السلام عليكم اخواتي
بدخل في الموضوع بدون مقدمات
صحبتي من سنين وهيا تشتكي بأن امها كثيرة الكذب بسبب وبدون سبب و لما يتجمعو هيا واختها المتزوجة ويجلسو مع امهم تبدأ الام بتأليف القصص الخرافية وتحكي انها قد حصلت معاها شخصيا والبنت واختها يتضايقووو ونفسهم يقولولها انهم عارفين انها قصص خيالية وانتي ليش تسوي كدا بس يستحو ولانها امهم ويخافو تزعل منهم والمشكلة انها تكذب الكذبة وتصدقها وتعشعشها في خيالها انها حقيقة وتتعامل معها على دا الاساس وقمة الاحراج ان كل بنات العايلة يقولو للبنت امك متى تبطل تأليف مسلسلات؟؟ والله شي يحزن ايش الحل برايكم
وياريت جات على كدا وبس
تكذب على بناتها و تورطهم لانهم ياخدو اي خبر منها و يتأملو انو صحيح ويتصرفو وبعدها يكتشفو بأن الام كانت تكذب عليهم عشان تصرفهم وماصارو يصدقوها ومايسمعو كلامها لان اخبارها مغلوطة
وهيا صارت تزعل منهم لانهم ماياخدو برأيها لانهم ياخدو برأيها في اي مشكلة وتقول بحلها لكم وتسحب عليهم او تقول خلاص حليتها وانتهى كل شي ودبرتلكم واسطة وصحبتي واصلة ويكتشفو بعدين انها كذبة
لما كانت صحبتي في الابتدائية سنة اولى جابت الرابعة على الفصل وتفاجأت بأنها سمعت امها تقول بنتي الاولى عالفصل !! البنت استغربت ولما سألوها صارت تقول ايوة انا الاولى عشان لا تحرج امها
و مرة البنت راحت مع امها زواج و وشافتها صديقة قديمة لها قالتلها انتي فلانة ؟؟؟؟؟؟
قالتلها لا انا نورة <<نورة اسم وهمي
وكمان الام مطلقة وتزوجت برجل اخر وكتبت العقدفي البيت والبنت في الغرفة قالتلها لا تخرجي في ضيوف وبعدين اكتشفت ان الضيوف المأذون والزوج واخو البنت والام تزوجت
البنت قالتلها ليش تقولي ضيوف يعني انا بمانع تتزوجي قامت الام تضحك
قالتلها البنت طيب ايش اسم زوجك قالتلها اسمو صالح وبعدين البنت اكتشفت انواسمو محمد
يعني تكذب بدون سبب الله يهديها
ف ايش الحل دكتورنفسي ماحتروح لانها اكيد ماحتشوف انها تسوي شي غلط
ولا تقولو البنت عاقة ومدري ايش هيا ماعقت امها ولا قالتلها عن دا الشي وتحاول تدور حلول عشان تساعد امها لان العايلة كلها تتشمت في امها والبنت يتقطع قلبها على امها
مواقع النشر