بنات محتاجه مساعتدكم

[ليالي الحنين]

السلام عليكم ورحمة الله وبركاته لوسمحتوا انا اول مره بسافر مصر انا وزوجي وبنتي الي عندها معلومات عن السكن والفنادق واماكن التسوق والمطاعم لاتبخل علي تكفوووووووون بنات وشكرا لكم

[..تذكار..]

وعليكم السلام ورحمة الله وبركاته


إذا بتسافرين أول مره تأكدي انك بتكررينها أكثر من مره لأن مصر جميله جداً ويكفي ان اسمها أم الدنيا

الفنادق على حسب ميزانيتكم يعني فيه فنادق خمسة نجوم ورائعه جداً مثل فندق الفوريسيزون وفندق أم كلثوم وفندق شيراتون كلها تطل على النيل وفندق البارون في مصر الجديده وفيه كمان شقق مفروشه في الزمالك والمعادي رائعه جداً

وبالنسبة للأسواق لايفوتك خان الخليلي بصراحه يروح عليكي الوقت وانتي تتمشي في أزقة هذا السوق ولاتنسي تشربي فيه عرقسوس وتمر هندي وهناك راح تشوفي الأزهر والحسين

وعندك كمان المتحف القومي في القاهره لازم تزوريه وراح تشوفي الآثار الفرعونيه والعجب العجاب

روحي للأهرامات بس انتبهي الزياره من الصباح الى الساعه 3 الظهر بعد كذا لاتروحي لأنه أنا وزوجي رحنا العصر ولقينا واحد يأجر كاريتا ركبنا فيها ولف فينا لفه بسيطه وماشفنا ا لأهرامات زين ولا دخلنا جواتها ولما سألنا واحد مصري نعرفه قال زيارة الاهرامات معروفه من الصبح لحد الظهر بس وكنا دفعنا 40 جنيه ولما رحنا الصباح دفعنا 4 جنيه فقط

وأهم شي لاتردوا على أي أحد من اللي في الشارع إذا يسوي نفسه يبي يقدم خدمه

بالنسبه للمطاعم أنا كنت آكل في نفس الفندق لكن مره وحده طلعنا لمطعم مشويات بجنب الحسين نسيت اسمه و كان رائع جداً


ولاتنسي تروحي كمان للأسكندريه روحي لمكان اسمه المنتزه رووووووووووووعه والكلام ماراح يوصل لك شي من اللي أقوله إلا إذا شفتي بعينك

بس نصيحه نصيحه روحوا بسيارتكم الخاصه لاتعتمدون على التكاسي ترى بتندمون لأن الميزانيه كلها بتروح عليهم

وإذا كنتي سعوديه ومن سكان شمال المملكه أنصحك تروحي براً للأردن وتحجزوا من مطار الملكه علياء من عمان للقاهره

أريح لكم من العبارات وساعات الانتظار الطويله اللي بتزهقكم قبل ماتاصلون



هذا اللي أتذكره حالياً وإذا تذكرت شي ثاني باضيفه في موضوعك

واتمنى لك رحله سعيده وموفقه بإذن الله

[ليالي الحنين]

شكرا لك اختي تذكار ماقصرتي والله انا سمعت عن فندق ام كلثوم ماتعرفين مكانه وين وللاسف احنا خلاص حجزنا بالطياره مافي مجال نغير ونروح بالسياره وتسلمين مره ثانيه

[..تذكار..]

هلا حبيبتي

فندق أم كلثوم في الزمالك