ورحت ادور في النت ع اسامي بنات
وشفت اسم رنيم وحبيته كثييير
وحبت معناه صوت العصافير في الصباح او صوت تلاوة القران و اللحن الجميل
عجبني مره شاورت زوجي فيه قال خلاص ماعد تغيريه كلمه وحده قلتله تم ماحد يغيره والله فرحت لاني كنت خايفه يعارض
لان صارت مشاكل ع اسامي بناتي الكبار جدتهم وجدهم محشورين يتدخلون في الصغيره والكبيره
وصارت مشاكل ع الاسامي لدرجه ان بنتي الثانيه حلفنا مانسميها وجلست اكثر من شهر بدون اسم
هههه مسكينه نذكر الايام الماضيه ونضحك
خلاص ماعد لحد كلمه علينا والحمد لله اتفقنا
يوم شافني في النت اشوف ملابس البنات واسامي البنات قالي شكل الاشعه طلع فيها بنت قلتانت تتوهم بس انا استعد لكل شي ولد ام بنت
جاء موعد الاشعه الثاني وطلعت بنوته مزيونه طاردت وراها الطبيبه في الاشعه حتي تعبت واخر شي قالت ع جنب وشافت بنتي مستحيه متخبيه في ظهري
حطت جهاز الاشعه جنب الكليه والا بنتي انصادت
قالت مبروك بنت
عاد هذي المره كنت مرتاحه لان كلام زوجي ريحني
وماخفت
يوم طلعت قلت له بنت وقالي الحمد لله والله ان فرحت من ردت فعل
وقلت الحـــمـــــــــــد لله كثيـــــرا
ولما خلصت الثامن
سافرت لعند مامي واخيرا اقدر امشي كنت كل يوم اطلع السطح وامشي العصريه كلها لان ايام شتاء ماكنت اخرج في الرياض
بــــــــرد
وكانت التقلصات قد بدات من نهايه الشهر الثامن
كنت كل يوم اقول لامي اررررربت ارررربت
زي باب الحاره ههههه
قرررربت
وراجعت في المستشفي تبع المدينه اللي احنا فيها
وكان ابوي معي وقال الدكتور تولد 30\2
قلت الله قل 1\3 اش فيك لازم 30كنت اقولها في نفسي
وكنت مشتاقه للولاده ابي ارتاح ابي انام زين ع ظهري وقرررربت صدق
قبل الولاده بيوم صارت مشكله بين اخواني من الصباح وهم مزودينها ع اتفه شي ولاكن كبرت
وصارت معارك حتي امي تعبت مررره منهم وانتفخ عندها القولون وفرقنا بينهم واحد طلع والثاني في غرفه وجاء العصر وطلعت ع السطوح امشي كان يوم 29\2 وامشي شوي والا اختي الصغيره تصارخ وتطلع لي ع الدرج وتنادي في وتخبرني عن اخواني تحاربوا مره ثانيه وامي ماقدرت تفكهم كان بيتقاتلوا
وانا من الفجعه ركضت ع الدرج عني حتي الان مااذكر كيف نزلت لاكن اختي تقول كنتي تقفزي ع الدرج وتجري مع اني لما كنت اطلع ع الدرج اجلس واقوم حتي اصل للسطوح واليوم ركضت وقفزت هههه
وصلت وامي جالسه من التعب وهم متماسكين واصرخ صرخه والا كل واحد ع جهه واخاصمهم واصارخ عليه بطريقه جنونيه
وتفرقت شياطينهم كل راح لغرفته
جاء المغرب والا انا مااقدر اوقف ع رجولي
كانت ترتجف
وامي مسكينه منسدحه قالت اش فيك قلت لها ارررربت
وخليتها ورحت لغرفتي وكنت حاسه ان الشمس ماراح تطلع والا بنتي في حضني
قمت الساعه 9 واستحم وامشط شعري
واجهز شنطه الولاده والعبايه
واتصل ع ابوي واقول له شكلي باسويها الليله هه
قال لالالالالالا اجليها شوي والله تعبان الليله من اخوانك قلت مو بكيفي
انام من الساعه10 الي12
ويصحيني الطلق يروح ويجي يورح ويجي
وكل مره يزيد شوي وتقل المده بيت التقلصات
الحين تاكدت اني باولد
صحصت وقمت ماكان صاحي الا اختي اللي طلعت لي وخبرتني عن اخواني وانا فوق
وتشوفني راحت لامي وانا امسكها قلت لها خليها واجلسي معي
واتصل ع اخت زوجي قلت لها تعالي انتي واخوك وديني المستشفي وارسل اختي لاخوي كان بالمجلس علشان يكون محرمي واعطيه الاوراق
والطلق في ازدياد
ومابغت اصحي امي اللي فيها كافيها
دخلت اخت زوجي وتمسك بيدي
وانا نازله رحت لامي وقلت لها ادعيلي كانت بتروح معي رفضت قلت لها لاصحي ابوي بعدين تعالي
لان ابوي عند مرته الثانيه
ونطلع لمستشفي العام اللي عندنا
وماالقي قدامي الادكتور رجل قلت جيبوا الدكتوره رفضوا وقمت باطلع قالت الممرضه اجلسي اكشف عليك
ويوم كشفت الا وهو5سم ونص
ووقعت ع مسوليتي وطلعت
مسكت الممرضه اخت زوجي وقالت ودوها بسرعه للمستشفي الثاني لان الطلق حامي
والمسكينه خافت
وتقول لاخوها عجل عجل
والمدينه الثانيه اللي فيها المشفي تبعد30 الي 40 كيلو
كانوا مسرعين مره حتي اخو زوجي يقول عمري ماقد سقت بها السرعه ولا راح اسوق مره ثانيه بوحده بتولد ههههههه
وصلنا وكان مررره مزحوم المشفي والطبيبه والممرضات يقولوا عندكم مشفي اش جابكم ههه
ويوم يشوفوني الحريم وانا تعبانه عطوني دورهم وقدموني عليهم الله يجزاهم الفردوس الاعلي
وتكشف علي والاهو 7سم ونص
وكانت الساعه حينها 2ونص وحطوني ع كرسي الولاده والساعه قدامي والطلق حامي
يروح ويجي
وفجاء هداء
الين الساعه 3.00ويبدا طلق من نوع تاني مره قوي
ويقترب الراس ودفع في طلق
الين الساعه3.20وطلعت رنيم للدنيا الله يعينها ع الدنيا
سبحان الله ربي يسرها وكان وقت الولاده في الثلث الاخير في الليل وماخلت حد الا وانا دعيت له لخواني ربي يهديهم وللكل وحده بالمنتدي
والله دعيت لكم ان الله يرزقكم الذريه وكل محروم ربي يرزقه ويقر عينه بالضناء
تعرفون شي اول مره مااصارخ في ولاداتي ماصرخت الا صرخه خروج الراس سبحان الله ربي يسرها وولدت بسرعه
اما بناتي الكبيرات صراخ اتوقع كل اهل المستشفي سمعوه وجيران المستشفي كمان هههه
وياذن الفجر وادق ع ابوي وهو نايم ويقولي ايش سويتي تبين المشفي ههههه قلت له بارك لي ولدت كان ردت فعله مررره تضحك كان يضن انه يحلم ههه
واتصل ع امي واطمنها
وبعد ولادتي بنص ساعه والا يستلم المناوبه دكتور يااااي
الحمد لله اني ربي يسرها وعطاني ع نياتي هربتمن دكتور ولقيت الدكتوره ع اخر مناوبتها ولدتني وطلعت
احمد ربي احمد ربي ان ماولدت ع يد رجال
وكان ذيك الــــــــــــــــيــــــــــــومــــــــــــ30\2\ 1432هـ
ههههه اذكر اني لما كنت اناظر للتقوم كنت اقول لبنتي استني يوم علشان يكون 1مارضت هههه
ويوم وصلت البيت والا هذيك يااسئله من بناتي واخواني الصغار
كيف طلعت
ايش تاكل
صغيره مرره
وجميع اشكال التعجب في وجيههم
وفي الختام
واحمد الله واشكره شكراا كثير ا ع رزقي ببنتي رنيم
وعلي اتمام حملي لهابسلام
عاد طبيعي يكون الموضوع طويل لانه المده ماهي سهله 9شهور
ارجوا ان لاتتعبكم القراء
وان تستفيدوا
واعرفوا ان الله كريم عظيم يكتب لنا كل
خير بس احنا مانعرف الا متاخرين
واشكر كل من قرات موضوعي
واكيد مايحتاج اوصيكم بالردود والتقييم
لاني اعرفكم كريمات
مواقع النشر