السلام عليكم ورحمة الله وبركاته
اليوم جايبه لكم حلا سويتها ماشاء الله تبارك الله طلع
مرررررررة يجنن وان شاء الله يعجبكم
المقادير علبة كيك با الفانلياء او اي نكهة تحبي
بكيت بسكويت شاي
حليب مع نسكافة لتغميس البسكويت
حبة جلكسي
دريم ويب 3ظروف
علبة ونص قشطة
6 حبات جبن كيري
كاسة شاي حليب بارد
لتزين شكولاته فليك وحبات هيرشيز
وشوكلاته هيرشيز سائله
نجي لطريقة
نجيب صينية اي نوع صينيه عندك ونقطع الكيك شريح ونرصه في الصينية ونضغط عليه شوي
ونجيب البسكويت ونغمسة في الحليب ونرصه فو ق الكيك با الترتيب
الحين نجيب الخلاط ونحط فيها علبة قشطة و3 ظروف دريم ويب والجبن كيري والحليب البارد <<ضروري يكون بارد
ونخلطهم حتي يصير الخليط كثيف
ونصبهم في الصينه وناخذ ملعقة ونساوي السطح وندخلها الفريزر
شوي حتي تجمد
نجي لطبقة الاخيرة نحط في نفس الخلاط النص علبه القشطة والجلكسي ونخلطهم زين مع بعض وبعدين نطلع الصينيه ونصبهم على الطبقة البيضاء ونزينها با اشوكلاتة فليك وحبيبات الهير شيزوالهيرشيز السائله
هنا طلعته بعد ساعتين من الفريزر بس بدون صوص الشوكلاته
وهنا زينته با هيرشيز السائله
وبس وان شاء الله يعجبكم وبا العافيه على قلوبكم ان شاء الله
لا تنسوني من دعواتكم
رد مع اقتباس
مواقع النشر