مغامراتي مع خواتي وعيالهن الجزء الثالث والاخير



صفحة 1 من 8 1234 ... الأخيرةالأخيرة
النتائج 1 إلى 4 من 30
Like Tree18Likes

الموضوع: مغامراتي مع خواتي وعيالهن الجزء الثالث والاخير

  1. #1
    محررة بيت حواء الصورة الرمزية ام حبيليص
    تاريخ التسجيل
    Aug 2008
    الدولة
    قلبي مولع بالرياض
    المشاركات
    2,646
    معدل تقييم المستوى
    52

    مغامراتي مع خواتي وعيالهن الجزء الثالث والاخير

    يالله حي بنات الاستراحة

    في البداية ودي اقول شي تحبلصوا معاي الله يرضى

    عليكم عشان حنا نتحبلص وننزل مواضيع حبلوصية متحبلصة تعجبكن اوكي

    ابدا موضوعي

    هالمرة يابنات جولتنا راح تكون برى بيتنا الحبيب يابيت العز يابتنافي مكان كلنا وانا اولكم نعشقه لدرجة الجنون الا وهو السوق وماادراكم ماالسوق طبعا خروجنا للسوق يكون جماعي امي وخواتي وبزارينهم انا اكره عمري اذا رحت للسوق معهم ما ارتاح وينك ياولد تعالي يابنت لا تضيعون واذا مرينا على كشك حلويات ولا العاب الله لايوريكم قاموا يتشنجون ويصارخون الا نشتري ويفشلونا قدام الاوادم اختي الكبيرة الله يسلمكم تعاند ماتشتري لهم وانا اقولها يامسلمة فكينا من صراخهم انا بشتري ولا امي تتبرع وهي حالفه الا مايشترون وشوفي عاد يتسدحون ع السيراميك ولا ينحاشون ولا مدري وش يسوون انا برستيجي اهتز احس العالم كلهم يتفرجون علينا واختي ماتقصر لازم اما قرصه ولا معطة شعر على بالها بتسكتهم


    طبعا اذا رحنا يابنات للسوق عيال خواتي مدري وش يجيهم الا يروحون للحمامات الله يكرمكم وعلى قوله اختي العودة عيالي مايدرون الا في الاسواق ( يدرون بتشديد الراء) وين رايحين ياعرب للحمامات من وين جايين من الحمامات وهذا حالنا راح الوقت وحنا نمتر السوق
    بنت اختي تقول حمامات السوق الفلاني احسن من حمامات السوق العلاني صار عنها خبرة الاخت

    الحين يابنات اجي لدور خواتي

    اذا راحت الوحدة للسوق كنها بساطة رايحة تبيع وبالذات اختي الوسطى ماعندها شي اسمه الاهتمام بالهندام والمظهر الخارجي تمشي على قاعدة دامهم مايعرفوني وش علي منهم

    تلبس الله يسلمكم جزمة اخوي الرياضة ركزوا وقميص البيت وتحته بنطلون البجامه طويل يسحب طالع من تحت العباية مايهمها السوق راقي مو راقي عادي الوضع

    اختي الثانية لا ارحم شوي للامانة من ناحية الهندام بس
    مدري وش يجيها اذا دخلت السوق كنها اول مرة تشوف سوق في حياتها وانا متأكدة انها بيجي يوم وبتخل موسوعة جينيس من كثر ماتروح للسوق المهم مثل ماقلت تفقد عقلها الله لايبلاني .... تكون حاطة ولدها في العربية وتدفه اوكي وانا قدامها وعيونها طايره ع المحلات وتصدم فيني وتتوطى عبايتي ياامي ازعجتيني مو يمي الحرمة ويوم مصختها رفعت صوتي لعل وعسى تسمع يوم طالعت فيني الا خيط البرقع اللي لابسته المفروض يكون ع الخشم هي جاي نص عينها انا بغيت انسدح من الضحك قلت يعني ماتحسين ماانحولتي قالت وانا اقول ليش اللبناني يطالع فيني ماينلام الله يكون في عونه جته صدمه

    ومرة قالت لبنتها ام 4 سنوات سابقا هالكلام وقفي برى وانا بدخل المحل لا تتحركين وكان معها ولدها عمرة
    6 شهوووور في العربية مدري اختي تحسب 4 سنوات انها وصلت لمرحلة النضج ابصم ان هذا كان تفكيرها المهم دخلت المحل والبنت اخذت طريقا في السوق ويوم طلعت امها مالقتها في هاللحظة تصاب الام المغفلة بشي يسمونه في علم النفس الهستيريا المهم قامت تراكض في السوق مثل المجنونه وتدور على عيالها المفقودين والحمد لله انها لقتهم بعد ماتعلمت درس لن تنساه في حياتها الله لايبلاني اخاف بكرة يضيعون حباليصي ويطلقني ابو حبلوص ( ماهمها الا ابو حبلوص) خخخخ

    نجي الحين لمرحلة التبضع

    اذا شرت الوحدة شي تنورة بنطلون بلوزة اني ثنق ماتروح تقيسها في الاختراع اللي اسمه غرف القياس لأ تقيسها في المحل نعم في المحل تمسك لها زاوية وتقيس ولا عليها من احد تخيلوا انا خلالالالالاص ودي امسك الوحدة واصك براسها الجدار ياامي خلينا نروح هناك وقيسي على راحتك والله مافيني اطق مشوار عشان اقيس ثم ارجع لكم ان تتخيلوا المنظر التنورة من تحت العباية قولي يالله محد شافها بس البلوزة من فوق العباية هذي نكتة

    واذا كنا في محل ادوات التجميل والاكسسوارات عادي يجربون الروج مافيه أي مشكلة تلزق الوحدة راسها في المراية وتحط طبعا مايشوف راعي المحل بس من الذوق العام مانسوي كذا
    واختي الوسطى ام اغرب طقوس في العالم تجرب الحلق تطلع اذنها وتحطه مدري يعني يتغير شكله في معتقداتها ولا ايش هذي مالقيت لها تفسير في الكتب العلمية.... اختي هذي تجيب لي المرض مترددة بشكل وماعندها شي اسمه البت في الامور عشرين مليون مرة تسألني اللبس هذا زين اقول ايه طيب تتوقعين بيطلع علي حلو نفس الجواب الاول ماكنه بيسمرني لأ طيب اخذ صمول ولا مديم ياامي لارج الله يحييك ولا اكس بعد.. سبحان الله خواتي دايم ياخذن مقلب في اعمارهن انهن رشيقات وان الصمول بيدخل فيهن
    ............

    حبلصة ( على وزن همسة )

    نسيت اقولكم عن موقف صار لنا في العيد
    اختي الكبيرة مخليه بنتها عندنا عشان تروح معنا لمسجد العيد لانها تقول عرسكم احسن من عرسنا قصدها عيدنا خخخخخ واختي الثانية عندنا من اول مقيمة المهم انا لبستها وكشختها وشبصات وحركات وشال وهيلاهوب ( غبرت عليكم بذا الكلمة خخخ) المهم وجزمة ودنيا البنت كاشخة من مجاميعه بس نسيت شي مهم الا وهو البنطلون يعني من فوق كشخة ومن تحت مافيه الا جزمة والهيلاهوب انا ماانتبهت لفداحة الشي اللي سويته ولا امي ولا اختي

    رحنا وصلينا وعينا من الله خير يوم رجعنا الا اختي تشوف البنطلون على الكنب قالت هذا وشو مالبست بنطلون خخخخخخخ

    بلوزة فقط يابنات خخخخخ يوم علمنا امها بغت تنجن فشلتوني شال ودنيا واخرتها بدون بنطلون قلنا محد يعرفنا في المسجد وكلن لاهي

    بس حرررررررركككككككككة ( الله يرحم امك ياام حبلوص لا عاد تلبسين البزران )


    تحياتي

    ام حبلوص الفاهية

  2. #2
    عضوة قمة
    تاريخ التسجيل
    Dec 2010
    المشاركات
    198
    معدل تقييم المستوى
    9
    ههههههههههههه
    الله يسعدك بجد ضحكتيني
    سالفه تسدح البزارين فالسوق<ياكثر مامريت فيها بس احسن شيء حطي رجلك لاي محل قريب لما يخلصون خخخ
    الجزء الثالث <<اثر فيه اجزاء قبل وانا مادريت لي فتره مادخلت المنتدى بروح اشوفهم
    يسعدني اكون اول وحده ترد ...

  3. #3

  4. #4
    عضوة قمة الصورة الرمزية ينبوع الغلا
    تاريخ التسجيل
    Sep 2011
    المشاركات
    425
    معدل تقييم المستوى
    10
    [ALIGN=CENTER][TABLETEXT="width:70%;"][CELL="filter:;"][ALIGN=center]الله يسعدكي
    زي عادتك مبدعة
    والله موتني ضحك لما قلتي يسدحون البزارين على السراميك
    موبس عندك الي عندك عندنا
    الله لايحرمنا منك
    واتمنى مايكون اخر جزء
    لان سوالفك حاوة زيك
    مشكورررررررررررررة حبيبتي
    وفي حفظ الرحمن [/ALIGN]
    [/CELL][/TABLETEXT][/ALIGN]

صفحة 1 من 8 1234 ... الأخيرةالأخيرة

المواضيع المتشابهه

  1. من ذكريات الطفولة الحبلوصية الجزء الثالث والاخير
    بواسطة ام حبيليص في المنتدى استراحة
    مشاركات: 25
    آخر مشاركة: 03-07-2012, 06:07 PM
  2. مغامراتي مع خواتي وعيالهن الجزء الثاني......
    بواسطة ام حبيليص في المنتدى استراحة
    مشاركات: 17
    آخر مشاركة: 21-11-2011, 10:34 AM
  3. مغامراتي مع خواتي وعيالهن الجزء الاول
    بواسطة ام حبيليص في المنتدى استراحة
    مشاركات: 26
    آخر مشاركة: 18-11-2011, 12:02 PM
  4. سعد بن أبي وقاص رضي الله عنه الجزء الرابع والاخير
    بواسطة حبيبتي مكة في المنتدى منتديات اسلامية,( على منهج أهل السنة والجماعة)
    مشاركات: 2
    آخر مشاركة: 23-01-2011, 02:43 PM
  5. غرف بنوتات ..الجزء الثالث والاخير
    بواسطة believer في المنتدى التصميم والديكور
    مشاركات: 11
    آخر مشاركة: 30-11-2006, 06:48 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |