المشاركة الأصلية كتبت بواسطة هتاف المجد
ياعسل انتي ،،
تأكدي انك الاحلى والاجمل ،، فقط ،، اذا كنتي واااثقة من نفسك ،، و لا تهزك كلمة ،، سواء من زوجك او غيره ،،
وطبع الرجال انهم مايصرحون ،، و كلامهم دفش ،، لو كان يقول مثل هالكلام لواحد من اصحابه ،، ايش تتوقعي يرد عليه ؟؟؟
راح يرد عليه بتريقة و مزحة اثقل ،،
زوجك شافك تزعلين من كلامه ،، وتتنرفزين ،، فعرف نقطة ضعفك ،، و صار يركز عليها دايم ،،
وهو معاك طول الوقت ،، فماراح ينتبه للفرق في وزنك ،،،
طيب ايش الحل معاه ؟؟!!
الحل بسيط وسهل ،، بس يحتاج منك ارااادة وقوة شخصية و متااااابعة ،،،
اول شي استمري ع رجيمك ،، وحاولي تعملي رياضة فترة وجوده خارج البيت ،،
وفترة وجوده ،، تكشخي والبسي ،، وخليك فرفوووشة ،، ولو قال اي كلمة تزعلك ،،
ردي عليه بمزحة و ضحكة ( وهذي طريقتي اللي مريحتني الحمدلله )
لو قال : استحي اطلع معاك ،، قولي : انا انبسط اصلا لما امشي جنبك ،، احس اني ملكة معاك ،، الله لا يحرمني منك ،،
لو قال : بتزوج عليك ،، قولي : ياعيني ع المعرس ،، بس لا تنسى ترسلي كرت دعوة ،، عشان اطلع احلى من عروستك ،،
لو قال : جسمك يفشل ،، قولي : ادري ،، اصلا كل من شافني قال يا بخت زوجك بجسمك ،،
تعلمي لمثل هذي الردود ،، صدقيني هي الحل مع مزح الرجال الثقيل ،، ومع الوقت راح يقلل مزحه ،،
وبعد اسبوع ،، قولي بروح السوق ،، ملابسي كلها وااااسعة علي ،، لازم اشتري حسب مقاسي الجديد ،،
و حطي لك حوافز تشجيعية حتى تستمري في الريجيم والرياضة لين توصلي للوزن المطلوب ،،
مثلا حطي في محفظتك صورة جسم رشيق ،، كل ماشفتي الصورة تجدد نشاطك وتحسنت نفسيتك حتى يصير جسمك مثل الصورة ،،
على تسريحتك حطي تدرج وزنك من بداية الرجيم إلى الآن ،، ( حتى زوجك راح يلاحظ الفرق )
حطي واحد من ملابسك قبل الرجيم في مكان واضح ،، في غرفة نومك ،، ورا باب الغرفة مثلا ،، وكل ماشفتيه راح تحسي انك انجزتي وتقدمتي خطوات كبيرة في الريجيم ،،
واعييييد عليك اهم شي ثقتك و ثقتك و ثقتك ،،
لا تتذمري من جسمك مهما كان خاصة قدام زوجك ،،
( بحسب ماتعاملي نفسك ،، يعاملك زوجك )
عاملي نفسك بحب ( وتقبليها بعيوبها ) و نمي ايجابياتها،، و خليكي متحددة و نشيطة ،، وراح تحسي بالفرق ،،
ولا تنسي الاذكار اليومية ،، و الاستغفاااار ،،،
ويااارب يرزقك احلى جسم في صحة و عاااافية ،،،،
مع وافر حبي ،،،،،،،،
رد مع اقتباس
مواقع النشر