السلام عليكم
باختصار انا ماعندي اطفال وداخله علي السنه الثالثه ولا مرا حملت المهم رحت عند الدكتور عثمان سندي وارتحت له ماشاءالله تبارك الله كثير ناس عنده حوامل وكثير ناس تمدحو قلت اتوكل علي ربي واروح قرر ان اعمل تلقيح مجهري قلتله انا خايفه بس من البنج
يابنات قال عادي ممكن بنج نصفي قلتله لااااااااااااااااا ابره في ظهري اخااااااااااااف قال منها لهذاك الوقت نشوف لسه دحين ابدائي في الابر اول وانا يابنات خايفه ومحتاره بنج كامل اقوم دايخه وجسمي مكسر واصلا خايفه الي يقولو لو زادت الجرعه مادري ايش حيحصل وانا ميته خووووووووووووووووووف والبنج النصفي اخاف في الظهر بنت خالتي لما قلتلها قالت اكيد اختاري البنج النصفي هي ولدت بالبنج النصفي وزوجها عمل عمليه بواسير بالبنج النصفي قالت اريح قلتلها مااتخيل نفسي صاحيه اخاف اتوتر قالت ماتحسي بشي قلتلها كيف ورجلي كمان ماحس فيها مرررا حضايق قالت شوي وتفك مااتطول وانا يابنات والله محتاره مرررررررررررررررا ماني عارفه ايش احدد خايفه من الاثنين انا استخرت علي التلقيح المجهري انا كنت ناويه اروح احج بس سبحان الله ربي اراد اني احجز عند الدكتور واروح والدكتور يقرر تلقيح مجهري واستخرت والحمدالله مرتاحه اني اكمل مع الدكتور بس خايفه من البنج الابر الدكتور معروف ان شاءالله مايلخبط في شي يارب مشكلتي بس البنج محتاره مررررررررررررا مع العلم انا قبل عملتها ببنج كامل صحيت جسمي مكسر من البنج ودايخه وتعبانه ومالي نفس في شي هو البنج يعمل كدا وبنت خالتي تقولي النصفي افضل خلاص انتي صاحيه وماتحسي بشي والموضوع كلو ان شاءالله مايطول يعني انتو عارفين الي جربتو سحب المبايض ايش رايكم ساعدوني الله يرزقكم والله وماني قادره افكر ولا احدد شي شاركوني في تفكيري
مواقع النشر