السلام عليكم ورحمة الله وبركاته
اخواتي والله مالي غيركم ابي دعواتكم انا فيني هم كبير مايعلم فيه الا الله اضحك مع الناس بس بداخلي متضايقه بقولكم سالفتي بالتفصيل ماابي منكم الا دعوووة بظهر الغيب وتريحوني بس
انا وولد عمي من يوم كنا صغار كانوا يقولون اننا لبعض بعد ماكبرنا بصراحه ماحبيته او بالاحرى ماعطيت نفسي مجال افكر انا احبه او لا دائما بلساني اللي كاتبه الله يصير المهم صارت مشكله بين امه وبين امي وبعدها بمده مو طويله راحت خالتي تخطب له بنت خالتي الثانيه طبعا امه تصير اخت امي بعد
والله يابنات جاني انهيار نفسي كرهت الدنيا لو كنت مااحبه بس يمكن تقولوا تعلق والمشكله اللي خطبها تصير بنت خالتي لو بعيده اريح لي ..
عدت الايام وتكرر معي نفس الموقف بنفس السنه مع ولد عمتي وخطبني يوم كنت ادرس وكان مصر اهلي يقولون له بتكمل دراستها بس هم رافضينه اصلا وكذا مره عمتي تجي تكلم امي يابنات ماعطيت نفسي مجال افكر فيه اقول ليش اتعب نفسي اذا يبيني ينتظرني انا بصراحه من داخل حاسه انه مايصلح لي ابدا وابوي نفس الشي بس كذا احساس حلو انك تحسين ان فيه شخص يبيك
المهم الولد ماتزوج ع امل انه ينتظرني الى مااخلص دراستي وقبل اسبوع تقريبا شفته عند عمتي احس بديت اميل له معنى اني كنت رافضته والمصيبه ايش امس وصلني الخبر انه خطب ..
بنات كرهت الدنيا حسيت ان حظي مو حلو استغفر الله انا عارفه انه خيرة لي بس والله كل مااتذكر الموضوع اتضايق يمكن انانيه مني لان الولد مصيره بيتزوج بس مو قادرة ,
دعواتكم لي ربي يفرجها علي هم الدراسه وهم قلبي اللي بيذبحني تجمعت علي من كل جهه الله يعين بس الله يخليكم لاتنسوني من دعواتكم وان الله يرزقني بخير منهم عاجلاً وليس اجلاً..
مواقع النشر