السلام عليكم ورحمة الله وبركاته
كل عام وانتم بخير
اولى مشاركتي في سفرتنا
ارجو ان تحوز على اعجابكم
طبعا فطوري مع اهل زوجي فالأطباق مشتركه بيني وبين حبايبي
هذي صورة السفره كامله
طبعا الأطباق خفيفه واغلبها رئيسي عندنا يعني تتكرر يوميا في رمضان مع تنوع بسيط
بكتب القايمه وبعدها مقادير وطريقة كل طبق
الأطباق
ثريد ((خبز عربي +صالونه لحم >>انا ماعرف عندكم ايش تسمونها))
قيمات >>>لقمة القاضي بدبس التمر
سمبوسة جبن وسمبوسه ماش
بيتزا الشمس +فطائر البتزا
ساقو >>> وهذا بعد مادري ايش تسموه عندكم بس هذا طبق شعبي يعتبر من الحلويات الساخنه
وسلطة
بسم الله
الثريد
زوووووم
المقادير والطريقه
خضار الي موجوده عندك
2كوسا +1بيذنجان مقطه ومقلي +كاس باميه + 1جزر +4 بطاطا متوسطه + 8 حبات طماطم +حبة فليفله +3 فلفل حار +ملح
كيلو لحم بعظم
2 علبة صلصلة طماطم
تقطع الخضار الطماطم +البطاطا والكوسا والجزر ونحطهم بقدر مع اللحم الين ينطبخون وعادي استخدمي قدر الضفط ياخذ حاوالي 10 ساعه بقدر الضغط وساعه على القدر العادي
واما الباميا حطيها بصحن وخليها تستوي على البخار
بعد ماتنضج الخضار نشيل اللحمه والباميه وشويه من البطاطا والكوسا والجزر ونقوم نحمص >> نظرب الخضار او بمعنى اصح نهرسهم عدلابوك يالوصف
ونضيف الصلصل ونخليهم يتسبكون لمدة 10 دقايق
بعدها نضيف الماء مع التحريك على حسب انتي تبغينها سماكتها كيف ويفضل تكون خفيفه عشان الخبز
نضيف الملح واللحم والباميه والخضار الي شلناها ونقطع الفليفله والفلفل ونضيفهم ونخليها الين تتسبك ويغلط قوامها
ونخليها ترتاح على جنب
والخبز من الخباز
نقطعه ونرشه او نغمسه الي يريحكم وبث
قيمات بدبس التمر
المقادير والطريقه
بعطيكم اقل مقدار عشان الي يبغى يسلو الى شخصين -3 اشخاص
كاس ماء
كاس ونصف دقيق
2 ملعقة حليب بودره
رشة ملح ملعقة ونصف كبير سكر
ملعقة خميره فوريه
نذوب الخميره والسكر في الأناء ونخليهم 10 دقايق بعدها نضيف الحليب والطحين والملح ونحركهم الين تصبح عجينه مائله الى السيوله
غطي الأناء وخليه تتخمر ساعه الى ساعتين
بعدها اقليها بالزيت ونشيلها على صحن مفروش بالورق لليمتص الزيت الزائد
وتقدم مع دبس التمر >>> يفضل نوع اخلاص
لأن احنا مانحب القيمات بالشيره
هذا وهو يتقلى على النار >>> يتسبح فديته
وهذا وخالتووو تشيله
وهو على السفره
البيتزا
عجينيتي المعتمده في كل شي
3 كاسات طحين
كاس وربع ماء دافئ
ملعقة متوسطه خميره فوريه
ملعقة متوسطه بكنج بودر
ذرة ملح
ملعقتين سكر
4 ملاعق حليب بودره
ثلث كاس زيت
الطريقه
تخلط المواد الجافه مع بعض ثم تعجن بالماء والزيت لمدةلا تقل عن 10 دقائق وكلما عجنتها اكثر اصبحت اطرى ويفضل العجن بالعجانه
وتترك للتخمر في جونا الجميل الحين تاخذ نص ساعه
تفرد بشكل دائري او فطائر
وتحشى
اولا صلصة البيتز الجاهزه او الي تسوينها انتي >> ملعقة صلصة طماطم +2 ملعقة كتشب +اورغيانو + فلفل +ملح +ملعقة زيت زيتون +ثوم ) تخلط الجميع وتستخدم كاصلصه
ترش شوية جبن موزريلا
وبعدها اللحم المعصج وكل وحده وطريقتها
وترش بالفطر والفليفله وشرائح الزيتون وشرئح الطماطم وبعدها ترش بوفره بجبن الموزريلا
تدخل الفرن مسبق التسخين على درجة حررة 400 فهرنهايت من تحت الى تتحمر
وتقدم طبعا بدعي في اشكال البيتزا انا هنا سويتها بيتزا الشمس وفطائر وسويسرول
وان شاء اللله بحاول مره ثانيه اصورها بالخطوات
هذي قبل لا تدخل الفرن مسحتها بحليب ورشيتها اورغيانو
بعد ماخلصت
وهو الفطاير
على السفره
يتبع لا احد يرد
رد مع اقتباس
مواقع النشر