اغرب واطرف المواقف في صالة الزواجات



صفحة 1 من 6 1234 ... الأخيرةالأخيرة
النتائج 1 إلى 4 من 21
Like Tree15Likes

الموضوع: اغرب واطرف المواقف في صالة الزواجات

  1. #1
    محررة بيت حواء الصورة الرمزية ام حبيليص
    تاريخ التسجيل
    Aug 2008
    الدولة
    قلبي مولع بالرياض
    المشاركات
    2,646
    معدل تقييم المستوى
    52

    اغرب واطرف المواقف في صالة الزواجات

    يامرحبا ترحيبتن من بطيني الايمن بكل من دخلت موضوعي

    انا كتبت سابقا موضوع مشابه بس اليوم بنكهه غير
    ( بالملح والخل مثلا يا ام مضغوط )

    المهم

    لحظة بنات عن اذنكم شوي كني اسمع صوت جاي من غرفة المهبول حبلوص

    خلص حنانك ما بقى الا قسوتك ... اقسى علي اقسى حلالك فدوتك

    فتحت الباب انا بنت ابوي متى خلص حناني عليك يامال الطاعون

    لا يايمه ما اقصدك

    ماتقصد يامال اللي ماني قايلة

    ( قبل شوي طاعون والحين ..... سبحان الله )

    ياخسارة سهر الليالي وياخسارة الحليب والبمبرز

    قاموا يمنون عاد

    وش تقول

    لا الله يخليك لي مااقول شي

    كملي الموضوع جعلني ارقص في عرسك يايمه

    ايه وانا امك كثر من هالدعاوي وتراه من البر جعلني ماابتسيك

    من نجيب طاري العرس ترضى سبحان مغير الاحوال

    كمل وانا امك الطرب ما اقاطعك

    سكرت الباب

    نرجع لموضوعنا معليش خليتكم تنتظرون ع السماعة

    الزواجات يابنات عالم بحد ذاته لايفهم كنهه ومكنوناته الا المتمرس طبعا
    لاحظوا بنات انا اروح زواجات ماانكر بس مو كثير لو اروح دايم اتوقع راح اخذ الدكتوراه الفخرية

    اذكر لكم بعض الطرائف

    مرة وحدة قالت لي ان فيه حرمتين طباين وفي رواية ضراير مدري وش تسمونها المهم الاولى على مااعتقد مطلقة كلهم حضروا نفس الزواج الثانية قامت ترقص عشان تقهر الاولى والاولى ماتطالع فيها هذيك انقهرت الا طالعيني وش سوت قامت خذت الجمر حق الطقاقات ورشته ع الطاوله اللي فيها الحرمة شوفوا ياعالم وين وصل الاجرام

    خلاص اخذتي زوجها الا غصب تطالع فيك عمن يعميك أي والله
    ( ان كيدهن عظيم )

    ووحدة ثانية نفس الحالة طباين قالت الاولى للثانية اذا شفتك حاضرة العرس الفلاني لاتلومين الا شوشتك الثانية ضربت بكلامها عرض الجدار ومشت رايها وحضرت

    شافتها الاولى وش سوت طلعت كل الذهب اللي هي لابسته استعدادا للمعركة الحامية

    وراحت للحرمة و صطرتها ذاك التصطير لييييييييييين قالت بس .... والله ماتسوى عليك الجية فشلتي عمرك وبس

    ومرة كانت اختي رايحة لزواج وشافت وحدة ضاربة عينها بوية بالاسود ثم مااااااااااااادة خط الى الاذن لالالالا يفوتكم المكياج مرت الحرمة من جنب اختي وقالت اختي لجارتها شوفي هاذي كن عيونها ملاعق وماتوا ضحك والحرمه سمعت وحطت يدها على خصرها وقامت تهز عمرها و تخز اختي بعينها والشرار يتطاير منها اختي بغى يوقف قلبها من الخوف..... يااختي مو قد الكلام ليه تقولينه
    هاذي اختي الكبيرة عارفينها مايحتاج اذكركم

    ومن اغرب غرائب ماسمعت يابنات ان فيه قبيله من القبائل بدون ذكر اسماء اذا صار زواج وش يسوون ياترى؟؟؟ يدخلون شايب على الحريم ويجلس ع المنصة ويشوف الحريم اللي يرقصون بعدين يقيم حضرة جنابه أي وحده كانت نجمة الحفل استغفر الله ياربي ........
    اين الغيره يارجال قصدي يااشباه الرجال

    ياحريم يابقر ماتخافن الله ( الله يعافيهم ولا يبتلينا )

    وحدة كمان قالت لي من نفس القبيلة بس هاذي اخف شوي وش يسوون اذا خلص الزواج يقومون الرجال يسألون الحريم من النجمة المتألقة الليلة عاد هم يرشحون الشحرورة ثم يعطونها 500 مدري كل رجال 500
    او واحد فقط الله اعلم

    اترك لكم التعليق يابنات

    ومرة من المراري للاسف هاذا زواج من جماعتنا زفوا العروس بعدين دخل المعرس معه خوانه وعيال عمه و مدري مين وابو العروس وهاتوا يارقص الحريم مع الرجال ع المنصة محارم مو محارم مو مشكلة معي طرحة تكفي ساترة عمري خلاص برقص... واحد ع المنصة وزوجته تحت تأشر له ويرقص معها انقلب العرس ديسكو انا ولله الحمد ماحضرت الزواج اهلي حضروا تقول اختي والله خفت ذاك اليوم لا ربي يخسف بنا القاعة

    كمان حضرت انا واهلي ملكة وحدة في استراحة دخل الرجال عند زوجته يلبسها الشبكة مدري المهلبية المهم قامت الحرمة قالت تجونا ان شاء الله على ملكة فلانة امي بغت تنجلط قالت اجل اليوم مو ملكتها قالت لأ اليوم خطبة قالت امي خطبة وداخل عندها قالت عادي...... استغفر الله ياربي
    للاسف الشديد هالحرمة وبناتها الله يهديهم متساهلين بشكل مو طبيعي
    في الخطبة هاذي خرب الاستريو نادوا واحد من الرجاال يصلحه ماتغطى الا طاولتنا والطاولة اللي جنبنا والباقين؟؟؟؟ لا والادهى والامر ايش انا كان معي منديل وابي ارميه في الزبالة رحت ورميته ويوم التفت الا رجال واقف عند الباب اللي بين الحريم والرجال ويقز الرايحة والجاية
    ويوم جاء العشاء يدخلون الهنود عادي ويصفون الاغراض والصحون والعالم ماشية امورهم عاااااااااااادي

    طبعا اللبس حدث ولا حرج في الزواجات
    لبس يجيب الغثيان مرة وحدة مسويه موديل فستانها شفاف من الجوانب من فوق ليييييييييين نص الفخ ملابسها الداخليه واضحة طيب ياامي فيه اختراع اسمه بطانة لحمية ماتخرب الموديل اللي من زينه اصلا و فرحانة فيه بعد
    و وحدة لابسه ستيانات شك وبنطلون والباقي طالع
    ووحدة فاتحة فستانها ثلاث ارباع الفخذ طالع ووووو القائمة تطول

    ومرة شفت الطقاقة وخروا عن الطقاقة الله يرضى عليكم لابسة بنطلون شيفون والملابس الدخلية تسلم ع الحضور

    كذلك من غرائب اللبس اني مرة حضرت زواج 4 خوات لابسين نفس اللبس نفس اللون والموديل وكللللللللل شي هاذي من نفس قبيلة اللي يرشحون نجمة الحفل خخخخخخخخخ مدري وش الحكمة من التطقييم

    من الغرائب ايضا هاذي من ناحية الاكسسوار شفت وحدة لابسة برقع اكسسوار ادعسسسسسسس بالله عمركم شفتوا يابنات نفسي اعرف من وين شاريته

    شكلها يفطس ضحك المشكلة بكل ثقة جالسة وياارض انهدي ماعليكي ادي وكل اللي معها عاجبهم منظرها والله لو وحدة من خواتي تقفد عقلها واشوفها مسوية كذا لا افرك خشتها في جمر الطقاقات

    وشفت وحدة بعد حاطه على وجهها سلسال مدري وش جاي من الاذن ثم متعدي الخشم ثم ملبق عند الاذن الثانية واللي ادهشني انه ثابت على خشمها مدري ملزقته ولا وش مسويه فيه

    وكلش ولا الزمام اللي شابك مع الحلق من جد مقزز و احس خاسوا في مقابرهم اللي يسوون كذا بس لايزال يلبس للاسف

    طيب الحين نجي لغرائب الاغاني المطلوبة

    فيه اغنية يرقصون عليها مدري هي قديمة ولا وش قصتها

    اللي تقول يابنت من انتي بنته ؟؟؟؟ طبعا الطقاقة تقولها بسرعة عجزت اقولها مثلها
    طيب يابنات الله يرضى عليكم خلونا نتوقف برهه من الزمن عشان نستخلص الصيغ البلاغية في هالمقطع

    اول شي يا ........ هاذي للنداء

    بنت ......... عرفنا مو متزوجة ولا هي من الجنس الخشن

    من انتي ؟............. استفهام

    بنته ......... تكرار وهاذا للتأكيد والهاء ....... للغائب عايدة على ابو البنت

    طيب نشوف من يرقص عليها

    اول شي يلي ترقصين كلنا عارفين شجرة العيلة حقتك مايحتاج نسأل عنك

    ثانيا ياعالم اللي ترقص وربي انها جدة ليه ومتى وكيف صرتي بنت؟؟؟ علمينا يرحم والديك والادهى والامر بنتها ترقص معها وبنتها الثانية ترضع مدري تغير لبنتها مدري وين هي طاسه طبعا اللي هي السبب اللي خلت امها تصير جدة

    النقد البلاغي والتحليل النفسي السلوكي المتحبلص :

    من وجهت نظري المتواضعه ارى ان هالحرمة الى الحين عايشة في الماضي والساعة البيولوجية عندها معطلة وقفت لين مرحلة المراهقة بعدين ماعاد تدري هي تزوجت وجالها بنات واحفاد او لا لذلك وقع اختيارها على هالاغنية لان من داخلها تبي احد يسألها هالسؤال عشان تأكد لذاتها وتثبت لعقلها الباطن انها لازالت بنت في عنفوان شبابها ومن خلال دراستي لسيكولوجية ذوي الاحتياجات الخاصة ( لانها منهم) لمست انها تحاول تخبي حقيقة واضحة للعيان وضوح الشمس في القيالي الا هي انها عجوز على مين يابنت نعطيها على قد عقلها يابنوتات


    ايضا من الاغاني

    حطوا فلان على الكرسي.......... مااعرف والله التكملة

    فلان ........... من اقارب الراقصة

    على ......... حرف جر

    الكرسي ........ اسم مجرور بعلى وعلامة جرة الهبلنه

    السوال

    مالمقصود بالكرسى؟؟؟؟

    هل هو كرسي العرش... كرسي الامبراطورية ...كرسي المكتب مدري الله العالم

    وكلش ولا وقولوا بسم الله على غزالن طب

    مدري متى بتندثر هالاغنية

    ياالهبلا يلي تهزين وسطك عادي تصير من الحيوانات مو مشكلة عندك؟!

    صح الغزال شكله حلو مااختلفنا بس مو تشبهين عمرك بحيوان ارتقى الله يرضى عليك بمستواك الفكري وعن الخبال اوكي

    لو قايلة قمر... وردة .... شكولاته ..... شبس ممكن
    بس حيوان ؟؟؟؟؟؟؟؟؟؟؟؟

    فيه غنية احبها حيل اسفهل اذا غنتها الطقاقة

    ياحمود لو ينشدوا عنا ترى الوعد راس تنورة

    قديمة بس ايقاعها حلو

    ادق رقبة وانا في مكاني

    انا حبلوص

    امي فديتها لو تشوفونها وهي ترقص كان ماصدقتوا شي خطير مرة دخلت معها وهي ماتدري لصالة الحريم والله انهبلت عليها ولا دريت انها امي وكنت منشن عليها
    وقلت اذا رجعت للبيت بقول لأمي تخطب لي ام فستان احمراني والله خطيييييييييرة
    ويوم قربت امي للطاولة اللي انا مندس تحتها الا الاقيها امي

    ام حبلوص

    لا يلي ماتستحي على وجهك داخل عند الحريم والله لأخلي ابوك ينسيك [fot1]الوان الطيف [/fot1]كلها


    امسحوها في وجهي يابنات انا بفتش جواله اخاف اني حاضرة زواجاتكم ومصوركم


    ملاحظة

    احب اقولكم يابنوتات ياحلوات أي ملاحظة او نقد ارسلوا لي ع الخاص الله يرضى عليكم لاتكتبون في الموضوع عشان ماازعل لاني لو زعلت مشكلة يمكن اتحبلص من المنتدى هالشغلة صارت لي كذا مرة اتمنى ماتتكرر

    تحياتي

    ام حبلوص

  2. #2
    محررة مبدعة الصورة الرمزية صدى الاحباب
    تاريخ التسجيل
    Jan 2009
    الدولة
    بــيـ حوااء ـــت
    المشاركات
    5,239
    معدل تقييم المستوى
    30
    ياحلوك يام حلبوص يا حلو مواضيعك


    جزاك الله خير ع الطرح الرائع

    نسال الله الهداية للجميع


  3. #3
    محررة بيت حواء الصورة الرمزية عناقيد الود
    تاريخ التسجيل
    May 2011
    الدولة
    الرياض
    المشاركات
    4,859
    معدل تقييم المستوى
    17
    الله يعيين

    بس اللي يدخلوون الرجال الشايب علشان يقييم من نجمة الحفل هذي اول مره اسمع فيها الصراحه



    يسلمووووووووووووووو حبلووصه





    أسـتغـفرالله الـعلـي الـعظـيم وأتـوب إليـه
    كـرريها ولـكي ألأجــر بـأذن الله ,,,,,,,
    .................................................. ..
    مازال يساورني يقين
    بأن هناك شيء ينتظرني
    بعد الصبر ليبهرني
    وينسيني مرارة الأمس

    من مواضيع عناقيد الود :


  4. #4
    عضوة جديدة
    تاريخ التسجيل
    Oct 2011
    المشاركات
    24
    معدل تقييم المستوى
    9
    حلوه فلسفتك

    لكن مع احترامي الشديد لك

    انك معقده

    روووقي ^^

    من مواضيع أسّوو :


    صفحة 1 من 6 1234 ... الأخيرةالأخيرة

    المواضيع المتشابهه

    1. حكم قول شاءت الظروف أو شاءت الأقدار
      بواسطة بشائر الأمل في المنتدى منتديات اسلامية,( على منهج أهل السنة والجماعة)
      مشاركات: 5
      آخر مشاركة: 09-03-2014, 06:02 PM
    2. الزواجات و ما ادراك ما الزواجات
      بواسطة فاقدة أبووها في المنتدى اسرار البنات
      مشاركات: 20
      آخر مشاركة: 25-03-2011, 02:54 AM
    3. انشودة بانت لي همومه ودمعته سالت سالت على جفونه
      بواسطة تاج حيدر22 في المنتدى اناشيد
      مشاركات: 1
      آخر مشاركة: 08-03-2011, 08:33 PM
    4. الزواجات قربت تعالي لفساتين الزواجات
      بواسطة سعودية رايقه في المنتدى السوق, ( متاجر متنوعه) ويمكنك تأجير ركن خاص بك
      مشاركات: 0
      آخر مشاركة: 11-02-2010, 12:14 AM
    5. مشاركات: 13
      آخر مشاركة: 27-09-2008, 02:56 AM

    الكلمات الدلالية لهذا الموضوع

    مواقع النشر

    مواقع النشر

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    أهم المواضيع

    المطبخ

    من مواقعنا

    صفحاتنا الاجتماعية

    المنتديات

    ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |