رجاء تساعدوني وما تبخلوا علي بالنصيحه
صفحة 1 من 9 1234 ... الأخيرةالأخيرة
النتائج 1 إلى 4 من 34
Like Tree2Likes

الموضوع: رجاء تساعدوني وما تبخلوا علي بالنصيحه

  1. #1
    عضوة نشيطة الصورة الرمزية رجيتك ربي تهديه
    تاريخ التسجيل
    Jul 2011
    المشاركات
    55
    معدل تقييم المستوى
    9

    رجاء تساعدوني وما تبخلوا علي بالنصيحه

    بسم الله الرحمن الرحيم
    كيفكم بنات؟؟ انشالله بخير ذي اول مشاركه لي معاكم واتمنى تعتبروني اخت لكم
    مشكلتي يا بنات زوجي
    ترى والله ما كتبت لكم الا بعد ما تعبت وما عاد عرفت وش الحل معاه
    المشكله زوجي يبي يتزوج على وبصراحه انا قررت اني اتطلق منه
    لا تقولون متسرعه ترى صبرت عليه 8 سنوات وهو على ذا الحال بس المشكله معي منه طفلين بس مو مشكله أحس اني قادره على تربيتهم لحالي لاني بجد ما عاد لقيت لهالرجال حل
    في بداية زواجنا كان يطلع مع بنات وسهرات وسفريات مع الاصحاب وفوق ذا كله كان يهددني بالزواج وطبعا اختكم كانت تحبه بتموت عليه كنت ابكي واتوسل له انه يراعيني ويخاف الله فيني في ايش مقصره معه عشان يخونني وكان يرد بكل برود مو مهتمه
    اقوله مو مهتمه في ايش ؟؟ قلي عشان اخذ بالي وأكون ارضيك
    يطنش ويغير الموضوع ويقول مو مهتمه وبس
    وطبعا كنت اتاثر بكلامه كثير وكنت اعمل المستحيل عشان يرضى المهم بعد ما عاشرته فترة وفهمت الحياة صح فهمت قد ايش انا كنت ظالمه حالي وانه كان يستغل حبي وطيبتي وشفت اني اسوي له أشياء وادلعه واراعيه وهو مو مقدر
    أتوقع بعضكم رح يقول مو حلوة... ماهو غرور بس الحمدلله مرره حلوة
    بعضكم رح يقول مو مهتمه بلبسها وشكلها قدام زوجها... كمان ماهو غرور بس مهتمه جدآ بهالجانب
    وابد ما خليته يشوفني وانا بشكل مو مرتب حتى لو اكون مريضه حتى كل اقاربي وصحباتي يسألوني ويطلبوا مساعدتي لما ودهم يختارون لبس او مكياج
    بعضكم رح يقول كلامها مو زين مع زوجها... كل كلامي معاه ومع الكل يا عمري يا قلبي يا حياتي يا يا ..وذا شي تعودت عليه من امي الله يحفظها
    بعضكم رح يقول ما تعرف تطبخ .. الحمدلله فنانه بالطبخ ويعود الفضل لامي وحماتي يحفظهم ربي والنت خخخخ
    بعضكم رح يقول مو متفقه مع اهله .. امه وخواته يحبوني وانا كمان احبهم
    في الاخير خواتي طلبت الطلاق
    وقتها رجع لي وقال انه بيتغير ورفض الطلاق نهائيا طبعا رديت قلت عشان العشره والعيال واجرب حظي معاه لاخر مره وللامانه متغير 180 درجه
    بطل البنات والسهر والسفريات ومعاملته صارت احسن كثير
    تررراااتتاااااااا
    الحين بقولكم المفاجعه
    قبل اسبوعين رجع فتح موضوع الزواج على
    أأأأأأأأأأأأه أأأأأأأأأأأأه ما اقولكم على القهر اللي حسيته والنار اللي شعللت جواتي
    تمنيت اجيب اكبر سطل مي بااااااارد واسكبه عليه وأجيب اكبر طاسه بالمطبخ واخبطها براسه واطلعه السطح وارميه
    لحظه,, لحظه
    الرجال طيب قال ما رح يتزوج الا برضاي واني طيبه ورح اوافق له يتزوج على
    لا لاااااااااااااااا
    ماني طيبه انا أشرر واحده بهالعالم
    المهم
    تمالكت نفسي وحاولت اتناقش معاه بهدوء وعقلانيه مع اني في تلك اللحظه يحق لي أذبحه
    قلت له ليه يا حبيبي تبي تتزوج علي من زمان وانت تذكر هالموضوع ليش انا في ايش مقصره معاك قلي عشان ارضيك واسوي لك اللي تبيه وما تحتاج لواحده ثانيه
    قالي انتي فيكي كل اللي يتمناه اي رجال جمال واخلاق ودلع وحبوبه وووووو.. والمدح كان طويل
    قلت له طيب ليش تبي تتزوج
    رد على قالي بصراحه انا مريض
    فيني مرض ابي اجرب حرمه واثنين وثلاث
    وقتها جاني غثيان وفعلا كنت رح ارتكب جريمه
    وياريت اللي يسمعه كذا بيقول ان حرمه واحده ماتقدر تلبي رغباته
    وربي يقعد من شهر شهرين ما يقرب لي
    البس وادلع مافي فايده
    اطنش واثقل عليه ما فايده
    اضحك وامزح معاه دوم يكشر ويكسر خاطري بكلام يسد النفس
    سمعت كلمة احبك منه مرتين بس خلال 8 سنوات زواج
    من الاخر باااااارد بتعامله
    بيتزوج ثانيه يعمل ايش ما ادري
    في الاخير انا مقرره اتطلق منه
    واللي عندها حل ثاني تقوله
    انا منتظره نصايحكم خواتي

  2. #2
    كوكب الشبكة الصورة الرمزية شوعه1
    تاريخ التسجيل
    May 2010
    المشاركات
    1,894
    معدل تقييم المستوى
    14
    يارب يكون في عونك ويساعدك ياقلبي
    بصراحه اتأثرت مره بقصتك
    لكن برضه لاتستعجلي في طلب الطلاق معليش حاولي كلمي احد من اهله يكون قريب له يكلمه ويتفاهم معاه طالما انهم كلهم ولله الحمد يحبوك ماتدري سبحان الله يمكن يبطل من فكرة الزواج الثاني.
    وصلي صلاة الليل وادعي حبيبتي في كل سجود :
    "اللهم يامسهل الشديد، وياملين الحديد، ويامنجز الوعيد،ويامن هو كل يوم في امر جديد،
    اخرجني من حلق الضيق، ولاحول ولا قوة إلا بالله العلي العظيم، يارب ضاقت بي السبل فمن لي سواك يفرجها"

    وربي يفرجها بإذن الله ويهديه

  3. #3
    محررة بيت حواء الصورة الرمزية التفاحة الخضراء
    تاريخ التسجيل
    Mar 2009
    المشاركات
    2,767
    معدل تقييم المستوى
    15
    اختي انا ماانصحك ابد ابدا بالطلاق ,,خليه يتزوج بس طبعا قولي له سوا اللي انت تبي تسويه سوه بس انا مو راضية وإن تزوج صدقيني مادام على وصفك له ووصفك لنفسك اتوقع انه بيرجع لك وهو متغير وماعاد يروح من عندك ,,هو اما عنده بنت لاصقة فيه اما يبي يثبت رجولته قدام اصدقائه لأن بعض الرجال يتفاخروا بالزواج بالثانية ,,انتي اجلسي ببيتك معززة مكرمة ولاتخليه يقصر في اي حق من حقوقك مهما كانت ظروفه ودايما ادعي ربك وصدقيني بيرجع بيرجع لأني اعرف ناس زي كذا ..

  4. #4
    عضوة قمة
    تاريخ التسجيل
    Sep 2009
    المشاركات
    184
    معدل تقييم المستوى
    11
    اولا الطلاق ماهو حل واذا تطلقتي وش بيصير بالذات انه معاملته افضل من غيره
    المهم لاتستعجلي وتطلبي الطلاق حاولي تنشغلي عنه اشوي وتهتمين في نفسك
    واتركيه ع جنب ثانيا انتي غلطتي غلطه كبيره لما قالك في البدايه بطلاقك وترجيتيه عطيتيه اشاره انك
    ماتقدرين تعيشين بدونه وهذا اللي يخليه يتعامل معاك كذا المفروض تبيني له انك قويه وعادي عندك خليه هو اللي
    يدور رضاك وبعدين عليك بالدعاء (اللهم اني اسئلك رضاك)مفعوله عجيب(اللهم ملكني قلبا احوجتني اليه)والاستغفار
    كل يوم اكثر من 100مره بنيه الهدايه لزوجك وراح تشوفين مفعوله سبحان الله دائما اسوي هالطريقه وتنفرج بمشيئه الله
    تصدقي تقربي من الله اكثر وصدقيني راح يتصلح وضعك ماعلي الله شي صعب (حديث في معناه من تقرب لي عبدي شبرا تقربت منه ذراعا)

صفحة 1 من 9 1234 ... الأخيرةالأخيرة

المواضيع المتشابهه

  1. لاتبخلون علي بالنصيحه محتاره
    بواسطة (انا القمر) في المنتدى الحياة الزوجية
    مشاركات: 4
    آخر مشاركة: 02-03-2019, 12:37 AM
  2. رجاء تساعدوني وما تبخلوا علي بالنصيحه
    بواسطة رجيتك ربي تهديه في المنتدى الحياة الزوجية
    مشاركات: 3
    آخر مشاركة: 26-07-2011, 02:03 AM
  3. ياااااأهل الخبره لا تبخلوا بالنصيحه
    بواسطة ليالي الشتاء في المنتدى أخواتي , ساعدوني,النجده ,help me
    مشاركات: 10
    آخر مشاركة: 24-11-2009, 12:16 AM
  4. رجاء حار ... ساعدوني و هاي ثاني مرة اطلبكم تساعدوني
    بواسطة دلـوعة اماراتية في المنتدى مدرسة, تعليم
    مشاركات: 8
    آخر مشاركة: 20-02-2006, 10:11 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |