اي تعب وقطعت عليها كريز (( ملحوظه : تورتة البلاك فورست مش بيتحط معاها لا مكسرات ولا فاكهه .. يا كريز يا بلاش )) وهنحشي الطبقتين بنفس الطريقه .
* شوفوا ماشاء الله عاليه ومتساويه .. سقيت الوش كمان بالعصير .
* وبعدين شيلت الجناب بتاعتها ( وممكن ماتشيلهاش .. براحتك ) "" معلشي سامحوني دي صورة من تورتايه تانيه "" .
* وبعدين نغلفها بالكريمه كويس جدا ونساوي الوش والاطراف وبعد ما تتساوي نجيب سكينه مش مشرشرة ونحطها في ميا سخنه وننفضها من الميا ونمسح وش الكريمه علشان تبقي ناعمه وبتلمع .
* وبعدين نزوق بالشيكولاته الخام المبشورة والكريز ....
مواقع النشر