يالبى قلب الزغيروني ياناااااااااااااااااااس



صفحة 1 من 11 1234 ... الأخيرةالأخيرة
النتائج 1 إلى 4 من 42
Like Tree8Likes

الموضوع: يالبى قلب الزغيروني ياناااااااااااااااااااس

  1. #1
    محررة بيت حواء الصورة الرمزية ام حبيليص
    تاريخ التسجيل
    Aug 2008
    الدولة
    قلبي مولع بالرياض
    المشاركات
    2,646
    معدل تقييم المستوى
    52

    sdfds يالبى قلب الزغيروني ياناااااااااااااااااااس

    ثلالالالالالالالالالالام تليييييييتم

    يعني السلام عليكم بس توني زغيرونة لبى قلبي ماطلعت اسناني

    هذا الله يسلمني ويسلمكم يوم كنت ايام الطفولة المبكرة ايام الابتدائي فديت الشرايط والمريول الرمادي

    والمطارة الوردية سقا الله ذيك الايام

    الا ليت الطفولة تعود يوما ........ فأخبرها بما فعل الشباب

    ياتسبدتي تسبدتااااااااااااه بس

    المهم ياحبيباتي انا درست اولى ابتدائي الترم الاول في مدرسه والترم الثاني نقلت لمدرسه ثانية في اليوم

    الاول مالبست مريول لان الخياط ماخلص مريولي فلبست تيور حلو امور مثل صاحبته موديله تنورة رمادية قصيره

    مكسرة وقميص ابيض مدري فيه فيونكه حمراء او لا مذكر ( جت ع الفيونكة يعني اخلصي علينا )

    المهم شافوني البنات تجمعوا علي وانهبلوا على لبسي خخخخ تعرفون البنات عاد لا شافو طالبة جديدة وش عاد

    لا كانت اموره ....... وبعد ماتعرفت ع البنات قالت لي وحده تصدقين اول ماشفتك احسبك اجنبية

    ماقلت لكم اصولي اجنبية ماصدقتو

    كانت عندي طقوس غريبة في ذيك المدرسة كنت اذا دق الجرس بتبدا الحصة الثالثة اطلع الساندوتش والعصير

    واحطه في الدرج عشان اذا دق الجرس معلنا انتهاء الحصة الثالثة طيران ع الساحة مااتعطل وانا اطلع

    المهم جاء يوم وكانت الحصة الثالثة قراءة دخلت يدي في الشنطة عشان اطلع الساندوتش دورت يمين.......

    يسار......... منا ...... منا مااااااش نسيتي فسحتك ياام حبلوص وتنزل علي الصاعقة ذاك اليوم مصيبة مافيه

    فسحة هذي والله الشغلة وتخنقني العبرة خلاص ببكي تعوذي من ابليس ياام حبيليص ( نفسي تقولي) لا تفضحينا والله ولا كأني اسمع شي ومن سوء حظي قالت الاستاذة يلا ياام حبلوص اقري القطعة تخيلو

    واحد خانقته العبرة ويقرا كيف يكون صوته

    الاستاذه وقد اخذتها الدهشة كل مأخذ :

    عسى ماشر ياام حبلوص وش السالفة يابعد تسبدتي ( بعد تسدبتي ارنوب معدي ع السريع )

    قلت و علامات الحزن والاسى بادية على محياي الصبوحي:

    نسيت فسحتي ياابلا ثم انهمرت الدموع مدرارا مدرارا وغرقت الفصل وقاموا البنات يرفعون كراسيهم ع الطاولات

    وجت الفراشة وقامت تمسح الفيضانات اللي صارت ووحدة من البنات صايعة طلعت المايوه من شنطتها ولبسته

    وقامت تسبح بنت اللذينا والله سباحة هالفصعونه

    المهم بعد ماجفت السيول العارمه قالت الاستاذه خلاص يابعد طوايف اهلي كلبوهم ( هذا عاد صاروخ باتريوت)

    تعالي عند غرفة المعلمات اذا دق الجرس

    طبعا انا ماكذبت خبر ماامد ه يدق الجرس زين الا و انا سابقتها ع الغرفة

    قالت وش تبين احط لك في الخبزه قلت ابي بيض تبي فطور صحي هي ووجهها

    كني صافقتها على وجهها قالت : لا ياحبيبتي ماعندنا بيض ( وفي نفسها تقول فاضيه لها اسوي بيض)

    قالت : بحط لك جبن وزيتون قلت: خلاص يحليلها تشاورني والله حبوبة ذيك المعلمة الله يذكرها بالخير معلمات اول

    مو هالوقت

    اخذت الخبزه وانا فرحانه كنها معطتني وش.. المشكلة ياجماعة الربع اني مفطره قبل مااجي المدرسة ومعي

    فلوس واختي في نفس المدرسة اقدر اذا ميته جوع تقطع لي من خبزتها بس وش تقولون في التناحة

    خلاص يعني حبكة خبزه يعني خبزه ولا ماتصير فسحة..........

    ومرة من المرات قلت انا مدري اختي لأمي نبي فسحتنا شكشوكة بس نبيها حارة يعني تسوينها قبل الفسحة

    بشوي وتجيبينها للمدرسة شوفو بس الدلع الساااااااااااامج وامي فديت عيونها مطاوعتنا على هالسماجة ومعطتنا وجه

    زيادة عن اللزوم طبعا بيتنا قريب من المدرسة تجي امي فديت رجيلاتها مشي

    اليوم الاول عطت الفراشة الفسحة وقالت وديها بناتي في الفصول الفلانية جت الفراشة وطقت الباب وقالت

    هذي فسحة ام حبلوص من بكرة نفس السالفة اللي بعده لا يختلف عن سابقه شافت الاستاذة ان الدعوة

    مصخت

    نادتني بعد ماطلعوا البنات قالت انتي كل يوم تنسين فسحتك؟؟؟؟ قلت لا بس ابيها حارة

    عذر اقبح من ذنب والله وعيونكم ماتشوف الا حمرة عين الاستاذة واستشاظت غيظا وبغت تصفقني

    على خشتي قالت مو حرام عليك تخلين امك كل يوم تطق مشوار للمدرسة عشان تجيب لك الفسحة حارة

    وهزأتني ذاك التهزيئ اللي يجمد ع الحواجب ( تستاهلين ياام حبلوص اجل هذي مرة اوادم ) مرة بكسر الميم يعني فعلة

    شنيعة بس باللهجة البداوي من بعدها حرمت اخلي امي تجيب لي الفسحة حتى لو اموت من الجوع ( والله

    عفارم عليك يا استاذة علمتي ام حبلوص الادب هذا ذنب أُميمتها اللي تقوم من احلى نومها عشان تسوي

    الشكشوكة للست هانم ام حلبوص هي والخانم اختها )

    والله من الشماجة بعض الدلع شماجة خلاص قلنا اخر العنقود وبلعناها اما ياامي كل يوم جيبي شكشوكتي حارة

    عسى ماشر؟؟؟؟؟؟
    ياشمجك شمجاه ياام حبلوص

    تحياتي

    ام حبلوص الشامجة

  2. #2
    محررة بيت حواء الصورة الرمزية أنوار القلوب
    تاريخ التسجيل
    Feb 2010
    المشاركات
    2,140
    معدل تقييم المستوى
    15
    هههههههههههههه يعطيك العافية أختي الغالية

  3. #3
    عضوة قمة الصورة الرمزية مــزاجــيه
    تاريخ التسجيل
    Jul 2011
    المشاركات
    174
    معدل تقييم المستوى
    9
    ههههههههههههههههههههه
    ذكرياتك كلها فطور شكلك اليوم جعانه مافطرتي
    استمري يعجبني أسلوبك
    [
    رَبِّ هَبْ لِي مِن لَّدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاء

    من مواضيع مــزاجــيه :


  4. #4
    عضوة قمة الصورة الرمزية roo7 roo7i
    تاريخ التسجيل
    Jan 2010
    المشاركات
    210
    معدل تقييم المستوى
    10
    ههههههههههههههه الله يسعدك يااحلبوووصتي <<< من زوود المياااانه

    والله شهتيني وانا اختس 2 فلافل مع سندويش شكشوكه وشطه << لزوووم الاكل خخخ

    يسلمممموو واحلا تقييم ..

    >>>سوري حلبوووص موراضي يقيم الميزان

صفحة 1 من 11 1234 ... الأخيرةالأخيرة

المواضيع المتشابهه

  1. ابن خالتي
    بواسطة طيبتي همي في المنتدى حواء وطفلها
    مشاركات: 3
    آخر مشاركة: 08-01-2011, 07:58 PM
  2. من زي حالتي ترد
    بواسطة سكينه القلوب في المنتدى الحمل والولادة
    مشاركات: 10
    آخر مشاركة: 01-01-2010, 08:43 PM
  3. فيه احد مثل حالتي؟؟؟؟؟
    بواسطة ام الكرم والخير في المنتدى الصحة والريجيم
    مشاركات: 12
    آخر مشاركة: 15-07-2009, 02:37 AM
  4. في احد مثل حالتي؟؟؟
    بواسطة الخجوووله في المنتدى اسرار البنات
    مشاركات: 20
    آخر مشاركة: 12-01-2008, 02:50 AM
  5. حلم خالتى
    بواسطة 7awadeet في المنتدى تأويل,(لكل عضوة رؤيا واحدة في كل اسبوع)
    مشاركات: 1
    آخر مشاركة: 03-07-2006, 05:35 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |