السلام عليكم ورحمة الله و بركاته
كيف حالكم أخواتي . اذا كانت حماتك صعبة الطباع و فيها عيوب كثيره كيف تتعاملي معاها
أنا ليه 5 سنين متزوجه
زوجي عنده 8 أخوان متزوجين يعني احنا ساكنين مع بعض في نفس العماره...يعني عندي 8 سلايف ما شاء الله..2 فقط نفوسهم صافية و قلوبهم زي العسل ...اما البقيه فيهم حركات السلايف و الغيره و المكر
بالذات لأن (خالتي),اللي هي أم زوجي تقارن كثير بيننا يعني مثلا تجيني و تقولي فلانه(سلفتي) ما شاء الله سوت كذا وكذا وو تتبخر كل يوم...و الله سلفتي اللي قالتلي عليها و الله عمري ما شميت فيها بخور ...هي بس تستخدم هادي الأساليب عشان تبغانا نغار من بعض و نتنافس على رضاها..بس للاسف التنافس ما يكون شريف ألاحظ هذا الشي بينهم...عشان كده دايما بينهم مشاكل
بعكسي أنا فحالي و الحمدلله
بس اللي قاهرني..ان خالتي تجي بيتي و تمدح سلايفي قدام زوجي...تقول فلانه نشيطه أول وحده تخلص شغلها ...و تطنط تسوي كده و تسوي كده...و أنا و الله مو مقصره معاهم قايمه ببيتي و يوميا أبخره أروح لهم 3 مرات في الأسبوع و أخد معايا يا بسبوسه و للا كيكه و إذا عندهم ناس أقوم و أنظف ما أقعد زي الضيفة
كيف أخليها تبطل تمدح حريم قدام زوجي
ارجوكم أبغى آرائكم...لأن هذا الشي حارق دميو أخاف يجيني التهاب في القولون لا سمح الله
طيب ليه ما تمدحني أنا قدام زوجي ...و للا مومعقول مافيه أنا حاجه تتمدح
مواقع النشر