موقفي مع اخوي برمضان يفطس ضحك..



صفحة 1 من 4 1234 الأخيرةالأخيرة
النتائج 1 إلى 4 من 13

الموضوع: موقفي مع اخوي برمضان يفطس ضحك..

  1. #1
    مشرفة ركن الإستراحة الصورة الرمزية ~* حكاية قلب *~
    تاريخ التسجيل
    Feb 2011
    المشاركات
    4,958
    معدل تقييم المستوى
    57

    موقفي مع اخوي برمضان يفطس ضحك..

    احد ايام رمضان المبارك كنت ماخذة اجازة من الصيام, ..وذهبوا افراد العائلة كلٌ إلى مرقده كما أعتقدت
    هم راحوا لغرفهم من هينا ..وانا انطلقت للمطبخ من هيناك

    أخذت لي فيمتو و شبس و طلعت للصاله وفتحت التي في مبتهجة


    أخذت لي فيمتو و شبس و طلعت للصاله وفتحت التي في مبتهجة

    وبينما أنا في خضم البلع والقحن وال***رة على مسلسل كوميدي كنت اتابعه وداخلة جووو
    الا وينفتح الباب واشوف وجه كذا >>>>>>>>>>>

    ويطلع أخوي " فلان " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان اخوي في أشد الدهشة والانبهار والتعجب حتى ظننت انه قد يموت بسكتتن قلبية

    اخوي : ماصمتييييييييييييي !!!!!!!

    أنا وفي يدي كأس مليء بالثلج وكيس شبس كبرر ر وجه أخوي : ليه أنت صايم ؟؟

    اخوي: وجع ..من جدك تسألين هالسؤال ؟

    أنا بكل ثقة وبجاحة: والله انت بعد سألتني نفس السؤال

    اخوي: والله انتي اللي جالسة تبلعين وتشربين موب انا

    ممممممم شفت الولد ماعنده نية يفهم ,استوعبت انه يا اما انه كان غايب في درس الفقه منهج سادس ابتدائي ..يا اما ان مدرسهم طمر الدرس , ولا وش ذا الدلاخة

    وبعدين انا تورطت وش اقول مافيه مجال أصير ناسيه وأنا مجهزة العدة,كاس ثلج وسترو ومنقيه التشبس اللي أبيه

    المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر
    شوي وتخطر على بالي ذيتس الفتسره(الفكره لغير الناطقين)
    : اسمع بقولك سر بس تكفى لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي


    والله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني <

    خرجت هذه الكلمات من أخي بحماس مشبع بالسعابيل المتناثرة التي لامست وجهي


    :أجل شف بصراحة أنا مسيحية

    :لا والله !! قولي قسم بالله


    :انا مسيحية ولا أقدر أحلف لان ديني غيركم < عشت الدور على طول
    بس بقولك القصة يمكن تخف روعتك شوي
    وتقدر تتفهمني و تحتويني وتحتضني (حسيتني بخرب الولد)


    القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني
    عند التلفزيون ويروحون يتمشون..تعرف انا اول طفل لهم (من امي لان ابوي متزوج ثنتين)وامي وابوي كانوا توهم صغار وطايشين
    و طفرانين ببعض وانا حسوني دخيلة بينهم
    ماادري ليه جابوني بسرعة اذا هم مايبغوني
    فجأة شفت عبرة خنقت اخوي ذو القلب الكبير وهو يتابع بصمت وفضول وغباء

    طيب ليش أجل تلبسين عبااااااية !! وانتي منتيب زينا < قاطعني أخي بكل دلاخة

    رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم للسعوديات

    ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

    :لا كنت أنام في الحصص وفي الاختبارات أغش
    تنح فيني وسكت

    وكملت له في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك
    اما هذا لنا "مشيرا بأصبعه إليك " وخذوك معاهم وسافرتو وانا لا


    اخوي >


    المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا

    وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت

    بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي
    واعتنقتها وأهلي مايدرون وللحين مايدرون


    اخوي بألم وهو في حيرة وده يرد ولا هوب عارف خاصة انه حس نفسه السبب وتعاطف معاي
    صمت لبرهة >>> متعوب عليها وفجأة قال
    : طيب ماتفكرين تسلمين ؟


    لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا ميمتي تيريزا

    داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام

    *#$%#*#$%*#$%*#$%*


    جاء يوم غد ..وفجأة أسمع شي يخربش تحت باب غرفتي ..حامت تسبدي حسبته صرصور ..قمت ابشوف مادريت الا كتيب ديني يندعس تحت الباب


    واشوف ..الا عنوانه Islam ???!!

    وافتح الباب بسرعة بشوف من اللي حاطه , الا واسمع صوت باب غرفة اخوي يتسكر بقوة

    هههههههههههههههههههههههههههههه ههههاي ياانا ضحكت ضحكة بغت تنكسر شبابيك غرفتي
    خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ

    طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين


    المهم انا عقب هالضحكة نسيت الكذبة ,ولهيت بمشاغل الحياة < مشكلة البزي وومن

    ومر كم يوم , وصدفت ان اخوي مر جنب غرفتي وانا لابسة جلالي وأصلي,وأنا أسجد
    مادريت الا بصوت رجول تراكض متجه نحوي ,واجلس من السجود الا واخوي يصيح ويحب راسي

    أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان اخوي صاحب القلب الكبير

    الحمدالله أسلمتي ,الحمدالله أسلمتي خخخخخخخخخخخخخخخخخخ

    ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )
    بس والله رحمته جاني الصياح صدق ,ماأدري هو أن عشت الدور ولا صياحه صيحني

    ويمر أبوي قدام هالمشهد التراجيدي وينهبل

    وجععععععع خير انهبلتوا ..وش صاير

    واخوي من هول سعادته كب العفش والعشا والقش كله


    بنتك أسللللللللللمت أسلللللللمت


    وللأسف انجلدت بعدها بس عادي التعب عادي
    طبعا هالكتاب حطيته في برواز علشان اتمنذل باخوي لاكبر خخخخخخخخخ

    منقووووووووووووووووووووووول

  2. #2
    مشرفة ركن الاستراحه الصورة الرمزية أحب الشرقية
    تاريخ التسجيل
    Jan 2010
    الدولة
    قلوب ناس أحبهم الله لايحرمني منهم
    المشاركات
    16,764
    معدل تقييم المستوى
    38

    Awards Showcase

    هههههههههههههههههههههههههههه
    موقف توووووووحفه
    يســــــــــــــلللللللمو

  3. #3
    محررة مبدعة الصورة الرمزية *برورة*
    تاريخ التسجيل
    Nov 2010
    المشاركات
    6,466
    معدل تقييم المستوى
    32
    ههههههه"R:هههههههه

    رهيييييبة .. خطنطر ... الله يسعد قلبكـ
    والله ضحكت من قلبي ... عساكـ تضحكي يوم القيامة

    الله يعطيكـ العافية ... تقبلي مروري

  4. #4
    نجمة بيت حواء الصورة الرمزية دروب الليالي
    تاريخ التسجيل
    May 2010
    المشاركات
    840
    معدل تقييم المستوى
    11
    هههههههههه والله موتني ضحك اضحك الله سنك والله الولد ده طيب وعلى نياته اخته طلعت تحححححححفه

صفحة 1 من 4 1234 الأخيرةالأخيرة

المواضيع المتشابهه

  1. زوجه اخوي ,,,,,,,,وسر تعلق اخوي فيها,هام لكل حواااااااء
    بواسطة ام هنوووووودي في المنتدى الحياة الزوجية
    مشاركات: 92
    آخر مشاركة: 15-04-2012, 06:28 PM
  2. زوجة اخوي انجنت<<<<الله يخلف على اخوي
    بواسطة وش..حيلتي!! في المنتدى قصائد , خواطر , لـــــ لمنقول ( مما راق لي )
    مشاركات: 14
    آخر مشاركة: 25-01-2012, 08:15 PM
  3. زوجة اخوي انجنت<<<<الله يخلف على اخوي
    بواسطة وش..حيلتي!! في المنتدى استراحة
    مشاركات: 6
    آخر مشاركة: 07-01-2011, 02:49 PM
  4. موقف....مع الكويتين بالأزمة....يفطس ضحك!!!!
    بواسطة للمحبة عنوان في المنتدى الأدب
    مشاركات: 32
    آخر مشاركة: 25-11-2008, 01:10 PM
  5. ساعدوني اخوي اخوي الصغير معه اغما
    بواسطة الــحــلــوه في المنتدى حواء وطفلها
    مشاركات: 10
    آخر مشاركة: 14-09-2006, 08:33 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |