قصتي مع العقم الذي لم يطول وصورة القمرين لي نورو حياتي(مشاركتي بتجارب نورت حياتي)
[ALIGN=CENTER][TABLETEXT="width:70%;"][CELL="filter:;"][ALIGN=center][/ALIGN][/CELL][/TABLETEXT][/ALIGN]السلام عليكم ورحمة الله
اولا ماكتبتلكم بالفصحة حتى ما خبص
كتير لاني كتبت لي شعرته وشاركتكم مشاعري وللاسف هل مرة مشاعري طلعت بالعامية وما طلعت بالفصحةلهيك اعزروني
قرات كتير موضيع لبنات يشتهو كلمة ماما والله اني ادعي دائما لكل محروم ان الله يرزقها الذرية الصالحة لاني والله جربت الشعور وكان مؤلم كتير بس الله قادر على كل شي
انا حملت بعد ماتزوجت من اول شهر وربي رزقني ببنوتة وبس صار عمرها سنة اتمنيت اني احمل مرة تانية بس للاسف مرت سنة بدون ما احمل وبديت رحلة العلاج
ومشكلتي اني عايشة بغربة وما بعرف وين روح
فكنت وقت روح بلدي اتعالج ووقت رحت للدكتور انصدمت وطلعت من عنده وانا ببكي
لاني ابدا ما كنت متوقعة يقول لي والله للاسف انتي عندك عقم وسط وصعب تحملي انا انهرت وماصدقت نسيت قلكم اني قبل بفترة سنةغابت عني الدورة وحللت طبعا تحليل منزلي وطلع خطين وكان عندي اعراض حمل وبعد 3 شهور رحت اعمل سونار طلع مافي حمل وكانت اول صدمة
وبعد ما قال الدكتور ان عندي عقم وسببه طبيعة جسمي وعددلي بعض الامراض لي فيني وقال عندك صعف بالمبايض وعندك تضخم بالمبايض وعندك تكيس شديد وممكن تحتاجي عملية وكمان عندك ارتفاع بهرمون الذكورة حاجة ولا تسمعو كمان الحمد لله على كل حال بديت بفترة العلاج والادوية لي مالها نهاية وبعدها رجعت على غربتي وانا باخد العلاج لي وصفه دكتوري وفجاة صار معي نزيف بقي معي 30 يوم انا سالت دكتوري قالي لازم تفحصي عنق الرحم يمكن في شي بعنق الرحم سبب النزيف وبالفعل رحت وعملت فحص طبعا بعدما بكيت بكاء لا يعلمه الا الله والحمد لله طلع مافي شي واخدت دواء لوقف النزيف ووقف
صار سنتين وماصار حمل وبدينا بالسنة 3 حملت سلفتي وهي عندها 4 اولاد الله يحفظهم لها بس للاسف نزلت حملها بعد شهرين وسمعت قالو من عيني لان سلفتي متغربة معي وكتير اثرت فيني هل كلمة رجعت لبلدي وكنا حنخلص السنة 3 من دون حمل قلي دكتوري في تحسن خفيف وبدا يعطيني ابر النشيط والحبوب وكل شهر تغيب الدورا نفرح وبعدها يخيب املنا الحمد لله وبعدها مليت من التحطيم بس ما يئست من رحمة رب العالمين
كنت ادعي ربي كتير ان يرزقني بتوام وزوجي كان يدعي وكنت ما اترك الاستغفار والدعاء وسورة مريم
المهم كنا بشهر رمضان كنت باخد علاجي بس كنت شلت فكرة الحمل وبطلت فكر كتير لاني تعبت واخذت بحدود 13 ابة منشط وعلبتين كلوميد وقالي الدكتور ان اخد ابرة تفجير عيار5000 وقال ممكن يصير حمل وممكن لا بس كمان ممكن يصير معك ماء بالرحم وتضخم اكتر بالمبايض انا توكلت على ربي وعملت لي قال عليه الدكتور ورجعت لعنده قال عندك عشرين بويضة بس مو صالح منها لتلقيح الا 3 والله يخترلك الخير
وبنفس اليوم لي كنت عند الدكتور بنتظر التحليل
شفنا رجال بالمشفى حامل المشرط وبيهدد اصحاب المشفى وعمل ضجة كبيرة وعرفنا ان ماتت زوجته وهي بتولد وسالت الدكتور قال بسبب الجهل لي عنده كان بولد زوجته بالبيت
وهو الجنين بيخرج صار مع زوجته نزيف وكان راس الجنين عند منطقة الحوض وقت الخروج يعني راس الجنين مابقى بالرحم ولما اسعفوها خلوها تجلس واختنق الجنين ومات وزوجته وصلت للمشفى مافيها ضغط ومنع من انو يدخل يكشف عليها دكتور واصر ان تكون قابلة ولما دخلت القابلة كانت زوجته نزفت كتير ورغم هيك دخل الدكتور وحاول ينعشها لكن للاسف ماتت هي وجنينها بسبب الجهل والتعصب وكانت عندها اربع بنات وجابت ولد وانا حكيت القصة حتى ناخد العبرة
وكل حامل هي حكيمة نفسها وهي اعلم بظروفها ولازم نفكر صح ونبعد عن الجهل
منرجع لقصتي وخلص شهر رمضان واجا العيد وانا متعودة ان الدورة تغيب عني لانها ما انتظمت المهم انا تعودت عل تحليل المنزلي وقلت لزوجي يجبلي تحليل منزلي وقلت بستنى للصبح بحلل افضل بس ما بعرف ليش ما قدرت اصبر وعملت التحليل وكان خطين بشكل واضح كتير انا انصدمت بس كمان خفت يكون التحليل غلط طلعت ورجيته لزوجي فرح كتير وشكر الله بس انا خايفة رجعت جبت تحليل تاني وكمان خطين واضحين كتير وبعد كم يوم رحت للدكتور وكمان خايفة يكون مافي حمل ويكون هرموناتي مرتفعة ما بعرف صارت الافكار تاخدني وتجيبني
وجلست للفحص على السونار والدكتور مافتح تمه بس بيتفرج وانا خايفة قلت شكله مافي حمل
واخيرا تكلم الدكتور وقلي مبروك حامل
وانامن الفرحة وبعدين قلي معك توام وانا صرت هيك
حمدة ربي و شكرته حملهم كان صعب شوي اخدت بفترت حملهم اكتر من 50 ابرة مثبت غير حبوب التثبيت لي ما بتنعد وهلاء صار عمرهم سنة و8 شهور الله يحميهم صبي وبنت
والله يرزق كل محرومة متل ما رزقني
واكيد لي فهمتو من قصتي ان لازم نتوكل على الله ونقصده وما نيأس لان رحمة الله وسعة كل شي واكيد ما ننسى الاستغفار
وهي صورت احلى قمرين نورو حياتي
بتمنى تدعولهم الله يجعلهم من الصالحين ويحفظهم هون اول ما ولدو
والله يرزق كل محرومه
وبتمنى من لي بيعجبها موضوعي لا تحرمني من ردها وتقييمها
[ALIGN=CENTER][TABLETEXT="width:70%;"][CELL="filter:;"][ALIGN=center]
[/ALIGN][/CELL][/TABLETEXT][/ALIGN]
رد مع اقتباس
مواقع النشر