الخليه اممم >>معجناتي الشهيه في الليالي الرمضانيه مشاركتي 6(تمت مراقبتة)
السلام عليكم ورحمة الله وبركاته
اخر مشاركه لي في المعجنات الرمضانيه
كل عام والجميع بخير
المقادير نفس مقادير العجينيه الي استخدمها الى كل شي
3 كاسات طحين
ملعقة صغيره خميره فوريه
2 ملعقة سكر
نصف ملعقة صغيره ملح
ملعقة وسط بكنج بودر
4 ملاعق حليب بودره
ملعقتين زبادي
كاس وربع ماء دافئ
ثلث كاس زيت او زبده سائحه >>> بالزبده اطعم بس بالزيت اخف
الطريقه
نخلط 2 كاس طحين مع الخميره والبكنج بودر والملح والحليب البودره والسكر وبعدها نضيف عليه الماء الدافئ والزبادي
ونخلطهم بخلاط الكيك
الين يتجانسون وتتكون عجينه نوعا ما لين تشبه عجينة القيمات
ونخليها تتخمر لمده لاتقل عن 15 دقيقه
وبعدها
نضيف الكاس الطحين الثالث مع الزيت او الزبده
ونعجنها بالعجانه او باليد لمده لا تقل عن 10 دقائق كلما عجنتيها اكثر عطتك طراوه اكثر
ندهنها بزيت مسحه خفيفه ونخليها تتخمر لمده لاتقل عن نصف ساعه
وبعدها نشتغل عليها
ناخذ قطعه صغيره ونحشيها قطعة جبن كيري
ونكورها ونضيفها في الصينيه مدهونه ومرشوشه بالطحين
نسوي العدد الي نحتاجه لعمل شكل خليه
ونرصهم جنب بعض
ندهنها بحليب
ونرشها بالسم سم
وندخلها فرن مسبق التسخين على حرارة 350 فهرنهايت 170 مئوي
من تحت 6 دقائق ومن فوق 2 دقيقه
وتسقى حليب مركز او شيره او تترك بدون اضافات مثل مااحبها انا هههههه
هنا بالحليب المركز
وهنا بالشيره
وهنا بدون اضافات وهي على سفرتنا
وهني وعافيه على قلوبكم
كل عام والجميع بخير
رد مع اقتباس
..
مواقع النشر